قصيدة للشاعر مراد البرعصي

مراد البرعصي أجعل دلالها
اجعل دلالها بين ريفين = على نهر بوسيف سايل
علية النخل بوعراجين = بجملة اشكال الفسايل
ورمان واعناب والتين = ابلذت اثمار وظلايل
واحمات النبى شجر يقطين = ابلون سندسى فالخمايل
ونوار فوقة زنين = اندار النحل طار نايل
رحيق حلو منة خزين = تجميع العسل نين حايل
وماتقطفة بالدخاخين = ولااتحصلة بالعتايل
ايجي ابسملة واجر ياسين = وسر نون واتلا الكمايل
ايسلم ايخاويك نين = ماايضايقك وانت عايل
اتصيد غايتك قص تفنين = اتقص قير مملى عسايل
وماتشتهى بوجناحين = غريدة على فرع مايل
مشحون بالثمر ماح زين=اتخاف ينكسر زود شايل
ومحصول قمحن بالموازين = اطنان فى حسب كيل كايل
تظهر زكاتن فوق لرثين = قناطير ربن عوايل
ويوم حصدهن رافع العين = يلقة زكاتن موتحايل
زكاة عرض واتعاب ليدين = اللى هذا بالخير طايل
امصفة وافر حصين = تلقة انكان جوها عزايل
ومااتخاف مالقحط والدين = مغرافة على لجر هايل
افلان ثلث وافلان ثلثين = وافلان زودة عالعدايل
ومو احساب تحت المعين = امغير فى علل قول قايل
وفى القصير تطلق الضين = تلقط اطياح منة قلايل
وتفرق على ضان لخرين = لاخننت لااتخايل
ولاخريف منة اتشين = ولااتبات تحت الهطايل
فى زرايب حمر مالطين = وكى اتقب تقبة قزايل
اتبات فى قبب بين حلقين = حصين لب والنو صايل
ولااعرفت عزق الجنين = ولاقملها جاء نصايل
اتاوم وتروى الحضين = وتفوع نين تقبى شلايل
تنظر حليبها مالثداوين = اتقول هذل دمع السكايل
مشك ثدانها بطفطحين = الحولى تعلم خصايل
ادير عنزا فى عبارين = مع اغذاة نقز اوجفايل
وعاد القود داير رطين = انجاء الحشو قبل الشوايل
عبيد طلقو من زنازين = وسكرو اودارو حفايل
وهى اتونسك بالحنين = وهى حن واطيب شمايل
لاازاهقت فى مسارين = ولا تهاكعت مالفتايل
تديدح اخول فى غواطين = ابها مااطلقت همايل
واللة ايدوم خير السنين = انجادن اجعنهن جلايل
وادعو امعاى قولو امين = ولة توسلو بالوسايل
اللى حبهم رب كونين = بنبياة واهل الرسايل
اللى نورو لرض بالدين = ورقو اقلوب الجهايل
وصلو على جدحسين = والحسن نور الدلايل

تسلم انت والشاعر الكبير مراد