منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» أنفاسٌ بعبير النعناع.. قائمة الأطعمة التي تحسّن رائحة فمك بعيداً عن العلكة والغسول
اليوم في 3:11 pm من طرف STAR

» حجب You tube في مصر.. قرار نهائي ضد الموقع رداً على نشره فيلماً "يستفز المسلمين ويجرهم لفت
اليوم في 3:07 pm من طرف STAR

» الكلام النهائي: محمد صلاح لن يكون صائماً في نهائي دوري الأبطال.. أفطر 3 أيام بضغوط طبية
اليوم في 3:06 pm من طرف STAR

» قوائم تقرير ديوان المحاسبة لسنة 2017 كامل
اليوم في 2:49 pm من طرف STAR

» أين يختفي سفيان بن قمو؟..الحاضر الغائب في معركة درنة
اليوم في 2:46 pm من طرف STAR

» الكبير يعلم الرئاسي ومجلسي النواب والدولة بايقاف الصرف عدا ابواب الترتيبات المالية والمرتب
اليوم في 2:43 pm من طرف STAR

» اللواء بو خمادة يعلن انطلاق عملية تحرير منطقة تمسكت في المدخل الغربي لمدينة درنة
اليوم في 2:42 pm من طرف STAR

» الدكتور سعد عقوب يبحث احتياجات جهاز الإمداد الطبي الرئيسي ببنغازي
اليوم في 2:41 pm من طرف STAR

» اشتباكات ضارية بين الجيش و الإرهابيين في منطقة الفتائح شرقي درنة
اليوم في 2:41 pm من طرف STAR

» معارك بين القوات الخاصة والإرهابيين في محور تمسكت
اليوم في 2:40 pm من طرف STAR

» تعرف على حقيقة سيطرة الجيش على إذاعة درنة
اليوم في 2:39 pm من طرف STAR

» وزارة الاقتصاد تُباشر في توزيع السلع على الجمعيات ببلدية البريقة
اليوم في 2:38 pm من طرف STAR

» درنة.. القوات المسلحة تخوض معارك ضارية بمنطقة الفتائح وتفقد أحد ضباطها
اليوم في 2:38 pm من طرف STAR

» ساعة برج مكة من الداخل كما لم تراها من قبل
اليوم في 2:13 pm من طرف STAR

» جوجل يتيح تحديد اتجاه القبلة عبر هذا الرابط
اليوم في 2:10 pm من طرف STAR

بحـث
 
 

نتائج البحث
 


Rechercher بحث متقدم


مـا تقـول فـيـهـن كــانـوا

اذهب الى الأسفل

مـا تقـول فـيـهـن كــانـوا

مُساهمة من طرف العاشق الصغير في 2012-07-12, 10:08 am

مـا تقـول فـيـهـن كــانـوا
ما اتقول فيهن كانوا... اسماح المنازل وين ما يدّانوا.. أجواف يصهدن

ما اتقول فـيـهــن حطــّـوا ..............رجّـاله ا حدود الله ماايتخطوا
عن واجب صلاة الفجرما ايتبطوا ........... وذكر الجلاله ماعليه ايوانوا
اديارهم امقبل وين ما ايتوطو ..............قدام الجوازل نازلين ايبانوا

ما اتقول كانن قبل في هـاللـفة ..............قدّام الجوازل فيه بك نعرفها
تريس ولقيح ونجع داير ضفة.............. رفقهم حليب وحب ماينهانوا
اصحاب المروة والحيا والعـفة.............. اللي لقربهم جيرانهم يطمانوا
منهم وم اللي سود روس شعـفها ..............خلـيـَـن هوادين الخلا سبحانو

ما اتقول فيهن ضاري.............. كنا ننزلوا من قبل هالصحاري
واقناتن يلـقـّن من اشبوب بداري.............. ا رعوده اتـّل ومزنته تدغانو
نبت قيقلانه في ا رمال قعاري.. ............. بهارير لجـّاته اتقول اجنانوا
الملح البساط وطيبين الطاري .............. مـسـّع نهار اقدرت ع النسيانو
عليهن انجيت هالب ايحوس مداري........ منازل اللي تحت التراب ادفانوا
الدايم الله مالك الملك الباري.............. من هول السعير بقدرته ينصانوا
مسـيـّر احكام الكون وامره جاري.............. رافع السما عالي بلا عمدانو
العالم بلفظ الجهر والمتواري ..............تلاقيه يوم العرض ع الميزانو
جعل كل نفس لها ملف إداري.............. وبما قدّمت لحسابها ترهانو

ما اتـقــول ياخــرّامـــة ......................نزل نجع واجد فيك دق ارمامه
شيابه اكرام ويعرفوا الكرامة.............. لا يشهدوا بالزور لايفتانوا
واحذاهم لقيح اسمان دار اكلامه ..............ا صغار هله والرعيان فيه يعانوا
من يومن مشوا منك وفيك غمامة.............. وريـبة وانا وانتي عدو نـشـّانوا
عارفه انجاك اللي ارقاق عزامه ..............عليه يخطروا وايقول يانا يانو

