نبى ندير كتيبه ونحاصر اللى مابا الحظ يجيبه .بالقوّ ناخذه

من طرف **العاشق الصغير** 2012-07-29, 4:08 pm

نبى ندير كتيبـــــهـ .,

قال سالم الصبيحى المغربى ::

نبى ندير كتيبه *** ونحاصر اللى مابا الحظ يجيبه ... بالقوّ ناخذه .

رد الشاعر خالد الزول ::

كتيبه ونا آمــــــــــــــــــــرها *** ونحاصر اللى للعين جا سمرها ..
وبقوة اسلاحى ناخذه نجبرها *** عيلتم انحوزه بوعيون رغيبه ..
الا حظنــــا ما من اللى ودرها *** اموالف عليها دوم خاطى الصيبه.

رد الشاعر صلاح الرشيدى ::

نبي ندير كتايب .. ونجيب بالقوة ازويل الغايب
لا يهمني عيل ولا في شايب .. و لا تردني عنه حنان وطيبة
بجراد ومدافع شئ ما ني هايب .. حتي لو فنيت يكون هو تسبيبه
الا الكاينه لو كان نيتو جايب .. هذيك هي اللي يا بو الزول مصيبة

رد الشاعر طارق قرضاب ::
نبي ندير سرايا .... ونقربه الغالي يجي بحذايا
ونفزع جيوش الكون كل معايا .... اللي فوطننا واللي عليه غريبة
من مزرق طلوع الشمس للضحوايا .... ليا عند تبدا الشمس فالتغييبة
وشور بيتهم بنكثفوا الرماية ....... بكل الاسلحة ومانبينوش الطيبة
لين يعلنوا استسلام رفع الراية ... ولا نمسحوهم مسح نار لهيبة

رد الشاعر وافي للوافي ( اسمه على الفيس بوك ) ::

مانعاند قسمي _ ولا ندير ما يشوّه خصالي واسمي
بنصون من صهد اللهايب جسمي _ نطيع خالقي و نخاف من تعذيبه
ع الدين و الوطن والعرض نوقف رسمي _ لا نهاب ناتو لا جيوش رهيبه
و امر الغلا ما هو بيدّي حسمي _ مكتوب من عند الكريم نصيبه

رد الشاعر باسط الطنطاني ::

اندير جحافل ،،
وجيش الغلا بالنصر ديما حافل،،
وكم من اسير الشوق عنه قافل،،
قلبي سجن وسط الدليل حبيبه،،
اللي كان ديما كي الريم الجافل،،
اصبح ضحيه في الغلا وتعديبه
في الغلا والغيه،،
لقاها صعيبه جبهتي وقويه،،
كل صوب دايرله جحافل ليا،،
امجهز صفوفي مانديرش خيبه،،
وكم من سريه صامده وسريه،،
اتجيبه حبيبي من بعيد اتجيبه،،

رد المهلهل ضباب العيش ::
انلمهم كردوس____كل السرايا والكتايب(دوس)2
انعاود الكره حربها (الباسوس)__ياصاحبي صلاح موش كتيبه
راهو عدوي حظنّا المتعوس__موحال يا طارق سرايا اتجيبه
وماينفعك جحفل ايريد فلوس__يا خوي باسط للحبيب حبيبه
ويا خوي وافي القسم عالقدوس__وكانك سعيت وراه ماهي عيبة
ويازول اسمع كان تبي تحوز__(حظك )مولات العيون رغيبه
نا كل هدفي انجيبها لعروس__وانطول قسمي وبالاصرار انجيبه

نبى ندير كتيبه *** ونحاصر اللى مابا الحظ يجيبه ... بالقوّ ناخذه

ردت تاج النساء محمد ::

اندير ارتال .. ونجمع انصاري نجيبهم في الحال
الدم للركب مني ايجي شلال
ما عاد تنفع مسكنه لا طيبه
انت تريد هبال ؟! هاك هبال
قلبي عليكم فاطمين حليبه
حتى ( الكيماوي ) قيد الاستعمال
ونا قلتها : نجيبه عزيز نجيبه
هاللي جرحني ما عليا سال
نبي جروحه مالهن تطبيبه
وان قالوا علينا انذال نحن انذال
بعيب جاينا وهذي مجازي عيبه
اندير كتيبه ...

م ن ق و ل