منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» إلى كل غائب..وكل غائبة..عن هذا المنتدى الجميل
اليوم في 1:33 am من طرف جمال المروج

» راه كل عقدعندها حلال
2017-01-15, 10:51 am من طرف ولد الجبل

» كرر ياعلا .. اوقول اغياب لبّاس العبا .. ضر الوطن
2017-01-13, 9:26 am من طرف keemkeemo

» بين الرجاء والياس هــــــــذا حالى
2017-01-12, 9:59 am من طرف عاشقة الورد

» قصه مؤثره للمرأة و الحجاج بن يوسف
2017-01-12, 9:52 am من طرف عاشقة الورد

» في الصين .. مدينة ملونة من جليد
2017-01-12, 9:45 am من طرف عاشقة الورد

» تقرير لهيئة سلامة الغذاء الأوروبية يكشف مخاطر “النوتيلا”
2017-01-12, 9:28 am من طرف عاشقة الورد

» لعبار: اجتماع تونس سيتناول تركيبة المجلس الرئاسي، منصب القائد الأعلي، تركيبة المجلس الأعلي
2017-01-12, 9:18 am من طرف عاشقة الورد

» حدث في مثل هذا اليوم 12 .January 2017
2017-01-12, 9:10 am من طرف عاشقة الورد

» إعلاميون ينعون مدير فرع قناة ليبيا الوطنية في سرت
2017-01-12, 8:54 am من طرف عاشقة الورد

» عسكريون روس يصلون طبرق للقاء حفتر وعقيلة صالح
2017-01-12, 8:51 am من طرف عاشقة الورد

» عبارات ذات معنى عميق جدا
2017-01-10, 10:33 am من طرف عاشقة الورد

» سألوني!!!!
2017-01-10, 10:21 am من طرف عاشقة الورد

» جدة تعيد حفيدها حديث الولادة للمستشفى لسبب غريب
2017-01-10, 9:57 am من طرف عاشقة الورد

» حدث في مثل هذا اليوم 10January 2017
2017-01-10, 9:39 am من طرف عاشقة الورد

بحـث
 
 

