هذه هي مطالب من تسمونهم بالانفصاليين يا ليبيين

نقلآ عن سالم العبيدي ...

نقاط على السطور . . . . . . . . . .

ثوار اجدابيا والبريقة وبشر والنوفلية ورأس لانوف .. يعتصمون في قلب الوادي الاحمر ويطالبون بالأتي :

1- ان تكون المنطقة الممتدة من سيدي عبدالعاطي شرقاً وحتى الوادي الاحمر منطقة ادارية واحدة ودائرة انتخابية واحدة اذا تم تسوية المقاعد في المؤتمر الوطني .

2 - نبذ المركزية والتهميش واستمرار العمل بأليات نظام الطاغية ..وتسلط حزب الاخوان المسلمين على المجلس الانتقالي ومفاصل القرار فيه وتعيين كل من ينتمي للجماعة في المناصب والمراكز الحيوية والحساسة في الدولة دون غيرهم .. وشجب سيطرة الجماعة على اموال الدولة وادارتها وصرفها على برامج الحزب الانتخابية والاعلام والدعوة والدعاية له بهذه الاموال .
3 - رفض قرار رئاسة الاركان العامة بجعل المنطقة عسكرية مغلقة ومركز ادارتها مصراتة وتوقيع اتفاقية عسكرية مع تركيا من اجل السيطرة على الهلال النفطي .

4- تشغيل مينائي البريقة ورأس لانوف وادخالهم للعمل ..واللذان اوقفا من قبل الشركة العامة للموانئ والتي مقرها الرئيسي مصراتة ..حيث تم انزال حمولة قادمة للبريقة لصالح شركة (بوناتي الايطالية) في ميناء مصراتة ونقلها الى البريقة وحقول جنوب البريقة بسيارات نقل من مصراتة بدل السيارات التابعة لمكاتب النقل في البريقة.

5- ازالة الالغام من مناطق ماحول البريقة والتي عرقلة حركة السكان في بناء وتعمير ماتم هدمه من كتائب الطاغية من بيوت ومحلات تجارية وخدمية وورش ومصانع صغيرة وفي رعيهم وتربيتهم للمواشي وفي الزراعة والتنقل.

6- استنكار ما أكده وزير المالية بعدم دخول مبيعات النفط والغاز لخزانة الدولة حتى الان .
الاعتناء بالجرحى والمرضى بالمنطقة التي عانت الكثير من ويلات الحرب في مواجهة كتائب الطاغية .

7- الاهتمام بالبنية التحتية بالمنطقة ( الطرق وشبكات الصرف الصحي والاتصالات الحديثة ) وبناء مخططات سكنية جديدة وتخصيص اراضي للبناء والمشاريع الزراعية واقامة طريق مزددوج من اجدابيا وحتى الوادي الاحمر .

صدقوني لاحياة لمن تنادي ...

ربي ايفرج

أخي محمد اللافي ...

( لو كان غير هذي ما بكا حد علي بوه ) على رأي المثل

لكن ليست هذه مطالبهم فقط ...مازال في جعبة الحاوي الكثير

أرجو أن يكون للشعب رأيه في هذا مشرفنا الفاضل

فنحن نعرف الكثير من الوجوه التي ظهرت علينا بثوب الوطنية

اليوم وما تاريخها ...

تحيتي وتقديري يا بواللافي

ليس هكدا تحل المشاكل
نحن فى بناء الدولة وليس فى غابة
لا لتقسيم ليبيا نعم لوحدتها

اخى اللافى لقد تحرك الشعب بالمنطقة الشرقيه بالاغلبيه سلميا ضد افكارهم الانقسامية وهم الان يريدون ان يفرضو افكارهم بقوة السلاح ولاكن هيهات لم يفلح المقبور بكامل قوته فنقول لهم جايينكم

لاحول ولاقوة إلا بالله

القوة مصيرها الصلح بعد فساد البلاد ..

ياما من شعوب تقاتلت وفى النهاية تصالحت
بعد دمار وخسائر فى الارواح ؟؟
ماهكذا ترد الإبل

ربي يستر
للاسف الكثير تغطوا بالوطنية ودايرين مدار اللفعة " بعد ما تدفا تقرص"
مناش عارفين مطالبهم صح والا وراها قصة

كلن يغني علي ليلاة ولا مكان للوطن والمواطن
بالليبي كل واحد ايقرب النار لخبزتة

هذا الأعتصام بناءا على طلب أهالي تلك المنطقه لايريدون تبعيتهم لسرت ثانيا مايحس النار الاواطيها شن معنى موانئ المنطقه مقفله وهي لم تتضرر وغيرها يعمل بنسبة 100 % قولوا الحق ياخوان وهذه المنطقه تاريخيا تتبع بلدية اجدابيا واقروا التاريخ وهذا مش عيب والله تحب تفهم ادوخ هذه المنطقة عانت مالم يعانيه غيرها والدمار الذي لحق بها لايوجد في مكان آخر عدا سرت طبعا لطبيعة المواجهات ربي يحق الحق ويبطل الباطل

