بكيت مريضة ... للشاعر صالح بوعياد الجهيني

قولـــــــــــــــــــــــــــــــــــــي
بكيت مريضه ** خير من علل واجد وفيه قريضه ** اللي ينشدك قولي
بكيت بروحــــــــــــــــــــــــــــــي *** وخلك تهاجي في المساء وصبوحي
راني مريض معقرات أجروحــــي *** ويزيدن معاي بطول وتعوريضه
من شان خاطري خلك حذاي أتنوحي***مريض وين مانبرا طريقك بيضه

أبكي دموعك ماايســـــــــــالك والي *** وفضي علي بالك وفضي بالي
واللي ينشدك قولي بكيتي تسالي *** عندي دموع العين فيهن فيضه
من شان خاطري نوحي أحذاي ليالي**عندي جفن عين وحلت في تغميضه

مريضه زكـــــــــــــــــــمه *** ولا مريضه من جراير لكمه
وعيون واجد كيفك ولكن تكمه *** عيون دايرات السر كي الفريضه
واللي ينشدك ردي عليه أبحكمه *** نقيض غزل واجد يتعبك تنفيضه

بكيتي أبصــــــــــــــــــــــــاره *** وجيبي أعذار أتخيل عالفساره
ولا بكيتي محصله غثـــــــــــــاره *** قطير من عرق نازل أوقات القيضه
وعندي دمع راد معا ميوح أبياره *** ولا لا يروب ولايصح مخيضه
نبكيبه خير ما يمشي علي أخساره *** سبله وصارت طرفتي توقيظه

ابكي وديري صــــــــــــــــرفه *** اللي ينشدك قولي امويه طرفه
سوا من قراب الدم ولا عرفـــــه *** خلك علي باب السرار حفيظه
والناس موش ناسك لولمه منحرفه *** نــاس عندها للصافيه تخويضه
ورا الصبر كي تلقيه حاجه طــــرفه *** والمومن انكان أغتاظ يكتم غيظه
وراه الخلايق كل حد وبــــــــظرفه***أمغير فيه من خافي عليك جضيضه

قصيده رائعه ياحبة مسك وياريت اتورينا الشاعر.....مشكور عزيزى

مشكور بوفرقة على المرور ::::
الشاعر : صالح بوعياد الجهيني .

شكراً يا حبة مسك عالقصيدة ولكن الشاعر هو صالح بوعياد الشهيبي وليس الجهيني من منطقة الابيار

المغناطيس : شكرا لمرورك . وشكرا على التصحيح لكن صدقني خطأ مطبعي

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل