انرحب بنفسي لان الاعضاء ماعبروني

السلام عليكم ورحمة الله وبركاته

غبت عن المنتدى لمدة اسبوعين لاني كنت مسافرة والباين ان مافيه حد حس بغيابي

لان وجودي زي عدمه

رجعت ليا ايام ومافيش اي عضو كلف نفسه ورحب بيا

مع شكري الخاص للاختين جلنار ومكتوب ومقدر لارسالهن رسائل خاصة

عموما انا معتبرة ان المنتدى بيتي الثاني وعادي انرحب بنفسي كان انتم ماتبوش اترحبوا بيا

سلام للجميع

انستي المنتدي

مشكور

لا لا لا
ليش هكي يادلع
انتي صاحبة الحوش
انتي اللي ترحبي بينا
عموماً اهلاً وسهلاً بك في بيتك الثقافي
والحمدلله علي السلامة بالنسبة لي شخصياً لا ادخل الي قليلاً وتعرفين هذا بسبب المشاغل
لكن المكان مكانك والمطرح لك
واللي يرجع لبيته اكيد لا يجد من يرحب به لانه بيته
شرفتينا يا دلع
واعذري الاعضاء .. بعيد عنك ( امحشين في رمضان ) ما يشوفوش كويس
وهذا ترحيب بإسم اعضاء ومشرفي وادراة منتديات عيت ارفاد أعد خصيصاً من أجلك ..

الحاله حالة صيام يادلع ليبيا والجماعه دايخين والله الواحد موش عارف ايش فطر البارح....على كل حال حقك علينا يادلوعتنا علشان احنا المتواجدين بصفه دائمه من المفروض ننتبهوا لكن زى ماقتلك ..
ومرحبا بك ياالغاليه ولك وحشه الحقيقه ....
وكل عام وانت بخير واسرتك الكريمه....بمناسبة حلول الشهر الفضيل اعاده الله علينا وعلى جميع المسلمين بالخير واليمن والبركات..........................تقبلى تحياتى وتحيات جمع اعضاء منتدانا الغالى....ونحن اسفين مره اخرى وهذا صدقينى يعتبر درس لنا لكى لا نقع فى مثل هذه الهفوات وانت الحقيقه من بين العشرات الذين اعطو جهدهم ووقتهم للرقى بهذا المنتدى العريق ولك الشكر على ذلك دلوعتنا وهذا لا احد يستطيع ان ينكر جميل اختنا دلع ليبيا وهذا قليل من كثير...
وتفضلى بقبول فائق الاحترام.........بوفرقه

لان وجودي زي عدمه

تصحيح : لان وجودي موش زي عدمه
نحن نري ان الجملة الصحيحة هكذا تكون لانكِ بحق عضو مميز

مشكورين

ماتجوش الا بالعين الحمرا ههههههههههههه

كان مادرت روحي زعلانة راهو ماعدل عليااي واحد منكم

لازم ندلع عليكم بيش اتحسوا اني موجودة هههههههههههههههههههه

ايوة هكي رحبوا بالدلوعة مش جايتكم وانا فرحانة ومشتاقتلكم ونلقاكم باردين ومافيش حد معدل عليا ولا حس بغيابي ولا برجوعي

توا تصافينا وراح الزعل يالغاليين

لكن ماعاد اتعاودوها هههههههههههههه

والله ليكم وحشة

وكل عام والجميع بالف خير وصحة وسلامة