أمعـــــــــــاه أيــــــــــــروق

من طرف **العاشق الصغير** 2012-03-11, 3:29 pm

[size=21]السلام عليكم جميعا

اود ان تشاركوني هذه الخاطره التي كتبتها تأكيدا على رساله وصلت الى هاتفي جاء فيها ( ايروق عالبكا خلوه .... قليل نوم مو موالف هنا ) وجاءت في وقت كأنها تحاكي ما بداخلي وكان لها وقع قوي علي مشاعري

مما اجبرني على كتابت هذه الخاطره والتي اقول فيها

معاه ايروق ... قليل نوم يابال الهنا محجوب ... خذاه عالبكا الخاطر .. معاه ايروق

خذاها حرفه ... وبكيت عقاب الليل تمت طرفه
مع الدمع يسللى ويقوى ذرفه .... وتسمر معاه العين اترك اشبوب

ماللي هجر ومابا ايقدر ظرفه .... وخلاه قاعد في الحياة منكوب

موعارف الذنب اللي معاه اقترفه ..... ولا با ايعد اللوم لا لعيوب

عنده روقه .... وعاشق للبكا كيف ما عشق معشوقه
ويراجي الليل بفارغ الصبر احدوده .... عنده هوايه بالبكا معشوق

ويرفع اعلام لحداد رايه سوده .... معلن علي بكيه معاها ايروق

ويمسح ادراااااه الكبد مسحت روقه ..... عاللي هجر ومابا عليه ايتوق

اتجي مجتمعه ... ضيقة اخلوق مع مسارب دمعه
ونسمر عقاب الليل نا و الشمعه ..... ونحت الدموع حته اتفش لخلوق

وتنشف العين ماعاد تلقى دمعه ... ونبكي بدم يساقط بروس لهدوب

عاللي جفا وماعد كلامي سمعه .... وباعه غلاي بيعه رخيص اطلوق

م ن ق و ل