ساعة رحيل أمنايا

من طرف **العاشق الصغير** 2012-07-10, 2:01 am

ساعة رحيل أمنايا .. ماألقيت لا الي قريب أحذايا

أبروحي بكيت
×××××××

شينك ساعه .. يوم الفراق ويوم صار أوداعه

وغيبت أصحابي وغيبة الفزّاعه .. أللي وينما أنجيهم إيقولوا هايا

عيني أتقجّ بدمعها ملتاعه .. ماألقيت من إيسكّتها إيهوّن دايا

مشهد حزين وهو مشى ماراعه .. أعيون العرب فيّا وهم يالايا

وقدّام بيته واقفين جماعه .. عليّا إيسهروا دايرين أحكايه

وقالوا كلام واجد وفيه بشاعه .. متشمّتين تمّوا كلّهم رغـّايه

لكن الدنيا ياعرب خدّاعه .. كيف مابكيت يبكوا مثيل أبكايا
×××××

شلت الصوت .. ولحظة رحيله قلت لحظة موت

خطّر عليّا القبر والتابوت .. وخطّر عليّ الناس والعزّايا

غير كيف من غيره الوقت إيفوت .. وأتمرّ الدقايق مايكون أمعايا ؟

هو كان زادي فـ الحياة والقوت .. وكان النفَس عندي ونجم سمايا

أمغير ياس عاندني وجاب أبخوت .. ولمّد أمواجع فيّ دار سوايا

واللي قهرني ياعرب شلتوت .. بحكم القرَابه زفـّها مشكايا

م ن ق و ل

من طرف محمد اللافي 2012-07-10, 2:30 am

واللي قهرني ياعرب شلتوت .. بحكم القرَابه زفـّها مشكايا

Very Happy

والله ما يقهرك بالعكس ما افتكيت الا منه الا يرضا بشلتوت Very Happy

من طرف **العاشق الصغير** 2012-07-10, 2:33 am

يابوللافي واللي يبقي مغصوب باضرب أيش أديرلا

من طرف محمد اللافي 2012-07-10, 2:37 am

هي هي النسب موش وليه النسب نسب عرب والعرب الي يرضو بالشلتته ما افتكيت الا منهم وحياتك

من طرف **العاشق الصغير** 2012-07-10, 2:42 am

في هذي صدقت لكن الغاوي عمي والزاهد أطرش

من طرف فرج احميد 2012-10-28, 12:26 pm

رائعة تسلم اخى العاشق

من طرف **العاشق الصغير** 2013-03-30, 1:36 am

مشكور خوي فرج احميد علي المرور الطيب

من طرف **جمال المروج** 2013-03-30, 1:40 am

شينك ساعه .. يوم الفراق ويوم صار أوداعه

أوعر بيت يالعاشق ربي يكون في عونك واتبيت بالهنا

من طرف **العاشق الصغير** 2013-03-30, 1:46 am

اللهم أمين ياخوي جمال
مشكور وبارك الله فيك

من طرف مكرونه جاريه 2013-03-30, 1:53 am

شالوها
ولغيري
زفوها
وفي,الغيه
ضلمــــــــوني
وضلمـــــــــــــــــــوها

من طرف **العاشق الصغير** 2013-03-30, 2:03 am

نهار الزفة..سبحان كيف لانبرح ولا انتوفى...على وين ما يخطر..؟
.نهار افراقة....سود الميامى سمح صبة ساقا
ياما بكت عينى وله مشتاقه....لاجل بغية من زمان خطفا
وهى قولة اللى قال فى نقناقه....عليه والفت ولفت اكيوفى نفه
الا امغير ما لقيت عرب بنداقه....يوم زفتة تنغر اتجى ابعلفا
اتنوض وراء كرمودهم بزعاقه....اللى شايلين شبيه ريد الدفا
اتدير سوق دونه والافزاع رفاقه....ضنا اجواد ناس اتموت دون هدفا
اقبال النظر يبقوا ابدم غراقه....امفيت حلم متباعد رقيق الشفه
ويانى انراجى فى نهار طلاقه....مع دم عينى عيشتى عايفا

من طرف حنين الحجازي 2013-03-30, 2:06 am

وانا راي من راي الاخ " محمد اللافي" والله افتكيت منهم اهم حاجه ناس لي تقدملهم يعرفوا قدرك كويس

من طرف مكرونه جاريه 2013-03-30, 2:07 am

ياعاشق
ارحم روحك
واعزق لي راااااح
ورا اكتوفــــــــــــــــــــــــك

من طرف **العاشق الصغير** 2013-03-30, 2:11 am

مابت البال تفــارق

مابت البال تفــــــــــــــــــــــــارق...............صورة عزيز النوم مني سارق

حتى وهيه بعيـــــــــــــــــــــــــده...........تخطر فلانه كل صبح آكيـــــــــده

وتسبق اوقات النوم فمواعيــــده...........لين خاطري ماعد اقدر ينساهــــــا

مقهور من صغا ليام جاير كيـــــــــده...........هيه انغنت عدّت وهوه بلاهـــــــــا

ذايق امرارالوقت وتمرميــــــــــــــده..........وخطور طيفها وقلّة العين هناهـــــا

وماعاد عنده ف الحياه جديــــــــــــده..........عايش يعاود في قديم غلاهــــــــــــا

ضاقت عليه الواسعه من ريــــــــــده..........اللي الياس عن شبحه بعيد زواهــــا

حتى بعد غنواها............مابت تفارق خاطري ذكراها.............معاي أفلانه

مابت البال تفــــــــــــــــــــــــــارق...............صورة عزيز النوم مني سارق

ومقلّل هناي وزاد كبدي حــــــــارق...............وملازم العين وجاي دون غطاها

حتى وهو غني عنّي بعيد وغــــارق...............فهموم واجده نفسى وراه خذاها

ما والفت لآخر اللي ما فـــــــــارق...............يماطل وما غيّر نهار اريــــــــاها

متمكّن غلا لــــــــــوّل امبيّن زارق...............ويظهر ولو مليّت غيوم سمــــاها

صحيح خلّت الخاطر شارق...............وغنيّت ولكن عاز من يسواهــــــا

حتى بعد غنواها............مابت تفارق خاطري ذكراها.............معاي أفلانه

من طرف حنين الحجازي 2013-03-30, 2:13 am

مكرونه جاريه كتب:ياعاشق
ارحم روحك
واعزق لي راااااح
ورا اكتوفــــــــــــــــــــــــك

الفراق صعب ومــــ♥♥ـــــــش ســـــــ♥♥ــــــاهل

ربي يعوضك ان شاء الله

من طرف **العاشق الصغير** 2013-03-30, 2:23 am

مشكوره حنين الحجازي ومكرونه جاريه

ساعة رحيل أمنايا

ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا

رد: ساعة رحيل أمنايا