اللي اليوم زهرة ليبيا قتلوها !!!

من طرف **زهرة اللوتس** 2012-01-28, 7:10 am

اللي اليوم زهرة ليبيا قتلوها !!!

يقول الشاعر رجب الشيخى
يالله يلقوها !!!
اللي اليوم زهرة ليبيا قتلوها !!!
لبي ادعانا
(( يالله يلقوها ))
يا الله جازيهم
يا الله نـــزل مالــــوبال عليهــم
يا الله ندعــوا بذنبهم كافيهـــم
ابشع جريمه ياالله اقترفــــوهـا
ويا الله ورينــا جـــــزاتك فيهـــم
قبل القيامه فالحيا انشوفـــوها
وفالآخـــــره زيد وتوكـــل بيهــم
يا الله احرقهم كيف ما احرقوها
شفاعة نبيك يا الله استثنيهم
انريد رحمتك يا الله ما ايطولوها
بالدم راهو املطخــــات ايديهم
ويش ذنبها يا الله ما ســألوها
ويا الله صبــــر المومنين عطيهم
كيف امها كي كل هلها وبوها
ويا الله كامـــــل ليبيا انعــزيهم
فـــــي بنتنا رتاج وين بكــــوها
***************
رد الشاعر نعيم الزوى
يالله يلقوها !!!
اللي اليوم زهرة ليبيا قتلوها !!!
لبي ادعانا
(( يالله يلقوها ))
يالله بالثار
يالله ذوقهم عــــــذاب النار
يالله ماتغفــــل على ماصار
يالله طفلة مالحياة حرموها
يالله ياعــــارف جميع اسرار
يالله ماترحم اللى حــرقوها
يالله تسقيهـــم جميع امرار
يالله وردة فايحه خطفـــوها
يالله داروا شـــى ما ينــدار
يالله ردت ثارهـــا نبــــــوها
يالله ندعـــولك اصغـار اكبار
يالله جيب الصبر صبر بوها

من طرف فتح الله زايد عبدالدايم 2012-01-28, 7:44 am

من طرف **جمال المروج** 2012-01-28, 8:03 am

بارك الله فى الشاعر رجب الشيخى لغيرغته على الفقيدة رتاج أسكنها الله فسيح جناته

ولكن أنبه الشاعر فى قوله:

يالله ماتغفــــل على ماصار

يجب أن يعلم أن الله لايغفل يقول الله تعالى

وماالله بغافل عما تعملون

ويقول : أحصاه الله ونسوه

ويقول الله تعالى :وأحصى كل شئ عددا

هذا لتنبيه القراء فقط فبارك الله فى الشاعر وفى الناقل

شكرا زهرة وبارك الله فيك ورحم الله أختنا رتاج والهم أهلها الصبر والسلوان

تقبلوا مرورى