ايش اتديرله

ايش اتديرله هلّي عطيته ودك
وماحس بجروحك ابهزوة ردك
هلّي عطيته حلمك
واعلن ابحربه وانت عالن سلمك
واري عليه الحن قوي ظلمك
... وانسى اللي كانت امعاه تشدك
من يوما اجاهل سيبك ما علمك
استكثر عليه ابرخو لمسة يدك
هلّي عطيته فرحك
وسبب احزانك ما اشقيبه جرحك
دير دوته بالعز علّي صرحك
لااتلوم لااتحكي عليه بعدك
اتعلي مقاماته بكثرة شرحك
وتبقى حسبته وين درته ضدك
خلّي مثيل الصفر ناتج طرحك
واصحى حنين الواردات ايردك
هلّي علي تدليله
ناوي ومااتبّي ادير بديله
عليك ايتغير بين يوم وليلة
وانت اتهاتي بالغلا من جدّك
لاتبكي حذاه بدمع لااتغنيله
وخلك بصبرك من جفاه ايسدك
هلي نظر بالعين ما توميله
لجل الكرامة ما اتواطي خدك
البس الباس القسو كون مثيله
راه الحنان انكان زاد ايهدك
~~~~~~~~~~~~~~~~~~~~~~~~~~

شكــــــــــــــــ ــــــــــــــرآ وبــــــــــــــارك الله فيـــــــــــــــك
مـــــــــــــــــــــرورك شــــــــــــــــــــــــرفنا