ليش يا وقت

ترفع ليش ياوقت الوضيع .. وليش اتذل بالعازه ارجال
املبس ليش تاجك لللكيع .. وتطعن ليش في صيت بواهلال
وتستر ليش من عرضه يبيع .. وتفضح ليش في قلة الحال
اتحلل ليش فالرزق المنيع .. اتباعد ليش في رزق الحلال
تذكر ليش مالذيلي الصنيع .. وتنكر ليش للفارس افعال
اتمجد ليش من لبست خليع .. وتشتم ليش من طقة اخلال
تقهر ليش فالحمل الوديع .. تنادي ليش للقرد بغزال
اتجامل ليش فالوجه البشيع .. وليش اتذم لوحه للجمال
اتبكي ليش فالطفل الرضيع .. ادلل ليش في ناساً ارذال
امدنقر ليش لنذالك اطيع .. امفنص ليش في وجوه عقال
تعزم ليش ع الخير الشبيع .. وحاسد ليش فقري ع الخيال
بوجاه ليش بايت فالصقيع .. وفقصور ليش امنعم انذال
مجدب ليش في فصل الربيع .. وقاصر ليش في قوة العيال
امكثر ليش من نسل التبيع .. امشوهي ليش تريسك اقلال
اتصغر ليش من قدر الرفيع .. الرزان ليش جبتا لنخال
الاشهب ليش فالقاعه رتيع .. امحجر ليش الاربد بوانعال
خايف ليش مرموحه اتضيع .. وطايب ليش موسك لجمال
امشوخ ليش الابكم والصريع .. الشوخه ليش بقيتلك ابمال
وليش ابقيت تبحث ع الرقيع .. وتسفي ليش ع التبر الرمال

مشكـــــــــــــــــــــــور وبارك الله فيك

مشكور ع المرور

مشكــــــور اخــــي ....

خوي فتح الله القصيدة مانفية للدين الاسلامي
ارجو حذفها لانها القدر والمكتوب في يد الله سبحانه وتعالي وليس للوقت
وتوجد عدة فتاوي علي هذه الموضوع من كبار العلماء في من يقول علي سبيل المثال الوقت كذا وكذا

مشكــــــــــــــــــــرورين ,,,,,,,

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق

مشكــــــــــــــــــــورين ع المـــــــــــــــــــــرور