حقيقة المؤامرة بين سالم الواعر والإنفصاليين

فى وسط الزحمه دخنا ماعاد عرفنا من الوطنى ومن الخاين ؟؟؟؟؟؟

وفد الحكماء اللي مشى م الشرق رجاله واسياد الرجاله
وكانوا نيتهم حقن الدماء بس
وانا شخصيآ نعرف منهم ناس ماعندهم اي ميول للانفصال
بس شنوا عليهم حرب اعلاميه من قنوات مصراته القنفوديه وبدوا يحكوا عليهم ..
هضوم صقعه علي اكبر شنب في ليبيا ...رجاله صح موش كلام
وعلي فكره ولله العظيم الذي لا إله الا هو جابوا حقائق وكلام وردود افعال م المؤتمر وم رئيس الاركان اليهودي ومن جماعة مصراته ..
واثبتوا انها حرب قبليه ثأريه لا أكثر ولا اقل وقد اصدروا عصابات مصراته القرار بقوة السلاح ..واللي موش امصدق ماعندي ماندير له وليام يثبتن
نبي نسأل سؤال ...مافيش حد يقدر يطعن فالعقيد سالم جحا ...راجل وطني ومن بدايات الثوره وهو ف الواجهه
ليش انسحب وما شاركش في حرب الثأر لمقتل السويحلي وشعبان لأنه متأكد وعارف انها حرب ثار موش تحرير

الله المستعان

اترك القبلية يا اخ اسماعيل وخلي محرك الوطنية عندكك اقوى

الشرق كمنطقة هو ثائر لكن هذا لا يمنع ان فيه الكثير من ازلام النظام او من اشباه الثوار اللي فرغوا الثورة من محتواها

واولهم البعض من القيادات الشعبية سابقا
ونحن نتكلم عن موقف وطني وسياسي ولا نتكلم عن حسن اخلاق او كرم او طاقية معنقرة

ولعلمك البعض ممن قتلانهم من ازلام النظام قذاذفة وورفلة والله من ارجل تريس الدنيا
وخسارة ان القردافي الجبان ربحهم لصفه

يذكروك برجولية ابو جهل وصدام وهتلر وريتشارد قلب الاسد
ولو جيتهم لبيوتهم حتلقى ذبح الخروف عندهم للضيف اسهل من شربة ميه ومضيافين واهل بيتية
لكن عيبهم الاكبر عبادة الطاغوت القردافي اللي خلتهم في قمة النذالة والانحطاط والجرم ان كان هذين عندهن قمة

نحن نحترم شيوخ الشرق وهم شيابنا وكبارنا لكن للاسف البعض منهم مخترق ويقودوا فيه الفيدرالية والبعض منهم تاريخه ما يشرف في القيادة الشعبية

يا اخي اسماعيل نحن ثوار الجنوب مثلا قاطعنا حتى اخوتنا اللي وقفوا ولو بكلمة ضد بنغازي او مصراتة او الزاوية ووالله مقاطعينهم لعند توا

فحتى انت اذا اخطا شيابي او شيابك فقول اخطاوا وما تزكيهم واجد فلعل منهم من هو متامر ضد الثورة بترسيخ القبلية على حساب الوطنية ويكولسوا في الفيدرالية ويحرضوا عالغرب ويتهموا فيه ان هو اللي مهمشهم وهذه بمعنى غير مباشر ان القردافي بريء وان كلامه صح وقت كان يتهم ثوار الشرق حاشاهم بانهم انفصاليين وبيرجعوا الفيدرالية وحكومة برقة وهي الدعاية التي رد عليه فيها احرار وثوار الشرق : لا شرقية لا غربية ليبيا وحدة وطنية
وقالوا : لا للقبلية

لكن كل ها تبخر في عقول المساهمين في الثورة المضادة وعلى راسهم القيادات الشعبية شرق وغرب اللي بكوا على جماهيرية بني وليد الخضراء المكتظة بالازلام المجرمين

لا للقبليه شماعه بس
تي وحق ربي القبليه والميليشيات والعصابات والواسطات
قاعده وبقوه
وليبيا تو غابه ياخوي ..ولله كان ماعندك حد وللا قبيله ايدوسوك الرجاله
ممكن بعدين ..اوكي توا لا لا لا
انا ماحكيت علي قبيله انا حكيت علي ناس مشت تبي تحقن دم
ولاناقه لها ولاجمل فالحرب الثأريه اللي صارت
انا نعرف منهم ناس معرفه جيده وكويسه ..
لكن الاعلام شوههم
وللأسف نحن الليبيين اليوم اصبحنا ابواق لاعلام فاشل وجهوي وغائب عن الساحه الليبيه والسياسيه
ليش انتم لما الواحد بيقول الحق بتحاولوا تقلبوا الموضوع عليه واتطلعوه
اما ازلام وللا جهوي وللا قبلي وللا عنصري وفتان
احكوا بشفافيه وصدق ..وانقوله الحق علي وللا علي غيري شن المشكله
ليش ماسكين في هضوم انتم
شوفوا اللي كانوا فالانتقالي واللي اليوم ف المؤتمر وف الحكومه السابقه والحكومه الحاليه ..ليش ماتكلمش حد
من اللي ينكر انه مصراته والزنتان متسيطرين ع المؤتمر والحكومه
عارف ليش ...لأنهم جوا ضد رغبة مصراته وطموحها فالاخذ بثارها من بني وليد وورفله ..
والدليل كيف اتفسر الكتيبه بالبخاخات وتعليقة صور السويحلي وشعبان
هذين كلهن اجابات صعبه انه اي حد ايجاوب عليهن
لأن اللي يبي يحكي يبي ايقول الحق وقولة الحق توا واعره في وقتنا هضا
وتقبل مروري بصدر رحب ...تحياتي

حرب بني وليد هب لها ثوار ليس من مصراتة فقط بل من كثير من المدن وعلى رأسهم احرار بني وليد وثوار بني وليد

قولك انها حرب ثارية يدل على انك سمعت كلام فلول الطاغية في بني وليد ولم تسمع لثوارها الاحرار ثوار 28 مايو الذين صرخوا اكثر من 9 اشهر لانقاذ بني وليد فجاءهم النصر من ثوار الكثير من المناطق الليبية بعد ارتكاب الفلول غلطتهم الكبرى باغتيال الشهيد عمران ثارا لسيدهم ومعبودهم القردافي


التركيز على تشويه الزنتان ومصراتة هو جزء من الاعلام المضاد وذلك بسبب دورهم الكبير في تحطيم كتايب القردافي في الغرب

بطريقة منطقية : الغرب مصراتة والزنتان غلط
وفي الشرق : الاسلاميين غلط
معناها ان الثورة كلها بنيت على باطل



شفت كيف ان بعضنا هو ضحية الة اعلامية جبارة خطيرة للثورة المضادة