يا اخي المارد قالها لك مصطفي عبد الجليل بالحرف الواحد اسكت علي الظلم
انت تحكي تتهم بالانفصالية والفدرالية وتقسيم البلاد وهما ايديرو الي يبوها عادي هما بشر ونحن حشاك تبع عبيد لشلة حشاك فاسدة الا من رحم ربي والحديث علي اصحاب القرار ليس الا ... رباهم سيدهم وقراهم وفعلا طبقو الدرس صح

الله كريم

لايضيع حق من وراه طالب

المفروض من اولها كل واحد مشى فى حاله ويادار مدخلك شر ..

ويسمعنا على بعضنا خير ..

المارد الأصفر كتب:هذا الأعتصام بناءا على طلب أهالي تلك المنطقه لايريدون تبعيتهم لسرت ثانيا مايحس النار الاواطيها شن معنى موانئ المنطقه مقفله وهي لم تتضرر وغيرها يعمل بنسبة 100 % قولوا الحق ياخوان وهذه المنطقه تاريخيا تتبع بلدية اجدابيا واقروا التاريخ وهذا مش عيب والله تحب تفهم ادوخ هذه المنطقة عانت مالم يعانيه غيرها والدمار الذي لحق بها لايوجد في مكان آخر عدا سرت طبعا لطبيعة المواجهات ربي يحق الحق ويبطل الباطل

من يوم ماانتقلت السلطه ومقر المجلس وتكليف الحكومه تغيريت اللهجه
وهضةم اللي هم اهل هذه المنطقه ايطالبوا ومشوا لعاية طرابلس لكن اللي صارت
مافي حد سمع شن مطالبهم
هذي مطالب مشروعه ولاغبار عليها وبلاش نخلطوا ألأمور في بعضهن
لأن ليبيا توا واللي قاعده واضحه توا لأي ليبي غابه
والمفروض علي عبدالجليل اللي خرب الدنيا بتصريحاته انه ايتلافى اخطائه
واخطاء مجلسه اللي داروهن بتصريحاتهم اللا مسؤله
ومحاباتهم لمدينه علي مدينه
كلها ليبيا يامجلس وياحكومه
شكــــــــــــــــــــــــ ـــــــــــــــــــــرآ وبـــــــــــــــــارك الله فيك

شن جيبهم مصراته لغاية الاربعين
اللي مايتحشم ايخاف ...مرات القوه اتهيب فيك واللي نيته شينه يسكت
ويزمط كلامه
وبعدين صلح معلوماتك فيها ازويه ومغاربه وفواخر
وبالنسبه لموضوع الوادي الحمر نعرف نااااااااااااس مشت وهي ضد الفيدراليه
بس المجلس انطرش علي مطالبهم ومن زمان ايعيطوا
هذي اخر محاوله عشان يسمعهم ويحترم طلباتهم وشكاويهم ايسد تهميش
واقصاء...
لما قامت الثوره قالوا لا بالنسب وبالكثافه ...شن خطرها عليهم توا
لوكان مايريدوش ايسببوا فتنه وبلبله فالبلاد جماعة المجلس
اللي مفروض ايسموه مجلس الاقصاء والتهميش

هههههههههههههههههههههههههههههههههههههههههههههههههههههههههههههههههههههههههههههههههههههههههههه
وباهي احتلال مصنع الحديد ومطار امعيتيقه وادارة المواني وغيرة وغيرة موش تهجم علي سيادة الدولة
غير كارثه توقيع عقود دولية مع مجلس محلي مصراته
يا اخي اطلع وشوف واسمع الناس وبعدين احكم
راك اتقول في كلام وتجيب في حجج عليك موش وضدك موش امعاك

كل حاجه باينه كيف الشمس
وكأننا موش قاعدين في ليبيا
في اتصالات وفي ناااااااااااااااس مشت واجولت وشافت بعيونها
وكل حاجه واضحه ...لكن الحق واعر يابواللافي

قول الحق هو الي شالنا للعقيله والبريقه يا اسماعيل ايام الطليان
تبيلكم لمه من جديد في معتقل ثاني يا انقساميين يا مخربين ياجهويين
تبو حقكم عطكم البلا ان شاء الله ههههههههههههههههههههههههههههههههههههههههههههههههه

ههههههههههههههههههههههههههههههههههههههههه
ايفرج الله انشالله يابواللافي

معلوماتك علي مصراته قويه ومالداخل
شكلك مصراتي ومن سكان مصراته انت
معناها ماتحكيش عالشرق نين اتجي اتشوفه
سيبك مالاعلام الكذاب ...الشرق والجنوب مهمش نهائيآ
وتقدر تسأل واتشوف ...بلكي انا انبالغ في كلاااااااااااااامي