خارج نطاق التغطيه ياساده

من طرف **العاشق الصغير** 2012-07-12, 10:53 am

خارج نطاق التغطيه ياساده ....... عزيز سابني ما رن في ميعاده

انراجي فرنه .... اوهو خارج نطاق التغطيه يستنا .... وانا عزيز انقول زعمك كنا .... شورا جفاني وفي الغلا يتفاده

والله نفد الشحن طافي منا ..... لاكن غريبه ماي عندا عاده
ولا دز رساله ولا طمنا ..... شن هو السبب في غيبتا وبعاده
بالك عزيز ايكون زاعل منا ..... قاصد ايجرب حبنا ياساده
وني انقوله بلله ياعزيز تهنى ..... مازال عيني فبعدكم نشاده

تباعد شوره ..... ويش السبب فغياب سمح الصورة ..... اللي قبل علي الموعد اتجي مجبوره ..... اللي قبل ديمه نارها وقاده

اللي قبل مدبلها الشوق وجوره.....اللي قبل ديمه فصوتها السعاده
اللي قبل مضحكها ايبان سروره ..... اللي قبل نيتها نضيف صاده
اليوم غيبت عيني بدت مقهوره ..... علي غيبتا اتلاجي كحيل هماده
بالك اخطوط التغطيه مكسوره ...... ولا انتينه طاحت عليك بلاده
طاحت ولت ع الوطا منتوره ....... وخلت اقلوب العاشقين نكاده
الله ايسامحك فينا عملتي دوره ...... وانشالله تولي التغطيه كالعاده

خارج نطاق التغطيه ياساده ....... عزيز سيبني ما رن في ميعاده

م ن ق و ل