منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» ريال مدريد يتجه إلى الكالتشيو لحل أزمة الهجوم
اليوم في 12:45 am من طرف عبدالله الشندي

» مهاجم الاتحاد: زملائي سبب تألقي أمام الأوليمبي
اليوم في 12:41 am من طرف عبدالله الشندي

» 4 فرق بالدوري الليبي على أعتاب التأهل للدورة الرباعية
اليوم في 12:39 am من طرف عبدالله الشندي

» أوغندية حلمت بإنجاب ٦ أطفال.. لكنها ولدت ٤٤.. مصابة بحالة نادرة ربما تسمع عنها لأول مرة
أمس في 8:05 pm من طرف عبدالله الشندي

» في مثل هذا اليوم
أمس في 4:15 pm من طرف عبدالله الشندي

» الشكوى لغير الله مذلة
أمس في 12:58 pm من طرف عبدالله الشندي

» دعاء
أمس في 12:56 pm من طرف عبدالله الشندي

» الوسادة
أمس في 12:54 pm من طرف عبدالله الشندي

» جماهير روما متهمة بالعنصرية
أمس في 12:52 pm من طرف عبدالله الشندي

» الكرملين يرحب بحضور بلاتر وبلاتيني في المونديال
أمس في 12:50 pm من طرف عبدالله الشندي

» تعادل مثير بين فياريال وسلافيا براج
أمس في 12:48 pm من طرف عبدالله الشندي

» فينجر يشيد بهدف جيرو ويبرر صعوبة المواجهة
أمس في 12:46 pm من طرف عبدالله الشندي

» أستانا الكازاخي يزيح فياريال من الصدارة في الدوري الأوروبي
أمس في 12:16 pm من طرف عبدالله الشندي

»  مارسيليا ينتفض ليهزم جيماريش في الدوري الأوروبي
أمس في 12:12 pm من طرف عبدالله الشندي

»  دينامو كييف يهدر فرصة التأهل إكلينيكيا بالتعادل مع يانج بويز
أمس في 12:11 pm من طرف عبدالله الشندي

بحـث
 
 

