أصحاب الغلاغافرالداربعدهم ويمطرعلي غيري أشبوب رعدهم

من طرف **العاشق الصغير** 2012-07-08, 1:02 am

غافر الدار بلاهم
الشاعر / خطَّاب الطيِّب خطَّاب

- أصحاب الغلا غافر الدار بعدهم
وْيمطر علي غيري اشبوب رعدهم
- غافر الدار وميِّس
لا قلب صافي لا حبيب اكويِّس
ولا قول كي نسمع إيْجي متقيِّس
علي قيس ما نبِّي علي مجبدهم
احذا ناس ما خلَّت علي ابْصيِّص
علي فعلهم نلقانِّي حاسدهم
- غافر الدار وصايف
لا صاحب يْجامل لا ابنادم رايف
زادوني علي مرّ الجروح حسايف
يحكولي ونا ماني اللِّي ناشدهم
أصحاب الغلا بيهم ألقيت طرايف
أيَّاماً ومتقعِّد سريب سعدهم
مُحال ما نقدر نهار انرايف
غير كيف ناجدهم وما ناجدهم
عشنا غلا بالودّ ماله صايف
ما احْسبت شي ساعة حياة نفقدهم
- غافر الدار وقاعد
لا صاحب يْهوِّن لا رفيق يْساعد
نذوق قهرتي حتى ونا متباعد
عنهم وغيري بالرّضا وسَّدهم
لايْعاودوْا لا عاد إيْجوني لاعد
يبقوا مصابي جِدّ في موعدهم
- غافر الدار جضرهم
ويمطر علي غيري اشبوب مطرهم
كي اندير ما نعرف بعد ننظرهم
والاَّ يْخطِّم من قريب ولدهم
كي الورد تمَّالي جميع خبرهم
غير كيف قرَّبهم وما باعدهم
قاعد غفير الدار في موكرهم
بالطرش عاقدهن بْغيض اعْقدهم
- غافر الدار بلاهم
ويمطر علي غيري شبوب غلاهم
يْكونوا احذاي وما نكون احذاهم
لا يسندوني يوم لا نسندهم
كذبه كبيره قولتي ننساهم
غير كيف ننساهم ونا قاصدهم
مازال النفس يخرج يْجيب هواهم
ونْخاف الغلا يبقَى أسباب نكدهم
- غافر الدار مكانهم
ويمطر علي غيري شبوب حنانهم
علي تركتي خط القسامي عانهم
سبحان كيف خطيوني ونا رايدهم
سقيته بعد نوَّر زهر رمَّانهم
وغيري كلا لثمار كي روَّدهم
نريدهم يْسالوا بْودّهم وإحسانهم
علي قيس ما يلقوْا بْحيل جهدهم
- غافر الدار بلاش
بين الجفا والهمّ والنشَّاش
لا مات فيها خاطري لا عاش
ساكن ابْها من يوم ما سقَّـدّهم
ولا عزت انتغطَّى لا طرحت افراش
لا نتَّكــي ونقول يا مبعدهم
ولا بيت نيِّس نين دمعي حاش
دمـع البكا لا يفيد لا يردِّدهم
- غافر الدار وفيها
حكايةْ غوالي عشت في ماضيها
ما هيِّ علل فارغ مضَى نطويها
حكايه اتجيب سريب واتْخلَّدهم
تبدا معايا وينما ننهيها
وساعة ْ احسابه خاطري يجبدهم

م ن ق و ل