نتائج البحث
 


Rechercher بحث متقدم


شن درنالهم يا حبيبتي ؟

استعرض الموضوع السابق استعرض الموضوع التالي اذهب الى الأسفل

شن درنالهم يا حبيبتي ؟

مُساهمة من طرف زهرة اللوتس في 2012-06-14, 11:38 pm

شن درنالهم يا حبيبتي
شن درنالهم يا حبيبتي ؟
الحكومة الليبية حكومة طري فشي..يوم تلقاها دايخة في موضوع الأمن و الآمان..و الله ذكروني بأيام معمر و ين الإذاعة أدير حوار من وسط الشارع يقولك المواطن البسيط : حنا نبوا الأمن و الآمان و بس..حكومة ما تختشيش ابدا..وين الأمن في ليبيا يا ناس الكفرة الشنافكة التبو طايحين في ولادنا تقتيل..سبها..القذاذفة عطهم دعوة مدايرين مشاكل ..و هما أي كلام يا قدع.الجيش الوطني.ههههههههه شادها في جرت تهريب الخمور ..ما هو الخمر حرام و يا ناري أفراد الجيش الوطني الحرام ما يحبوش يديروه..العجيلات معبية بالفلول..و علي فكرة الفلول مصطلح جديد علي جماعة عمورة ..فضايح يا حكومتنا الموقرة و الله حشمتونا مع الداخل و الخارج.قالك يبوا يحاكموا البغدادي في ليبيا ....تي هما غير يسيطروا على شارع واحد و بعدها يتكلموا ..من هي الدولة المجنونة اللي بتصدق كلامكم يا حكومة طري فشي؟ معقولة الحبشي ما يعرفوش من خطفه ؟ كلام مش موزون تي عليا الحلال هما اللي خطفوه و دايرين روحهم يدورا عليه..حكاية مخرومة ...فاهمينكم بس أنقولوا بالك يولوا علي تالياتهم ...بذخ بذخ..بذخ في كل شي حتى في الهم ..ليبيا خشت في حيط..مصاريط..رجبان..زنتان..مشاشية..عجيلات..آمازيغ. .تراهنة..طرابلسية..حالة و الله في حاجات واجدة أتركبك السكر و الضغط..و هما هما حكومة قالدي و لا على بالهم..مؤتمر وطني و فرحنا بيه..إنتخابات و قلنا يا رب..مرشحين يشروا في أسواط الناس الغلابة..و ما أرخصك يا صوت الليبي بـ 200 دينار بس تعالى صوت و بكرة رح يسوطوا عليك يا قدع..ملفات مفتوحة على مصرعيها : الجرحى و البعثات الدبلوماسية و العلاج في مستشفياتنا ..و خليني ساكت يا عليك مستشفيات تقولش خاش لورشة ميكانيكا..حيوط كيف وجوه أعضاء المجلس ما تلقاش حيط واحد نظيف..كيف وجوههم.فضايح فضايح فضايح و كانهم شرفاء اللي تطلع عليه حاجة يطلع و يزيد فيه مش طايحيلها تكتلات و مرابيع و عزومات من أجل الفوز بكرسي مكسر في المؤتمر الشعبي العام الوطني..هههه و الله كيف ايام التصعيد ..الله يصعد ضدهم كل خايبة و خاصة المرض الخايب.علي فكرة باين عليه المرض الخايب ما يجيش إلا للبسطاء ..ديروا روحكم بتاعين شر بيش ما يصيبكم هالمرض..أندير في روحي فاهم و عارف و قاري دروسي زين بس طلعت و ديني ما فاهم شي..ما فهمتش ليش الحكومة مطنشة علينا مع أننا حنا اللي جبناها و حطيناها علي هالكرسي اللي من وراه كان الفلوس و الثراء..تي فيه ناس واجدة و الله ما كانت تحلم تقعمز حتى على كرسي سعف ..آ هو اليوم متشنكحة على كراسي جلد و تكييف و تحكم و تطلق و تفلم على عباد ربي..
عجبتني حاجة أدير فيها الحكومة الموقرة قالك لما إيضايقوها الثوار في ليبيا أطنش ..تحرج.. تكتفي بالصمت ..الله يصمتهم على نار هادية ....يا ناري عالثوار قداش منهم جهاد ضد معمر ..و جماعة معمر..و جماعة مندسين..و جماعة خاينين و حتى فلوسهم كلوها و عطوها للأزلام من زمان و ما زال يسرقوا فيها..مرتبات كيف وجوههم 500 دينار للي أنخرطوا في البوليس ..الله يخرطها هالحكومة التعبانة.. الخضراوي..و الله اسم على مسمى ..أخضر في أفكارها..أخضر في سلوكه..أخضر في ملابسه..أخضر في تصرفاته..قراراته..أختامه..منطقه..يا راجل فوتنا و سيب عليك التجكتير و أعطي الثوار حقوقهم و معاشاتهم و أخدم علي تطوير سلك الشرطة ..الله يربطك بسلك مع رقبتك..و فوزي عبدالعال حكاية بروحها ..ما كانش يحلم يوصل حتى لقاضي ..اليوم هو القاضي و الجلاد ..بالله عليك برة شوفلك خدمة ثانية راك فددتنا و خليت عقولنا مش علينا ..تي شنو تبينا نضربوها بالآرتان و الروج و نقعدوا نخرطوا..حرام عليك يا عبعال دا أحنا ذافنينوا سوا....المنقوش..و الجويلي و الأخضر..و الحبروشة..و الحريزى و قنان..و جليل و كل الوجوه اللي تجيب الغمة نقوللكم رانا تعبنا واجد ..خطونا أرحلوا ما عاد نبوكم ..عليا ديني أنتم و الصلابي و تصاريحكم ما عاد تخش دماغ..خطـــــــــــــــــونا.
و على ذكر الحمروشة وزيرة التعبانين و المرضى و اللي طايح سعدهم الأيام اللي فاتت جوها ناس شراقة مجاريح و لأن الحمروشة ولية و ضلع أعوج و ما عندهاش راجل يحكم فيها خلت الناس ملطوعة في الشمس و بعتث حراسها المرضى اللي كيفها كيف حكومتها و أعتدوا على الجرحى و ضربوهم بالرصاص ..أيه يستاهلوا عرب الشرق ...الله لا يشرق بيها و لا يغرب .الحمروشة لاهية تخنب و بس ..فرصة و جت لعندها..مرا و تبي تعيش أياماتها ..تبي تشعر بالانوثة و الثراء ..مش مهم ..هاذي ضريبة يا ثوار بيش ما عاد تخلوا مرا تحكمكم في الجاي..هذا كان فيه جاي..الله يستر يا ثوارنا..
اللجنة الأمنية العليا..اللجنة الأمنية المؤقتة..اللجنة الأمنية الدنيا..اللجنة الأمنية مش عارف شني..عليك حالة و بس أجسام غريبة و إختصاصات ملخبطة و إعتداءات بإسم الثورة و الثوار..الثوار الحقانيين ماتوا و كلوها في روحهم..أما هاضم كمشة متسلقين تعبانين..طيح سعد من يتبعهم..أعطوا الخبزة للخباز و يجيبوا الناس الأولى توا تطلعوا من هالأزمة..الله لا يطلعكم مخانب عقاب الوقت يا شرفاء ليبيا ..
عندي فكرة مرات تصدف ..تي شنوا هاللي يصدروا في القرارات خير منى ما هو يا صابت يا خابت كلهم يطلعوا في قرارات مش مفهومة بكل و بعدها الناس إدير إعتصامات و ما سمعناش بأي إعتصام جاب نتيجة أمغير الإعتصامات اللي بالسلاح الحكومة إديرلها في ألف حساب..ظاهرة حضارية بس بطريقة مختلفة..من ليبيا يأتي الجديد..
عموما أنا مليت ..سامحونا كنت ضارب حبتين روج يا حكومتنا ..عادي كان فيكم واحد فاهم يقولي خيركم معانا ..شن درنالهم يا حبيبتي.
منقول من :وليد الرحال..مع شوية قص.. Laughing
Very Happy