نتائج البحث
 


Rechercher بحث متقدم


الرويعي موسي الفاخري

استعرض الموضوع السابق استعرض الموضوع التالي اذهب الى الأسفل

الرويعي موسي الفاخري

مُساهمة من طرف الهيلع في 2009-09-28, 5:47 pm

مطمان نجعنا ديمه بدوج ارجاله .. اللي بفعلهم خلوه عالي شانه
ان جيت ليل تسمع من بعيد اعياله .. دايرين حوحايه مع حيرانه
وتسمع انكان اموازيين حواله .. اصياحن خلط بمصايحة جديانه
وكيف الرعد تسمع هدير اجماله .. وتسمع اساع امشايلة رعيانه
وين توصله تنظر الخير قباله .. والناس رايقة حد الزهاء مطمانه
البيت تدخله تحلف اتقول وكاله .. مكسي فرش ملّي عاليات اثمانه
قمح وشعير وتمر لذ اوكاله .. بالزاد الوفير نضايده مليانه
يعجب وهو مطقوق في معداله .. اكساء حجبته كيف الربيع الوانه
وتقول نار صاحبته ومي تنباله .. قالعته وثاري قالعه شلفانه
أيديها حرير مي اللي ثفلاله .. ابزين فعلها في طبعها عصرانه
مالصبح بدري عندها نستاله .. بعد مخض شكوتها اتضم اركانه
والفاهق اللي ايقابل اتطق اخلاله .. وما لعوين تكنسن احفر نيرانه
وفوق راسها اتجيب الحطب عنقاله .. خفيف عظمها بنشاط مي كسلانه
وتخبط الصوف انكان جا ميجاله .. مع خبط مطرقها ارقي ريغانه
لشاهي الضحى لازم ادني العاله .. طاسه الطقرة راحة البطلانه
وادّز شور جارتها بكل دلاله .. علي فطورها تعزم أن حان أوانه
ولدها اللي تبيه كيف خواله .. فالرفه عليه امحوطا بحنانه
كم اذراع تقلع فيه كي تفضاله .. مسدى جديد اتعول في انسجانه
نشو اعشريني دايرا مكياله .. تجديد بيتها تخدم علي اقلعانه
وتمشي ترد عالواسع غريق الجاله .. اتجيب الشراب اتخاف من انقصانه
واتطيب غداء مرغوب للوكاله .. لذيذ لو قفار ولا يلط إدهانه
عليها تقضِّي فترة القياله .. غزلة عميتتا أو هي جظرانه
وفالعصر فالقفه أتلمّ اعداله .. اتزر وين راعيها ايركس ضانه
طريره وماهي مالنساء الكساله .. تنوّرها مع المغرب أعلي دخانه
أاكبار خبزها كيف الطباق اشكاله .. ومالعاده العيل حاسبه قنانه
علي فنارها تبرم اتشوف احواله .. تملاه قاز وتحطَّه هناك مكانه
وتوتي عشاء واشونها بكماله .. والغايب اتعقب قرعته فطانه
وتركّب الرحى فالطحن تاخذ داله .. تهاجي علي غاشي أشهر فرسانه
وان تما اشتاء وغيومها هطاله .. اتقول حرس تاخذ ليلها سهرانه
اترخي البيت وتحفرا بجاله .. ناي الرواق تخاف من أغرقانه
وتحول السدي لغذا نقاله .. وتطامن علي دفوة اللي بردانه
وتشيت الدر بمروبه تشقاله .. وادثرا بعوين فيه سخانه
لا عندها شغال لا شغاله .. لا حوش مبني سكرت بيبانه
حرم زوجها مصيون هو وحلاله .. بنت أصل ما تدخل ادروب خيانه
إن جاء الضيف ماترضىادير فساله .. ولا تشعرا بلكل انهاء تعبانه
اداري علي الشينه وعالبطاله .. اربات بيت ماهي شي ارباوت حانه
لاحس عالي لا اللي نشواله .. ولاعمرها طريت بعيب افلانه
قسوة حياه عاشت وفأحسن حاله .. حياة بالشرف والقدر مي بالهانه
كبرت ولكن خيرت الرجاله .. ولد حلال لقياته وهي شرقانه
من صغره ايتبع في اخطا عقاله .. ورفاقته امعاه ودوم له عاوانه
من كافه البلاء راعيه ذو الجلاله .. رضي والرضا سدد اخطاه وعانه
نين انتصر حقق جميع آماله .. صاغرين قدامه مشوا عدوانه
وظلم الأم من ساعة رفض ما باله .. فك الاغلال وحطم الزنزانه
خذت حقها غصباً عن العوَّاله .. اللي امنصبين أرواحم سجَّانه
وبيها عمد بر الحجاز مشاله .. قضت فرض واجب به الله وصانه
ودعتله وقالت ياكريم تعالى .. اتسلم اللي كل الحقوق عطانه
وترعاه وتوفق جميع أعماله .. واحميه من أقلال الدين والفتانه
الغالي اللي ماهم أهناك امثاله .. ابفكره الناير في زها خلانه
خذا ربحها كيف السند تماله .. ورضا الامّ ديمه راه كي الحصَانه
رفع رايته صدَّق الله مقاله .. وفرَّح اقلوب إلهن زمان حزانه
عليه زغرتت زهيت بزين افعاله .. ولدها ظهر قايد وبه فرحانه
فارس شديد الغلب ما يتباله .. مذكورات من قبلي أوصاف احصانه
طايع الله وملتزم بأقواله .. هزم أعداه بإرادته وقوُّ إيمانه
العالم احترمه قدره صباله .. شموخ وشجاعه ماليات كيانه
وبيه نجعنا زاهي أصلَّح حاله .. ألتمَ شملنا يندم اللي عادانه
وبلا فرق عمَّن عالجميع أفضاله .. أوصل فالبعيد وفالقريب إحسانه
ومن يوم جيته عشنا حياة عداله .. أولَّى الطاغي وانتهى طيغانه
وقطاع طرق كانوا يخدموا نشاله .. وعدة شراذم طبعهم خوَّانه
كنسم كما كنسة عقاب ازباله .. منهم ارتاح النجع زاد أمانه
حكيم راي خلصّن جميع أوحاله .. على الخير والمودة لمّهم جيرانه
تعبها الفايت ناسيه موَّاله .. اليوم في هناء يسلم اللي هنانه
وبجاه من رسا فوق الوطاه اجباله .. ومد البحر بامره رزق حيتانه
ان يحفظ اللي بالخير هل اهلاله .. ايعيش في زهاء لاجل سعى لزهانه
وان يحفظ النجع يدوم عزدلاله .. فيه في سعاده يكبرو شبَّانه
ويكون كل مسلم هو ختام أسواله .. صلاه ع الرسول ويحمده مولانه
avatar
الهيلع
لواء
لواء

ذكر
عدد المشاركات : 1811
العمر : 42
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

رد: الرويعي موسي الفاخري

مُساهمة من طرف STAR في 2010-01-22, 9:40 am

شكراً لك على هذا الاطراء الاكثر من رائع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 117876
العمر : 32
رقم العضوية : 31
قوة التقييم : 192
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: الرويعي موسي الفاخري

مُساهمة من طرف البرعصي1 في 2010-01-23, 2:26 pm

مشكووور خوي على هذا المجهود الطيب
avatar
البرعصي1
عضو جديد

ذكر
عدد المشاركات : 6
العمر : 35
رقم العضوية : 1062
قوة التقييم : 0
تاريخ التسجيل : 20/01/2010

الرجوع الى أعلى الصفحة اذهب الى الأسفل

رد: الرويعي موسي الفاخري

مُساهمة من طرف الهيلع في 2010-01-23, 5:34 pm

شكراًعلى المرور الطيب استاروالبرعصي1
avatar
الهيلع
لواء
لواء

ذكر
عدد المشاركات : 1811
العمر : 42
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى