ام ليبية ترثي ابنها الشهيد

من طرف **زهرة اللوتس** 2012-03-12, 5:09 pm

ام ليبية ترثي ابنها الشهيد" رحمة الله عليه"

سالن دموعي ما قدرت انرده...وليدي لجبهات المعارك عدى....وليد غيور..قال يامي نا عليا الدور..وواجب عليا تنتفض ونثور.... يامي التريس تبان وقت الشدة... تفكرت حملي ليه تسعة شهور...وتربايت سنين ومدة.. وين قال ما نبي ذهب وقصور...نبيه هاللي عالاوطان تعدى...سالن دموعي ما قدرت انرده...وليدي لجبهات المعارك ...عدى...ماشديته ولاقلتله اقعد ولا ترجيته...الإصرار باين في عيونه ريته...وانا نعرف وليدي وين مايتحدى...أنا قلت زينه وبالحضن ضميته...ودعيت ربي ينصره ويرده...وان كان استشهد زينها من ميته......خالد في جنات النعيم انعده..سالن دموعي وما قدرت نصده وليدي لجبهات المعارك عدى...وافي صبره...نازل على الميدان داير هدره...تقول صقر نازل مالعلو هالهبرة...ما هناك لا من يردعه ويشده ... جاته رصاصة عايره في صدره...طاح وبذكر الله رافع يده...جابوه جثة كاسيتها الغبرة .. طحت وعلي راسه نبوس وخده...نزغرط عليه وخانقتني العبرة... والصبر يامولاي ماني قدره...ضهري انكسر يالله بيك الجبره...اكسر اللي قاتل ضناي
منقول

من طرف pure heart 2012-03-12, 5:40 pm

ما أروعها من كلمات لامست كل إحساس فينا .. ها هي الأم الليبية التي ودعت ابنها بقلب مؤمن بالله راض بحكمه

اللهم ارحم وليدها و اجعله لها شفيعا ..

و لا ننسى الأمهات و الأبطال في سوريا أسأل الله أن يجعل النصر حليفهم وأن يحقن دماؤهم عاجلا غير آجل ..