هاك جفايا خوذ غــــــــــــلاك

_______________________________________


هاك حنانك مانبيـــــــــه

هاك خطايا مايغبـــــــــــــــاك = مايرومش قلبي جافيـــــه

انسيت أيامي نا ننســـــــــــاك = مانواطي راسي حاميــــه

تحسابه لما نخطـــــــــــــــاك = أنعول عالجية وأنواطيــــه

حق الله أنعيش بـــــــــــــلاك = أندور غالي نزهي بيـــــــه

نمحي كل أثار لأسمــــــــاك = بأصرار ايديا نمحيـــــــــــه

أندير أخيم ف ليل عــــــزاك = عزا خاين والخونه فيـــــــه

نا شرطي للي ينعـــــــــــــاك = يجني وأمسكر ماقيــــــــــه

ما نذرف ف يوم ثـــــــــراك = ف حفرة نسوه نرميــــــــــه

خوذ أسمومك هـــــــاك دواك = سمك ياذوب أيكفيـــــــــــك

عرفت أيامـــــك عكس أيامــــــي = عرفت العمر أخسارة فيـــــك

أخسارة مادزيت سلامــــــــــــــي = خسرته قلبي اللي حاميــــــك

خوذ كلامـــــك هات أحلامــــــي = أخسارة حلمي ماهو ليـــــــك

نسيت زمان لقيتك ضامــــــــــــي = من كاس حناني ساقيـــــــــك

نسيت الشوق ف قلبي كامـــــــــي = كافيت بسيـــــــة أنكافيــك

نا حسمت الأمر أرضي بقسامــي = ماترجع عارف ماضيـــــــــك