شعرشعبى

من طرف **عبدالحفيظ عوض ربيع** 2009-08-20, 10:27 am

كلمة الحق أن قلتها وجاعة .. اتخلي رفيقك يتركك في ساعة

يتركك من جده .. ويبقى امعاه الفيض فايت حده

يبيك تجاهل عالخطا ماترده .. وتاخذ اسلوبه في حيلته واخداعه

يتركك ويهونك .. وان جاملك موش لسواد عيونك

تحلف عليه يبيع روحه دونك .. اوهو بايعك بالرخص للبياعة

يبيك تكذب كيفه .. ويبيك تبدع فالكلام وزيفه

وكلمة الحق يلقالها تعريفه .. ويسلك طريق الشر باقتناعه

اتصدقه بالنيه .. وتقول هذا عز صاحب ليا

وين تكشفه تلقاه لفعه حيه .. لدغتها خفيفة قاتله لياعة

من طرف **حبة مسك** 2009-08-20, 10:38 am

سألوا أحدهم عن عدم وفاء الصديق فقال :
بعض اللوم القيه على نفسي لأني ما عرفت أختار الصديق الوفي .
وبعض اللوم القيه عليه لأنة لم يصون الصداقة ( الرّفقة ) .

قصيدة رائعة يا عبدالحفيظ .... يا ريت نعرف من هو صاحبها لتكتمل روعتها .
ننتظر المزيد