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
لحظة الوداع من أصعب اللحظات على البشر .. ولكن ما باليد حيله
وداعا ... لك ايها المنتدى الغالي..وداعا ... لكم يا أعضاء منتديات عيت ارفاد التميمي
وداعا ... لكل من اسعدته ..وداعا ... لكل من احزنته..وداعا ... لكل من أحبني
وداعا ... لكل من كرهني ..وداعا ... لكل من كنت ضيفا خفيفا عليه ..
وداعا ... لكل من كنت ضيفا ثقيلا عليه ..وداعا ... وكلي ألم لفراقكم
لأنكم أفضل من إستقبلني ..وداعا ... وكلي حزن لأنكم خير من شرفني
وداعا ... واجعلوا ايامي التي لم تعجبكم في طي النسيان ..فقط تذكروني بينكم!!
وداعا ... واستودعكــــــــــم الله الذي لا تضيع ودائـــــــــــــعه
اتمني لكم اوقات سعيد
واتمني التقدم لهذا المنتدى الرائع


زهرة اللوتس
إداري
إداري

انثى
عدد المشاركات : 124527
العمر : 35
رقم العضوية : 2346
قوة التقييم : 157
تاريخ التسجيل : 30/06/2010

الرجوع الى أعلى الصفحة اذهب الى الأسفل

رد: شن درنالهم يا حبيبتي ؟

مُساهمة من طرف محمد اللافي في 2012-06-14, 11:47 pm

كلامه صح 100%

محمد اللافي
مستشار
مستشار

ذكر
عدد المشاركات : 27313
العمر : 37
رقم العضوية : 208
قوة التقييم : 54
تاريخ التسجيل : 28/06/2009

الرجوع الى أعلى الصفحة اذهب الى الأسفل

رد: شن درنالهم يا حبيبتي ؟

مُساهمة من طرف اسماعيل ادريس في 2012-06-15, 12:43 am

شكـــــــــــــ ـــــــــــــــــرآ وبـــــــــــــــــــــارك الله فيــــــــــــــــــك

اسماعيل ادريس
مستشار
مستشار

ذكر
عدد المشاركات : 15213
العمر : 42
رقم العضوية : 1268
قوة التقييم : 66
تاريخ التسجيل : 28/02/2010

الرجوع الى أعلى الصفحة اذهب الى الأسفل

رد: شن درنالهم يا حبيبتي ؟

مُساهمة من طرف زهرة اللوتس في 2012-06-15, 10:53 am

شكرااااااااااااااااااا للمتابعة..وفقكم الله

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
لحظة الوداع من أصعب اللحظات على البشر .. ولكن ما باليد حيله
وداعا ... لك ايها المنتدى الغالي..وداعا ... لكم يا أعضاء منتديات عيت ارفاد التميمي
وداعا ... لكل من اسعدته ..وداعا ... لكل من احزنته..وداعا ... لكل من أحبني
وداعا ... لكل من كرهني ..وداعا ... لكل من كنت ضيفا خفيفا عليه ..
وداعا ... لكل من كنت ضيفا ثقيلا عليه ..وداعا ... وكلي ألم لفراقكم
لأنكم أفضل من إستقبلني ..وداعا ... وكلي حزن لأنكم خير من شرفني
وداعا ... واجعلوا ايامي التي لم تعجبكم في طي النسيان ..فقط تذكروني بينكم!!
وداعا ... واستودعكــــــــــم الله الذي لا تضيع ودائـــــــــــــعه
اتمني لكم اوقات سعيد
واتمني التقدم لهذا المنتدى الرائع


زهرة اللوتس
إداري
إداري

انثى
عدد المشاركات : 124527
العمر : 35
رقم العضوية : 2346
قوة التقييم : 157
تاريخ التسجيل : 30/06/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى