منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» بالأسماء: ثلاثة من عناصر بوسليم يسلمون أنفسهم للجيش قبل قليل بضمان حقوقهم الإنسانية والقان
أمس في 3:09 pm من طرف STAR

» 30 عائلة درناوية نازحة تصل تمركزات الجيش في مرتوبة وأم الرزم
أمس في 3:08 pm من طرف STAR

» الحكومة المؤقتة تفجير بنغازي ردة فعل جبانة على خسائر الجماعات الإرهابية في درنة
أمس في 3:07 pm من طرف STAR

» بوخمادة يدين تفجير بنغازي ويؤكد: لا مكان للجماعات الإرهابية
أمس في 3:06 pm من طرف STAR

» داعشي “تائب” يطلب زوجة في درنة
أمس في 3:01 pm من طرف STAR

» خردة ليبيا ثروة في قبضة مليشيات التهريب
أمس في 3:00 pm من طرف STAR

» “مالية الوفاق” تحيل مرتبات شهر مايو الحالي للمصرف المركزي
أمس في 3:00 pm من طرف STAR

» عودة حقل الراقوبة النفطي بمنطقة مرادة إلى العمل
أمس في 2:59 pm من طرف STAR

» وزارة الداخلية : شرعنا على الفور في تتبع منفذي التفجير الإرهابي ببنغازي
أمس في 2:59 pm من طرف STAR

» نائب عقيلة يناشد الأعلى للدولة الموافقة على تعيين الشكري محافظا
أمس في 2:59 pm من طرف STAR

» ديوان المحاسبة يوقف 24 اعتماد مستندي ويُجنب الدولة الليبية خسارة 334 مليون دولار
أمس في 2:58 pm من طرف STAR

» مدير “مكافحة الإرهاب”: حصلت على معلومات عن التفجير وأبلغت “الداخلية” فأحالوني للتحقيق
أمس في 2:56 pm من طرف STAR

» آخر ما كتبه الجندي “عزو رسلان” أحد ضحايا تفجير بنغازي
أمس في 2:55 pm من طرف STAR

» بعد القبض عليه بزي نسائي..حارس “بن قُمو” يفجر مفاجآت حول جماعات الإرهاب
أمس في 2:53 pm من طرف STAR

» لقطات تُبث لأول مرة عن تفجير مسجد الإمام الصادق
أمس في 2:39 pm من طرف STAR

بحـث
 
 

نتائج البحث
 


Rechercher بحث متقدم


قصيدة الشيب

اذهب الى الأسفل

قصيدة الشيب

مُساهمة من طرف ادريس امراجع في 2013-06-01, 11:02 am

قصيدة الشيب الشاعر عبد الكريم بوجديده
ابتداءها الشاعر عبد الكريم بوجديده وقال :

في لحيتي طقر الشيب رمقته .. بدّّّر اشوي ماكان ظني وقته
ولا كنتشي نحسابه .. ايشيب الفتى في عيروان شبابه
ايش جيبه هالشيب وايش اسبابه .. ولو كان ينطق بالعلل ناطقته
وكيف ماقالوا الناس مهابه .. والله نذير الموت مد ورقته
تميت فيه انفكر .. ايش جيبه هالشيب جاي مبكر
ذاهب الا ذهبان فيه انحكر .. ضاقن اخلاقي جبت موس حلقته
في الكتر باين كيف حب السكر .. نفضته بعيد ارتحت كيف عزقته
اصبّح زايد .. وكل يوم يسرح كي الشرط البايد
فوّل الطلّق كان مغير وحايد .. زاد ف العدد ماعادشي لاحقته
ان كان م الزعل رينا ظروف شدايد .. وان كان كبر ماحلي لحد زنقته



فرد عليه الشاعر عقوب الشرمي :

اسباب عديده .. اللي الشيب منهن يسبق مواعيده
اولهن الضنوه كي تكون عنيده .. والله جار لاوافق ولا وافقته
والله ضيم والعزوه اتكون بعيده .. والله عشيره في رفقها مكده
والله دين ماتقدر علي تسديده .. ف اخر الشهر ياخذ اللي دبكته(1)
والله ضيف يلفى والظروف شديده .. وعندك هدف ف البال ماحققته
ونا قلت رايي وما نريد انزيده .. وبكره اتجرب كان ماصدقته
وفي وقتنا جدن احوال جديده .. اللي تحكرا واجد اتطير بركته
واللي تنصحه ينقّد عليك نقيده .. واللي تحمله يطمع اتزيد احركته
واللي اتعامله ودك ايديرك صيده .. ان ما صحيتله(2) يرمي عليك اشبكته
بهت راسي .. اللي شاب هو كله ابقي متواسي
الشيب حكم ولامره ايطيع العاصي .. وبالك عليكم نا اللي فرقته
من عندي جرد شورك مشا متماصي .. لو نحسبك زعلان كان مسكته
ياصاحبي كنك مغير اتصاصي .. والله منابك(3) جا اشوي ازمقته


فرد الشاعر عبد الكريم بوجديده :

لانريد منابي .. ولاني موصي نين درت احسابي
طالب الا منك ردود اتعابي .. وتصبغ شعر وجهي اللي زوقته
شيبك ترقى نين طال اشنابي .. بلا حساب من شورك علي اطلقته


فقال الشاعر عقوب الشرمي :


لانقول موده .. هديتا عليك وعيب كيف اترده
اخيار الفتى يعزم بما في يده .. ونا من منابي صاحبي ذوقته
عزم عليك ابشيبه اللي في خده .. ماتقرضا عقوب كي رافقته
الشيب ماهو عيبه .. الشيب راه للراجل وقار وهيبه
بوبكر ينشد ف الرسول حبيبه .. قاله الشيب وقار كان ملكته
لا يضايقك لا عد اتجي تشكيبه.. تنال اجر عند الله كان عتقته
قدرة الله وهكذي ترتيبه .. ان طالبتني ماني اللي رشقته
ان كان تنشد فيا .. الشيب خير م اللجرود ميه لميه
الراجل بلا لشناب كي الوليه .. امفيت م الهدوم(4) البيض بيش فرقته
نرضوا بو مطير(5) ايحل هالقضيه .. الشيب مصلحه وانتا اللي شركّته



فردعبدالكريم بوجديده وقال :

ياعقوب صراحه .. كلامك القيته حق في مطراحه
تشخيص روشيتا(6) طبيب جراحه .. بعلم وتجارب ماعلل لفقته
شياب دون لاجالي قليل الراحه .. هاللي صريح الصادقه حارقته
كلام القيته ..واخذ اعنايه فوق ميزانيته
شيبه اكثر من داه جوا بيته .. امعاكسه اللي تاجب عليه انفقته
والله عوج من عبد شينه نيته .. اللي تملي(7) سيته سابقته
يضيقن أخلاقك كان ما كافيته .. ولا ينقدع عنك انما هزقته
قليل لصل ما يكبران كان دريته .. ويرد وين ما ياخذ علي عنفقته
ولا صيل تطامن ان كان دعيته .. وتنسي عضاك معاه لا رافقته
صاحب نخاوه تاكله حريته .. ما يلتجي للعيب لو شنقتـه
فيها فخر عدواه وصحبيتـه .. في كل جيهه باينه صادقته
ولاخر النجهه دايمن واطيته .. كي ال*** يالف بك ان كان خنقتـه
ومهما تعزه لا تقول سعيتـه .. دردم عللي في جداه عرقتـه
لنسان تم انسان بنسانيته .. لكن انزر ك تاكله ما طقته
نا جبت قول امغير ما وفيته .. ريته امقابل ف الجواب علقته
نحكي علي دوة الشيب انسيته .. وصف الطبايع في عقابا سقته
نرجا عقوب ايلملي باقيته .. موضوع متلايم ونا بعزقته

ادريس امراجع
رئيس عرفاء
رئيس عرفاء

ذكر
عدد المشاركات : 134
العمر : 51
رقم العضوية : 528
قوة التقييم : 4
تاريخ التسجيل : 15/09/2009

الرجوع الى أعلى الصفحة اذهب الى الأسفل

رد: قصيدة الشيب

مُساهمة من طرف عبدالحفيظ عوض ربيع في 2013-06-02, 10:05 am

رائعه جدآ لك الشكر

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

avatar
عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 72432
العمر : 52
رقم العضوية : 13
قوة التقييم : 222
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: قصيدة الشيب

مُساهمة من طرف ادريس امراجع في 2013-06-02, 11:02 am

شكراً لمرورك أخي الفاضل عبدالحفيظ

ادريس امراجع
رئيس عرفاء
رئيس عرفاء

ذكر
عدد المشاركات : 134
العمر : 51
رقم العضوية : 528
قوة التقييم : 4
تاريخ التسجيل : 15/09/2009

الرجوع الى أعلى الصفحة اذهب الى الأسفل

رد: قصيدة الشيب

مُساهمة من طرف ولد الجبل في 2013-06-03, 5:54 pm

علي ذكر الشيب قال الشاعر :
أول شيـب من زوجة كدية ........... وثاني شيب من ضيم الرجال
وثالت شيب من عيل تجيــــبه ..... يظهر عفن من دون الرجـــــال

مشكور اخي علي الاختيارات الجميله

avatar
ولد الجبل
مشير
مشير

ذكر
عدد المشاركات : 7030
العمر : 74
رقم العضوية : 2254
قوة التقييم : 133
تاريخ التسجيل : 05/07/2010

الرجوع الى أعلى الصفحة اذهب الى الأسفل

رد: قصيدة الشيب

مُساهمة من طرف ادريس امراجع في 2013-06-04, 7:05 am

شكراً أخي ولد الجبل على الاضافة الرائعة

ادريس امراجع
رئيس عرفاء
رئيس عرفاء

ذكر
عدد المشاركات : 134
العمر : 51
رقم العضوية : 528
قوة التقييم : 4
تاريخ التسجيل : 15/09/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى