اقبل علي جميل

اقبل علي جميل ♥ ♥ ♥ بالك أعيوني يرقدن فاليل

تعال ننظرك

تعال أنشوفك ♥ ♥ ♥ ديره جميل أو نقبله معروفك
...
و أتشيل منك ذنب فوق أكتوفك ♥ ♥ ♥ تعال شوفني كنك أتريد دليل

أفضا أشوي أو حطني في أظروفك ♥ ♥ ♥ أغيابك عليا شين هد الحيل

ماأنريد منك عطف نبي روفك ♥ ♥ ♥ أو ما أنريد منك فالغلا تدليل

يعلم الله أيش حاطني في جوفك ♥ ♥ ♥ كلا أفجوفي ما أفغلاك مثيل

تعال أنحقك ♥ ♥ ♥ دير خير و أيكافيك بكرة ربك

نا يا عزيز أنموت فيك أنحبك ♥ ♥ ♥ الوقت يا غالي بلاك ثقيل

لو كنت تدلل عليا حقك ♥ ♥ ♥ لكن بلاك أنعيش مستحيل

لو كان غير أنطول فيك أنطقك ♥ ♥ ♥ أنخليك فيا من جديد أتميل

أقبل جميل عليا ♥ ♥ ♥ تعال ننظرك لرياف أثر فيا

نكره بلاك الفرح موبيديا ♥ ♥ ♥ و أن قلت يقتلني جفاك قليل

غلاك النفس لروح والأمية ♥ ♥ ♥ أوفي غيبتك حتا البخت أيميل

نارك أفقلبي يا عزيز قوية ♥ ♥ ♥ تهفا أنزيدوها أرياف أتشيل

لو أترد يبقا الجو مية المية ♥ ♥ ♥ أو ماعاد نسهر لا أيطيح الحيل