عاجل من بن وليد نقلا عن تغريدات تويتر

ان شاء الله ربي يحقن الدماء بين الطرفين..
والله ماهو هاين علينا حد..

اللهم اجعل بني وليد سو وشر واجعل كيدهم في نحرهم واجعل دائرة السوء تدور علي الالزلام وحدهم.

ماحدش يبي الشر لحد لكن ياسوها بني وليد مش دولة ويجب ان تنصاع تحت راية الدولة ( تالعلم الاخضر مازال ايرفرف في بني وليد ).
ان اشاء الله غير مش طحلوبة ياسوها.

بوروان حاجة ما شفتهاش بعينك ما تصدقهاش - زارهم المقريف فجاة وشاف وشرحوله كل شيء - انت شكل تتابع في طرف واحد فقط -

غير توا تتهموا في بعضكم يا ليبيين امتا كنت تعلقوا في علم في ليبا وين الليبي اللي يعلق في علم في حوشه والا مؤسسة معينة اقسم بالله كانش في مناسبة والباقي تلقاهم في الشوارع مبهدلات والله حتى حرام راية هكي تتبهدل -

بالنسبة بني وليد الاعلام تلقاهم في بداية البوابات يا ابوروان وتلقاهم فوق المحكمة وفوق المؤسسات وفي الشركات وفي المعاهد العليا والجامعات والكليات وفي مدخل المدن ومخارجها - زيها زي مصراتة نفس المكانات اني راهو نسكن في مصراتة ونتردد على ورفلة ونمشيلها لان نصفي ورفلي ونصفي مصراتي -

ولكن هل الوطنية تقاس بعلم ياابوروان جاوبني -

والحكاية موش علم احني مستعدين نديروه حتى موف ولا اصفر غير يعم ليبيا الامان والامن وكل ليبي يتمتع بالحرية والعدالة اللي نادينا بيها بداية الثورة مش توا كل شيء اتلخبط

معقولة تعتدي على مدينة على خاطر علم مثلا او علي خاطر شخص مطلوب مثلا هذا مش عذر - يجي القانون من عندك حق ياخذك -

سجون مصراتة امعبية بالناس غير انشد -

يبدو انك خارج نطاق التغطية اطلع شوية من القوقعة اللي معيشين روحكم فيها وفكروا بروية وعقلانية وتوا تفهم

توا ليبيا معاش لا طحلوب ولاغيره

احني استبشرنا خير بالثورة الجديدة لكن

لا لا انشوفوا نعرفوا وانتابعوا في كل شئ .
اولا . نبي نسأل المجلس المحلي لبني وليد وين مقره ؟
ثانيا . زيارة المقريف ماكنتش فجاة . والي قالوه للمقريف موجود وهو ( بني وليد لم تتحرر بعد ) .
ثالثا : المشكلة مش في تعليك العلم من عدمة لكن الراية الخضراء المفروض خلاص عليها ومقصدش فرض رفع راية الاستقلال .
رابعا : راية البلاد معروفة ومحددة . وبخصوص الاعتداء على المدينة مش عليا خاطر راية لكن ارواح زهقت واخرى مازالت في الاعتقال لا لشئ الا لانهم ثوار حقيقيين .
سؤال : كيف يتم اعتقال الشهيد (باذن الله )عمران شعبان ويعذب حتى الموت ؟
لانه القى القبض على المردوم .كيف ذلك .؟
خامسا : سجون مصراتة باي نوع من البشر امعبية على كولتك ؟
بالي قتلوا !!! والا بالي اغتصبوا الحرائر ؟ !!!
وبخصوص التغطية . فتاكدي اننا في التغطية على طول ومتابعيين شنئ ايصير اول باول .
والطحالب امر ماينكرا حد . موجودييييييييييييييييييييين وبكثرة .
وتاكدي اختي سوها بان الخير اتي لا محال والثورة باذن الله ستنجح وتحقق اهدافها . ولكن لابد من الصبر والتحمل ( فعلى قدر اهل العزم تاتي العزائم ) .
تقبلي مداخلتي . واستبشري خيرا ان شاء الله .

حيه ... عليكم ... حيه .... نحن فى الأشهر الحرم .... ؟؟؟؟؟؟

بلا حرية اعلام بلا بطيخ
لا حرية لاعلام يمجد الطغاة والظالمين ومؤيديهم في منتدانا ..
بني وليد تجبر المارين بها بتقبيل صورة المردوم علي الدينار
وين راقدة يا سهي ...

انشاء الله ربي يهدي الوضع علي خير

الكابتن كتب:
بلا حرية اعلام بلا بطيخ
لا حرية لاعلام يمجد الطغاة والظالمين ومؤيديهم في منتدانا ..
بني وليد تجبر المارين بها بتقبيل صورة المردوم علي الدينار
وين راقدة يا سهي ...

