ما جت الا مربوحة

________________________________________
----

الشاعر عبد الحميد السعيطي

ما جت الا مربوحة ... عزيز عالخطا عولّ امعاي ابروحه
ونا انريدها
ما جت الا بالنيّة ... عزيز وينما عوّل امعاي ابسية
نا انريدها طيبك الله قسمية ... لاجل اميوحي موش شور اميوحه
مالساعة عرفت اتصير له قسمية ... امغير وينما خادع طلقت اسروحه
عيون المجدّي في اطراف حطية ... ارقيت نا اصعود وهو نزل دردوحة

ما جت الا بالغاية ... امعاي وين لزمنّه عزيز سوايا
دارهن ونا عندي حسبت نهاية ... تهنيّت منه ومن سطير اجروحه
حقيته مع غيري قرن سهراية ... حتى لو اندم ماعد انجي في طوحه
ايقولوا الناس الصوب مو تمناية ... واللي اترافقه تعرف جميع اطروحه

نظيف عضاه ... القيت الخطا حايز مكان غلاه
والقيته ايتبع في سواد انياه ... حتى لو نصحته ما اتفيد نصوحة
والقيته تعب زايد عقاب رجاه ... بطيب خاطري عاطي عزيز سموحة
ما جت الا مربوحة

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق

مشكــــــــــــــــــــورين ع المـــــــــــــــــــــرور