متهاييلي

غلا قبل كاينلي سراب ابقيلي
يا ويلهن الأنظار

وين تهايا
غلا راح كادنّه اكبار سوايا
سيول دمع تمن عالوطا جرّاية
ويا ويلهن لنظار يا راعيلي
بيدي وبيده مسطّره النهاية
جا بينا نقار ومصبيلي
اسمعت الحديث اللي طروه احدايا
وهو زاد سامع شي مو طاريلي
قالوا علي حاز الجديد ارضايّ
وجاني خبر داير جديد بديلي
وتما خبرنا تسلية شوهاية
وعين الشوامت ريتها توميلي
فقدته خسارة بو عيون سهاية
تاريت ياسه لوعتي شاريلي

متهاييلي
غلا قبل كاينلي سراب ابقيلي
يا ويلهن الأنظار

خطر ف أوقات
حاست العين وخاطري ما بات
جت صورته مقعد غلا شحات
لحظة بلحظة نين ناصف ليلي
تاريت صوبه يدّقل ما مات
كاذب علي تقاز لي قاريلي
وتمت فجيعة ف خايلة للنعات
غيري ملك داري بدون جميلي
انخش للخلا تفرج علي عيطات
وذرفت دموعي نين يبطل حيلي
وتبقى كبيرة لو حضر صوّات
يشالي معاي ونيته يصفّيلي
خبر طار ننصب خوذ دمع وهات
وجبدت غلا وقولة تعالي شيلي
يا موت خوذيني لدار أموات
راهي الكواين شيخهن كابيلي
اندير الغلا فلحظة يصير اشتات
وتشهد علي الناس عقبة خيلي

متهاييلي
غلا قبل كاينلي سراب ابقيلي
يا ويلهن الأنظار

مشكـــــــــــــــــــــــور وبارك الله فيك

مشكور ع المرور

مشكـــــور اخــــي ,,,,

مشكـــــــــــــــــــــــورين ع المـــــــــــــــــــــــــــرور

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق

مشكــــــــــــــــــــورين ع المـــــــــــــــــــــرور