توا اللي باعها خير من اللي شراها - اني نمشي ونشوف بعيني مش زيك نشوف بعين الفيسبوك والاعلام

لا اني لابد نحكم بعيني -

ثم الذافي حكم ليبيا 42 عام - ولم نقبل صورته - لا حيا ولا ميتا - مش كويس الواحد يتهم الناس بالباطل راهو فيه حساب غدوة - عيب عليكم راهو احني مسلمين مش كفار

سجون مصراتة معباة بالاف السجناء - يعذبون بطريقة وحشية - المنظمات الدولية ومنظمات حقوق الانسان ومنظمة العفو الدولية هي من قدمت تقارير لمجلس الامن عن ذلك وقد امهلت الحكومة الليبية للسيطرة على الميليشيات وتسليم السجناء للدولة لمحاكمتهم محاكمة عادلة -

بني وليد لن تذهب لاحد ومن جاءها ويريد السوء لاهلها وناسها فلها الحق في كل شيء ونحن لن نذهب ونتعرض لاي مدينة كانت -

شكله كل مرة نبي نعاود شن بنقول الظاهر ما تقروش في الردود عييت منكم ومن الردان عليكم - اني مش راقدة اني واقفة مع خوالي ومع الحق -

واي سوء تفاهم بين اهالي بني وليد في بعضهم ما فيش حد ليه دخل بيه - ولد وتعارك مع بوه- الجار شن دخله - قالوا المصريين يا داخل بين البصل وقشرتها ما تنال الى ريحتها

بالنسبة لبنى وليد حتى في تاريخ الجهاد الليبي كانوا ينحازون مع الطليان لضرب المناطق الشرقية والي مش مصدق يقرا تاريخ الجهاد الليبي ابان الغزو الايطالي وكانوا الطليان يستعينوا بعهم في المعارك ضد الليبيين

soha1244 كتب:توا اللي باعها خير من اللي شراها - اني نمشي ونشوف بعيني مش زيك نشوف بعين الفيسبوك والاعلام

لا اني لابد نحكم بعيني -

ثم الذافي حكم ليبيا 42 عام - ولم نقبل صورته - لا حيا ولا ميتا - مش كويس الواحد يتهم الناس بالباطل راهو فيه حساب غدوة - عيب عليكم راهو احني مسلمين مش كفار


بني وليد لن تذهب لاحد ومن جاءها ويريد السوء لاهلها وناسها فلها الحق في كل شيء ونحن لن نذهب ونتعرض لاي مدينة كانت -

شكله كل مرة نبي نعاود شن بنقول الظاهر ما تقروش في الردود عييت منكم ومن الردان عليكم - اني مش راقدة اني واقفة مع خوالي ومع الحق -

.تاي شراء تتكلمي (شعرات الكتائب زمان ).
لم تقبل صورتلاحي ولا ميت . تنتي وين عائشة والله مايحطوا الا في الصورة ويسجدوا ليها وهذا بعيني مش فيس بوك والا اعلام.
وكيف تكولي بني وليد لم تذهب لاحد .تمالا من دمر الزاوية ونكل باهلها وشردهم كان فروخ بني وليد والله داروا فيها حاجات حتى اسرائيل مادرتهم في فلسطين .( خرفي ياسوها).
وبعدين تكوليلي نصفي مصراتية وخوالك ورفلة (ثلثين الولد لخواله والثلث ايعرك عليه).تاي مصراتية!!!!!!!!!!!!!!!!!!!!!!!!!!!

بصراحة عيب التجريح والكلام الفاضي..ياسر اجدودنا فرسان ما عمرهم كانوا خيان..
وكل واحد يحترم نفسه ويعرف ما ايطلع من فمه..بعدين ليش اتهجموا علي قبيلة ورفله يعني انتم باقي قبائل ليبيا ملائكة!!
الحمد لله من93المقبور ساحب كل شيئ من ورفلة ..وكل ايديه من مصراته والشرق والقدادفة و المقارحة..
وبعدين انتم الي راجعوا التاريخ
ورفلة ضحت من اجل ليبيا وما عمرها دلت ..
انا لست مع الذي يحدث في
بني وليد ولكن ان تزوروا التاريخ
زي المقبور هذا الامر لن نسكت عليه..
وبعدين نصيحة مني للكل القضية الي بين مصراته و رفلة ينفع فيها كلام العقل مش الفتن..
والله الدم الي بيسيل ليبي..

