العضو snna و dude333 يستغلان الموقع لأغراض شخصية

من الواضح ان العضو snna و dude333 يستغلان الموقع المميز هذا لحاجة في نفس يعقوب فالمفروض اذاكانت لهما خصومات شخصية مع(الكتائب الأمنية )ان يبحثو علي مكان اخر يسوونها فيه اما ان يعرموا لنا ما يزيد علي ثلاثين مقال الكتائب قالت الكتائب فعلت طرالها جرالها يا اخي خلاص فرقعة وانتهت عليش اتكبروا في الشطحة

انا اقول ان اذا كان السيد المقريق قال ان بعض الكتائب فعلا تحت الشرعية فلماذا الخروج عليها معقولة اهل بنغازي لا يعلمون ذلك ام هذه مؤامرة جز بها اهل بنغازي لفتح الساحة امام الازلام وهروب المسجنونين منهم .... الله المستعان ....... وشكرا

حتى نا شخصيا مش متريح لسنا ووريدة مارام أخبار من روسهم كل ليلة إلا دودي
عندنا فيه ثقة لأنه يذكر المصدر باستمرار
يجب أن يتحدثوا بناشر المصدر وذكر اسم المصدر وإلا تحذف مقالاتهم
بجديات كل يوم منهمة فجعة ويتحاملوا على الثوار بطرقة مغرضة وشخصية وعدوانية
ويفرضوا في كلامهم على الأعضاء
انتبهوا ليهم جيدااا ومن أخبارهم كل ليلة

بارك الله في الاخ uuu3003 وبارك الله في الاخ جمال المروج وعلي تعليقاته الجدية والمفيدة

يرجئ تصيحح العنوان نحن على ثقه بالمواضيع التى يقدمها الأخ دودى ولو ذلك لما تما أختياره من قبل إدارة المنتدى لكى يشرف على المنتدى السياسى
أما سنا ورويده .. انضم الى اخى جمال فى عدم الثقه بما يقدمن من مواضيع مجهولة المصدر
شكرا أخ طرابلسى للحرص
مع الأعتذار للعضو دودى

[quote=" اما ان يعرموا لنا ما يزيد علي ثلاثين مقال الشطحة[/quote]

أجمل مافى الموضوع .... أن ( يعرموا ) لنا .......؟؟؟؟؟ شكراً أم عبدالرحمن ... مجرد مزحه ... وهذا يدل على أنك كنتى مغتاضه جداً من المقالات ...

نحن كاداره الى الان لم نتخذ اى اجراء تجاه اى عضو خرج عن المالوف او جاء باخبار غير صحيحه
نامل الا نتخذ مثل هذا الاجراء مستقبلا

ياطرابلسي..كان انت مستفيد من كتيبة معينة هذه حاجة اخرى
والاعضااء الي مؤيدين انقوللهم كان انتم عااايشين في المريخ هذه حاجة اخرى
اخباري جيبتهن من قناة ليبيا الحرة الي انحطن امس
وكان قتلت النااس امس فيس بنغاااازي شطحة يبقى عدي اقلب على قناة مسلسلات واتفرج خيرلك
فعلا خساارة القدر الوااحد كان حاطكم في الحدث اول باول..
كان تبي نقعدوه سااكتين على المليشيااات.....يبقى هالمنتدى انسيبه الكم
وخلكم في مشيكم ورااء المنليشات الي مخربه البلاد
وانتم معناهاها لاتبوه لا شرطة ولا جيش
والحمدلله ..يشهد ربي انه كل الاخباار الي انحطت من ناااس وقنوات موثوقة
كان انتم قااعدين امس تتفرجوه على مسلسل مش مشكلتي
ومش متابعين اخبار ليبيا وبنغازي شنو صاير فيها
بعدين هذا المنتدى وسيبته الكم......حطوه اخبار تمجيد قتلة بنغازي ومجدوهم على كيفكم
فعلا المنتدى هذا فيها نظام احزااب بدليل دافعتم على عضو ودرتوه اخ..وانا طلعتوني فتانة.
وانقوللكم لي الشرف اني اخت وخطيبة شهيد قدم روحه لليبيا..وهذا اكبر شرف لي..
وتوا هذا المنتدى....الي ماتلاقي فيه خو ينصفلك معناها بلاش من المكان الي ماتلاقي فيه قدر ليك من ناس اخرى
وخلكم في مجاملتكم
سلاااااااااااااااااااااااااااااااااااااام

ننتظر ردكى برساله خاصه حول هذا القرار

يا شباب يا ناس يا هاااااااااااو الله يرحم والديكم ابتعدوا على الفتنة والقيل والقال وتكبير الشورخ

ربنا يهدي الجميع

شكرا لمروركم