ياثورتـــــــــــــــــنا!!

من طرف **زهرة اللوتس** 2012-04-04, 11:44 am

الشاعر الرائع سفيان بوطيغان قال :ـ
ياثورتـــــــــــــــــنا
هالكيب كيــــــــــــف أنوصله كلمتنا
نريد نسألك بالله
نفس الفيــــــــلم
وزادن قهاير واجدات وظلـــــــــــــــــــم
لاطب ينفع لاتطور علــــــــــــــــــــــــم
هذى الحقيقة الموجعة وجـــــــــــعتنا
فــــــــــــــــى ليبيا للأسف مات الحلم
رغم النجاح ف أخذ حريــــــــــــــــــــتنا
سلاح التشرذم منتشر ف السلـــــــم
رغم إنتهاء حروبنا وجبـــــــــــــــــــــهتنا
ياليبيا شعبك أيحــــــــــــــــــــــس بألم
ناس التســـــــــــــــــــــلق نزلوا دمعتنا
المجلس ضعيف ومايجـــــــــــيبش علم
ومامن جديد إيجد فـــــــــــــــى ساحتنا
تغير نشـــــــــــــــــــــــــــيد وغيروه العلم
ونفــــــــــــــــــس الوجوه السابقة قادتنا
للمســـــــــــتشار..
نوجه كلامــــــــــــــــــــى أنقوله شن صار
فى مالنا فـــــــــــــــــــــى جيشنا المغوار
فى حقنا المعلوم فــــــــــــــــــــــى ثروتنا
فــــــــــــــــى سجن ظالم مرتفع لسوار
فـــــــــــــــــــــى فدرلة ياشيخنا قسمتنا
فــــــــــــــــــى ناس جرحى كادهم سطار
فى همنا ياشيخ فــــــــــــــــــــــى دمعتنا
فـــــــــــــــى ناس تشحت ع الطريق أكثار
فـــــــــــــــــــــــــــى جائزة للفين ماوصلتنا
ف المصلحة.. فـــــــــــــــــــى قوقحة شطار
ومد الكراســـــــــــــــــــــــــى لناس مافادتنا
فى تنمية لبلاد..ف الأســـــــــــــــــــــــــــعار
ونبذ الخــــــــــــــــــــــــــــلاف...معاودة لمتنا
نبوا كلام وفعل موش أخــــــــــــــــــــــــــــبار
مجرد حروف أمزينة شاشـــــــــــــــــــــــــتنا
كثرة الضغط أتجيـــــــــــــــــــــــــــــــب إنفجار
هذا نتاج العقل وقرايتـــــــــــــــــــــــــــــــــــنا
ونختم حديثـــــــــــــــــــــــــــــى بقول ياجبار
تحفظ بلادى قـــــــــــــــــــــــــــــــد ماحفظتنا
رد حازم الصبيحي :ـ
أنريد نسألك يا ثورة
وين التريس أووينهم لصقورة
غير ليش متسلق خذاها النورة
أوبزعق أفلوس أبلادنا أوثروتنا
لبلاد تمت كي العين العورة
أنظني قريب أتريح حريتنا
توة الحقيقة أصبحت محظورة
ياريت في أيام الكتيبة متنا
أبجد تما الدم فاير فورة
حكومة أومجلس خربوا دنيتنا
ماعاد في منفس أسماه الكورة
توة السياسة أصبحت لعبتنا
ثوار لاكن شووهوها الصورة
ضحوا عشان المال مش رايتنا
للأسف كل أفعالهم منشورة
كل الكتايب للاسف خذلتنا
كل روح ضحت صادقة مشكورة
فازت أوفينا سيبت حسرتنا