عطيك الصحة يا ولد سيدي -

ابوروان قلت شفت بعيونك يسجدوا ويعبدوا في صورة القذافي - انت اكيد كنت تسجد معاهم -

مادام شفتهم معناها كنت في بني وليد وسجدت معاهم

اسمع كل واحد معروف في مكانه - المنطقة الغربية اسكتوا وخلوا التبن مغطي شعيره يا منافقين - المسيرات المليونية اللي طلعتهن طرابلس والزاوية ما طلعتهن المنطقة الشرقية ولاخر اللحظة وانتم تهيجوا وخذيتوا الخمسمائة دينار على الكتيب كلكم وتوا خذيتوا فلوس الثوار ونساؤكم خذن فلوس الحرائر -

يعني بصريح العبارة انت او من مجدت وهللت وبعدين توا اطلعوا فيها ابطال

القذافي انتم طلعتوه بطل بسكوتكم عليه 42 عام - اما ورفلة دارت جهدها على الاقل كانت واضحة ودارت اللي عليها وطلعتوها خاينة ووقفتوا معاه وخذيتوا القروض وطلعتوا اولادكم برا- ومسكتوا السفارات على كتوف ورفلة -

الزاوية فيها ناس كويسة وفيها ناس مشطوا بني وليد بالحوش وصور استيلائهم على الذهب والاموال متاع الناس قاعدة مصورة بالفيديو وهذا من تصويركم انتم - والسيارات اللي مشت رتل من بني وليد للزاوية مشطوها املاك ناس مش دولة وتقولي في الفيدويات غنام - يا سراق

كان في اغتصابات وسرقات من بني وليد في الزاوية وفي البريقة زي ما تقولوا ليش ما عندكم فيدويات زي بني وليد

بني وليد لديها فيدويات بالسرقات وبالاقتحامات التي تمت على بني وليد وصور السيارات التي سرقت من بيوت ورفلة - وتوا من عنده حق يبات عليه

وللمشوار الطويل - زي ما قلتلك انت تبي مشوار طويل باش تفهم -

اقرا اتفاقية سواني بن يادم وبعدين تعرف من جلس مع الطليان ووقع الاتفاقية وهو رمضان السويحلي ومن معاه من المناطق - وبعدين جت على روسهم - عبد النبي بالخير كاين معترض وما يبيش يوقع وما حضرش الاتفاقية

الواحد يقعد يفترم بالكلام وماهوش فاهم شيء

الاختsoha4412 انا لا ادافع عن عبيد المقبور من الرصيفة لان كل اعمالهم زور وبهتان..
انا ادافع عن ورفلة تاريخ وجهاد
الي اول من داسه وزوره الجيفة الله لا تسامحه ..
و تحسابي الي يحدث في بني وليد هو حب لورفلة لا هذه التصرفات ماهي الا تحريك من اجل ضرب ليبيا في بعضها

اخت سهى الدفاع المستميت على ورفله نبي نعرف شن معناه انا نعرف ناس من احرار وشرفاء ورفله مستأين من عمايل اهل بن وليد ومستعيرين منها ويتمنو مسحها....لأن ورفله في الثورة كانو ضد كل مدن ليبيا وكل مدن ليبيا تأذو من ورفله..مش في فبراير بس كانو اعداء للشعب الليبي واليد التي يضرب بها القذافي في الشعب الليبي طيلة فترة حكمه...وهما من بدأ بالسرقة وهتك الأعراض والقتل والتعذيب والتنكيل...وهم من أتوا إلي كل المدن الليبية في أرتال الطاغيه ..توا لما طقت فيهم شعرو بيها ليش مافكرو من قبل ....انا كنت في الزاويه من 3 ايام وسمعت ع ن الأعمال الهمجية اللي قامو بيها ورفله في الزاويه ويشهد عليهم فندق الانوار اللي سرقو منه 180 تلفزيون وعاثو فيه فساد ودمار ..وقال صاحب الفندق وثقنا كل شئ حتى كتاباتهم عالجدران وأسمائهم..

شكـــــــــــــــــــــــــــ ـــــــــــــــــــــــــــــــرآ وبارك الله فيك

شكرا فدا ليبيا .
اولا : اخت سهى . انا لم اذهب الى بني وليد قط . وسجودهم للطاغية امر مايقدر حد ينكرة .
ثانيا : التبن الي تحكي عليه جاه الريح ورفعة والشعير اتعرا وبانت الفضائح .والميسرات المليونية الي تحكي عليها جت من خارج الزاوية ( الحرشة , صرمان , العجيلات , الجميل , رقدالين ) الزاويين عمرهم ما يطلعوا لجيفة قتل اولادهم في الميدان ونبش قبورهم .
لا مجدنا ولا هللنا للجيفة وابطال من يوم يومنا .
ثالثا : انتي الباين عليك امسيطر عليك فكر الطحالب ( حمزة , وشاكير , وهالة ) تي من عقلك تبي ايوثقوا عمليات الاغتصاب في فيدوهات . والباقي اموثثثثثثثثثثثثثثثثثثثثق وتعالي للزاوية وشوفي .
رابعا : تاريخ الزاوية الجهادي مايحتاجش نشرحه لاحد ............ واسالي عليه الطليان .........وبقائه كتائب الجيفة المردوم .
اصحي وفيقي ياسهى .