بــــــــــــــلاي أحملــــــــــت

من طرف **العاشق الصغير** 2012-03-11, 2:58 pm

السلام عليكم ورحمه الله

اخوتي اخواتي الاعزاء ...

كانت قد راودتني غناوه تقول (ما دامك بلاي احملت .... نشقى بعزم و اندير دورتك )

اعجبت بها لما فيها من قوه تعبيريه وفيها اسى و الم وحزن وخيانه وغدر وهجر وبعد وووووو

تحمل كثير من المعاني التي يقشعر لها لابدان و تدمع لها الاعين و تصم منها الاذان

فكتبت خاطرتي هذه على انغام الحزن و الاسى والهجر

واتمنى ان تنال رضاكم و اعجابكم

بلاي احملت ... نشقى بعزايم و اتهون حتى انت ..... واندير دورتك منداما بلاي احملت

ارضيت الهونه و ارضيت الجفا يا كحيل اعيونه

نا راد نشقى بعزم .. نترك غلاك انهونه ...... ونعد ما يوم كنا !!! وكنت

وننسى غلاك اللي خرب قانونه ...... منك شربت المر نين ادمنت

وهيهات تلقى كيفي !! الحب ايصونه .... معاك الرضى اربح وين ماسرت

نويت السودة وهنت الغلا يلي نضيف اخدوده

اندير دورتك ماعد غلاك انعوده ..... ننسى سريبك ومن حياة ركنت

ويبقى غلاك امعاي امحودد صوبه .....ما دامك ارضيت السوايا بالجفا استعجلت

عيشتني في وهم ابقيت العوبه .... بيديك تلعب بي ما عدلت

اموكل ربي !! وما تريد تربح شي ... خاطي ذنبي

الله ايسامحك منك احقوقي نبي ..... صيفت حالي وفي الحياة اذيبلت

تميت وسط الناس قاعد خيال امصبي ..... مستوه منفجع مالي امعاي درت

ياخذ الحق الله نا مانبي ..... ندعي عليك ادعى يلي خنت

بلاي احملت ... نشقى بعزايم و اتهون حتى انت ..... وندير دورتك.. منداما بلاي احملت

م ن ق و ل