قصة على السريع ..قالوه قصة واقعية في ليبيا.!!

من طرف **زهرة اللوتس** 2012-02-20, 8:54 pm

قصة على السريع
كان ياما كان
كان فيه راجل اتزوج وربي رزقه بصغار..
وكانو كلهم بنات..وكل مرة مرته تحمل يحلم ويتمنى ان المرة هاذي يجي الولد اللي يستنى فيه ..وبنت وراء بنت ..وكل مرة يتضايق ويتعفلق ويستنى في الولد اللي شكله ماباش يجي
وبعد مابدي عنده كوم بنات ..مرته حملت..وهو كله امل ويستنى في الولد اللي بيحمل اسمه ويسميه على بوه..
وكل مايفوت شهر من الحمل تزيد احلام الراجل بالولد..
وجت اللحظة اللي يستنى فيها..وجابت مرته..
والمرة هاذي كان المولود..
بنــــــــــــــــت!!
فالراجل حلف بالطلاق انه يسمي البنت على بوه..ومعاش بي يرجع في كلامه..وخوفا من تطليقة المراة سموله فعلا البنت باسم بوه
وبدي اسم البنت ( عبد الرحمن)!!!!!
والبنية كبرت وكانوا ينادوا فيها باسم ثاني لكن مسجلة في الاوراقي الرسميات عبد الرحمن !!
والقصة هاذي وصلتني من مصدر موثوق كان يقرا مع البنت وصارت في احدى المدن الليبية بس الحق اني لتوا مش قادرة نصدقها..هل فيه فعلا بنت ليبية تحمل هالاسم؟؟ وهل وصلت خفة العقل ببوها ان يدير عملة زي هاذي؟؟ وزعما شن صاير فيها توا؟؟ وهي من مواليد نهاية الثمانينات على حسب المصدر..
نقلا عن :يوميات زوجة رجل ليبي