أقريب ومانك أقريب أسعدي زين كنك انسيت اللي بيناياحبيب

من طرف **العاشق الصغير** 2012-02-18, 10:43 am

اقريب ومانك اقريب ... اقريب ومانك اقريب

اسعدي زين كنك نسيت ... اللي بينا يا حبيب

انت عهد ليا عطيت ... مازلت فيه والا مسيب

وامغير قولي كان خسيت ... اصحاك راك مني تريب

الشيله بعد بنيت البيت ... عليها اجمالي مطيب

كمين دار قبلك جفيت ... اليوم في ونسها تهيب

ومنهن اجروحي تعافيت ... ونا كنت منهن انغيب

وان كان قلتلي ما توانيت... وفي راك ضنك اتخيب

وانا زاد الاول كان جيت ... هضاك البنادم الطيب

وغيرك اليا تو ما لقيت... حتى والمراجا يشيب

مانك لا مانك

هضاك الغالي متبدل عليا يا عيون الفالي

مانك الغالي الاول ... مو حال دايم كل حال محول

سبحانه اللي تميت نا نسول ... عليك بغلايا وانت ماترتالي

قيسك انسيت اني انا اسمي المخول ... حباس دمعتي والدمع عيني مالي

اباياا اللي وين تجفاني ... الدار نحوم عليها كل ,مقوى عزوم اجمالي

مانك لا مانك

هضاك الغالي متبدل عليا في الزمان التالي

مانك اللي يشقى بي ... وايش الطاغيه بي كان طال اغيابي

الايام غيرنك ملتفت لاثيابي ... ومكثر النشده عالظروف او حالي

حسيت من كلامك مو شوي اعيابي ... ونا نقولك مازلت في منزالي

مايغر بك شيبي زي سنين شبابي ... ولويه زماني وين ما التوابي

ابايااا اللي نحاسبه يثقل ...عليه احسابي,حتى وهن ايديا والجيوب خوالي

مانك لا مانك

هضاك الغالي متبدل عليا يا عيون الفالي

مانك هضاك الوافي ... بو قلب ينبض بالمحبه صافي

اللي قلتلي يسفو عليا السافي ... ولا انا معاك نروج من معدالي

واليوم ليش يامولى العيون رهافي ... يا اعيون المسبق ارضيت زعالي

ابقيتلي عدو ميدان مانك خافي ... حتى ان كان ماتقدر عليه اقتالي

ابايااا مازلت نا الاول اسمي المكافي ... ما يطمعك في شيان خيالي

لا مانك

هضاك الغالي متبدل عليا في الزمان التالي

مانك اصبي اعيوني .. متبدل عليا فالزمان الدوني

انت منعرف بيا ونا اعرفوني ... اهداي بيك والصاحب اللي يدنالي

وامغير يا غالي ظهرت اعيوني ... تزاين اتريد غير زين افعالي

وين ما الدنيا نقصت قانوني ... وايام عونها ردن علي قبالي

تميت اتبرى من غلاي وشوني ... للياس بعتني بيعت الشي البالي

لا ايريد يرقد لا اينسم عوني .... بيك وبلاك القاسمه تأ تالي

ابايااا واجدين قبلك .... للجدا خلوني وجو في بلاهم ما صبا خالي

لا مانك

هضاك الغالي متبدل عليا يا عيون الفالي

مانك عزيزي الداني .... اللي نسيت في شانه اسمي ومكاني

وايلومني وين ايلومني يلقاني... ماعمر قتله هذي ماتصفالي

وامحوط عليه وحاضنه بحناني ... ما انريدله ليعه سواد اليالي

وهو زاد سفاي الغثيث مثاني ... مايدير فيت اللي تفضي بالي

موش انت يا عاكس عكاس زماني ... وموش انت لو مانك انت المغالي

ابايااا يا غزال نازن فيك .... في ميزاني مشحاط زين ما بينك وبين غزالي

مانك لا مانك

هضاك الغالي متبدل عليا فالزمان التالي

للشاعر بوبكر بوحويه

م ن ق و ل

تما تعديل القصيده من طرف العاشق الصغير وذلكا لسبب(لا والنبي مانك هذاك الغالي )