ما اتقول وين تعـلاّ.............. نزيل البداري والجوازل ملاّ
رحـالينهم جـبـّن اتقول محلة ..............علي هـَـود بين الربد والظلمانو
لقوهن هناك مطوحات الجلـّـة.............. عقاير اكبار ابعاد ع القيطانو
منازل ابوادي طيبين الملة ..............ع الفطرة طبيعـتم صفا واحسانو
يجتنبوا جميع اللي ا محـرّم كله.............. فناهم الدهر ولا نبيهم خانوا
قـدّام دارهم ديما اهناك امصلـّى ........... طوايف ايجوه ويرفعوا لاذانو

ما اتقول فيهن سنـّـدوا يابابا .............. ثناوي لقيح واجد بعيد عقابه
والجازل امقبـّـل صابـّـات ارقابه ........من ميحة بداري فاوّل الخرفانو
خلين منازلهم اللي جوّابه.............. من وادي المرا لاعند بالحيضانو
بوادي شوامس حيلهم ضرّابه ..............لصيد الخلا واثقال ع العدوانو
فنتهم الدنيا هابتين وهابة.............. يامي ناظرة من اشداد ولانـوا
الدايم الله وين النبي واصحابه .............اللي ع الحياة بربنا استعانوا

ما اتقول بين انقوبة ..............ملـثـّم عليهن دَور داير كوبة
زناكيل جلبوبة ورا جلبوبة ..............كيف المراكب سنّدوا رحلانو
معا سيل متقاوي نزيل اشبوبه ...........اليوم لولي واليوم لاخر ثانو

تناشوا ربيع ابساط فيه اضبوبة ........... تظليمة اجباله كيف نوبة كانو
وللبل اللي ما كيفها مكسوبة .............. ماخير منه وطن في لوطانو

ما اتقول عمره جاهم ... .............. الجار الغريب وعاش في ردّاهـم
نـسـّاه الحبايب والقراب دفاهم.............. جربهم القيهم هل كرم وامانو
غليو عليه اقبل العيش امعاهم ..............ابعاد المواجع طيبكم جيرانو
بروايتين ورش وحفص حيل اقراهم ...... اصواتم اتجلي ع الكدي لحزانو
مواعين ديما صافيات انياهم ............. لاعندهم لا زود لا انقصانو

ما اتقول فيهن قابـــل ... ............. اركيـّب اسمان ونبتن متخابل
حطبهن هظاك السمح رايح ذابل......... لجواف والروامص والحباب انعانوا
فيهم عزا مازلت ماني قابل.............. ادموعي عليهم مالهن شي وانـو

ما اتقول يارجّـالــه .. ............... اركيّـب ضنا عثمان من جفـّـاله
لزياق البلط يقرن وهي تفـّالة ..............كبيرة العقاير واسعة لركانو
من ميحة امزان ارعودهاتلتالة .............. فاوّل تـكوبر نوّضـت وديانو
رقيت اتطوح فيه ع الجلجالة ..............رقيق الحطب م الغوط والشطبانو
لمست ابساط اربد ايبان غزاله.............. جلايب , جلايب ملية الحيوانو
دبيب العدام هضاك له قـتـّاله.............. ان لعبت اودارت ع الجمل حورانو
وتربع اوين القيض جا ميجاله ..............تهلب ثقيل النوم ، م الرعيانو
من قبله اتجيه وفيه تاخذ داله.............. قدام بلغـرب ديما لها معـطانو

ما اتـقـول ويـن الـذاكــر.. ............... توضا لميعادالصلاه الباكر
سود م العرق جبن اتقول عساكر......... اسماح الندا في الفجر ع الفرقـانـو
واصبح الغوش بخيرحامد شاكر.. .......... في احسن طناطين الزها طربانو

مااتقول يوم الشيـله....................... من جوف لـثـل وارقابه وجوف لثيله
نزل في امويزر نجع عيت ارميله .......... اتقول في الناس القواري زانو
ولااتقول قدام الفقيه عويله.. .............. في المغـرب تلو ح**ين م القورآنو
ولا اقرب حليب وحمل و افي كيله..........مصرم علي هايج اقلالي قانو
الدائم الله اكملو هـم واكحيله ..............وخلين منازلهم ايام زمانو

مااتـقــول بين الــجــــازل ... .............. واخشوم الوامص نازلين منازل
ولا بات قبليهم لقيح زلازل ... .............. حدايجه اكبار او زرق في للوانو
يسقوه الحليب اوما اتجيه مهازل.............. الجار المجاور فيه ما يشيانو

مااتقول حــاش عـليهم... .. ............... الشـول المقاوي لاسرح قبليهم
ولا اتقول كانت م الجريد اتجيهم ..............قوافـل ولا دنّو اجمال اخشانو
ايحوس المدار عندي بعـد نطـريهم ............ حبايب الله واكبر فـنـو افـنـيانـو
وفي اخرّ كلامي فاتحه انعطيهم ..............اجعلهم معا الصادق بـني عدنانو


-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~




avatar
العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 29
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى