منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» «الزويتينة النفطي»: المعمل يستقبلُ 8 آلاف برميل يوميًا من الغاز المسال
اليوم في 12:13 pm من طرف عبدالله الشندي

» انخفاض الدولار و ارتفاع اليورو امام الدينار فى ختام تعاملات السوق الموازى اليوم
اليوم في 11:54 am من طرف عبدالله الشندي

» الناقلة “أنوار الخليج” تبدأ تفريغ 34 مليون لتر من البنزين
اليوم في 11:49 am من طرف عبدالله الشندي

» مكتب الزراعة بطبرق يوزع أكثر من 8000 شتلة على أصحاب المزارع
اليوم في 11:24 am من طرف عبدالله الشندي

» الشروع فى صيانة عدد من «أجهزة غسيل الكلى» بطبي طبرق
اليوم في 11:21 am من طرف عبدالله الشندي

» طبرق.. زحام شديد على مستودعات الغاز والحلول غائبة
اليوم في 11:20 am من طرف عبدالله الشندي

» شابان ينجحان في الفرار من قبضة مُقاتلي خوارج بوسليم درنة
اليوم في 11:14 am من طرف عبدالله الشندي

» اللواء ونيس بوخمادة يوجه رسالة عاجلة لسكان بنغازي
اليوم في 11:13 am من طرف عبدالله الشندي

» مراقبة الخدمات المالية الواحات تشرع في تسليم حوافظ المرتبات للقطاعات
اليوم في 11:11 am من طرف عبدالله الشندي

» أسرار تجارة الأفاعي لدى أتباع الطريقة العيساوية في المغرب - مقتطف من سلطان السم
اليوم في 11:10 am من طرف عبدالله الشندي

» أكراد وأتراك يحولون مطار ألماني إلى حلبة مصارعة بسبب عملية عفرين
اليوم في 10:25 am من طرف عبدالله الشندي

» أطعمة عادية تزيد الرغبة الجنسية.. هذا ما يصلح منها للرجل وما يناسب المرأة
اليوم في 10:24 am من طرف عبدالله الشندي

» آيفون X "يحجب" جهة الاتصال عن المستخدمين
اليوم في 10:20 am من طرف عبدالله الشندي

» التغذية الصحية مواد غذائية تقي من الأورام السرطانية
اليوم في 10:18 am من طرف عبدالله الشندي

» انست وشرفت
اليوم في 10:06 am من طرف عبدالله الشندي

بحـث
 
 

نتائج البحث
 


Rechercher بحث متقدم


يادار ما ينجالك...احمد ارميله

استعرض الموضوع السابق استعرض الموضوع التالي اذهب الى الأسفل

يادار ما ينجالك...احمد ارميله

مُساهمة من طرف عبدالحفيظ عوض ربيع في 2014-05-31, 6:36 pm

يادار ما ينجالك...احمد ارميله

هذه القصيدة الرائعة للشاعر الذي لا يشق له غبار في شعر الرثاء في شعرنا الشعبي
إنه الرائع (أحمد ارميله)

يادار ما ينجالك يبقوا أتقول قدامي بعد نلفالك ...اعزاز باعدوا
*يا دار حايطبك عجاج يكنس ماريت حاجة في جباك اتونس
ما أتقول فيك أذَن شريف أمجنس/فاهم جميع أنصوص مذهب مالك..
ولا أتقول صيادك معاك تخنس/عقاب النهار غزال في مظلالك..
ولا أتقول ف أيام الربيع العنس/وطنك ولازرن غلام اقبالك..
*يا دار برقايا اليوم أبقيتي متسلط عليك عجاج نين أغبيتي..
علي هلك في حقك إن كان بكيتي/تباكوا عليهم واجدين أمثالك..
الدايم الله أتخوفي تميتي/متمولسات ما فيهن مضاق اسهالك..
وماتقولشي عمرك نواجع ريتي/ولاسرحن لا حاشن عليك ايبالك..
*يا دار جيتك لافي جية امبات وما لقيت اولافي..
مردوم كيفهم سافي عليه السافي/لقيت حفر ناياتك أسنين اقبالك..
وحاس المدار عندي وزاد ريافي/بهتت واجد ما نظرت أرجالك..
ولا لقح رايض بين قور مكافي/خراريمهن سيل البداري دالك..
*يا دار ماني مابي ننسى سريب من ضاعن وراه أتعابي..
ونا كنت منه ع المكاسب عابي/نكرني و ما دور معاي مسالك..
ونريدك تعزيني علي غيابي/اللي ردمن جرتهم أسيوف أرمالك..
لقيتك عيابك شين كيف عيابي/والهالك يقول وما يعين الهالك..
*يا دار عدي من صعب لاماهم ملوك وسلاطين الزمان فناهم..
كان منتشر ماشي بعيد نباهم/بسيوف و عساكر مالكين ممالك..
وراحن جواريهم وتم ابناهم/من طول المدايد منتهي متهالك..
كيف هاللي ما بت العين بلاهم/اتطاطي علي امباتك ولا مقيالك..
*يا دار سافي دوره علي جبين يشاكع ابيض بحموره..
كما نار في فاهق خلا مكبوره/أتجيب المجبي ف الظلام الحالك..
خطور ناس حازنهم لحود قبوره/من يومن مشوا منك وشين خيالك..
*يا دار خايل زولا عيون النداوي وين ما جلو له..
ما يدوم في ملكه امفيت المولى/ناشي مهاوش غابتك واجبالك..
وما تريد تبقي دايمن منزوله/ولا بوصف واحد تمسكي معدالك..
ولانك علي غاشي كمل مسيوله/تباكن ابكا واجد عليه أطلالك..
*يا دار سمح الباسه مشيتلك القيتك م الجدب منهاسه..
ربيعك الزاهي جيت حاتم ياسه/وجا جيتي زعلان من عدالك..
لا لقي رغث بارم عليه اركاسه/ولا نجع منظرته أتزيد جمالك..
و أندير وين ما ريتك حذاك محاسه/أتقول بخطا بين و دين نسالك..
*يا دار عين الفالي خلين أوهامك من أنجوع لهالي..
علي قبل كانوا فيك راه اسوالي/ما يجيب لا يودر مثيل اسوالك..
وما عد أيريد يجيك منهم والي/ولا جيل يخلف جيلهم نلقالك..
(عليهم اشلي ديما خلا ف الخالي/نين يتقطع م النديب أجلالك)
*يا دار عين الجازي جيتك و ما قابل وريص اعزازي..
أبعاد النظر فيهم أنعوز تعازي/كسنهم الله دايم لحود أبدالك..
راية رجاهم شرطها متمازي/وأنت تريديهم يجو هيالك..
(ع العاقله اللي إن صار الخلاف يوازي/خذي العمر هو كله بكا قلنالك)
*يا دار جايل جيتك حزينه علي فقد الحباب ألقيتك..
فريق من تهايولي بعد حقيتك /يجي لحشر بوكسره ولا ولالك..
حتى لو عليهم كم عزا عزيتك/فرقاهم أنزال صعيب شاغل بالك..
و ما لقيت من وجهك إلا جيريتك/نقاص غيث عاماتك أمغير حالك..
*يا دار كيف سعته يريد ينزلوا فيك الحباب ايمته!!؟؟
بين كبر سن وموت راحو شتى/وأنت تعاني من اجداب جرالك..
نباتك أتقول أكملت زريعته/كداوي تراب ابيض ابقي ميالك..
(قباله علي شانك العين تعتا/تسيل وين ما تحكي علي موالك)
*يا دار مو متواري مفتوح ما غلق فاهق أسماح الطاري..
نيسة الطرقي في زمانك ضاري/وأنت سعته تعجبي نزالك..
م الرامص اللي عوده أتقول وزاري/سراحك إيجي جايب جدان غزالك..
و اثنين وثلاثة وأربعه الحباري ريشهن شماوي/فوق من شعالك
واليوم وين ما زرتك خذيت نهاري/حنين من تسوتيهك و طول اكلالك..
*يا دار ما نحسابه يبقى علي مواهيمك طويل غيابه..
النجع النظيف اللي قرا شيابه/يونس الماسي في أربوع أرجالك..
ويا ما عقاب الليل وحيك جابه/الذاهب علي قيس الصياح مشالك..
و يا ما علي غفلة فريقك نابه/امهاوي منين اشرف نظر قفالك..
*يا دار حيه ليالي جيتك وجا حيط النضيد اقبالي..
(وحاس المدار عندي أضايق بالي/من خلوك اللي منه الذيب شكالك)
ما حال دايم هالجناح الجالي/جيلهم فنا و أنت هلب ميجالك..
ورا هلك يا ريته الله العالي/كنسك وين ما شالوا دبشم شالك..
*يا دار ماني ناسي أسماح الهلل عند العصير الماسي..
قدام نجع بوسالف أسفي متواسي/اللي معاه ودعتي شبوب دلالك
وجيتك ونا عايب وشايب راسي/وتايب انكان اتبعي نفتالك..
خذي في فنا ناسك عزا من ياسي/وحطي مذاريك علي بنتالك..
يادار ما ينجالك يبقوا أتقول قدامي بعد نلفالك اعزاز باعدوا

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

avatar
عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 72421
العمر : 51
رقم العضوية : 13
قوة التقييم : 222
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: يادار ما ينجالك...احمد ارميله

مُساهمة من طرف عايش في الرعايش في 2014-07-30, 3:39 pm

يصلح الله الحال
avatar
عايش في الرعايش
عضو جديد

ذكر
عدد المشاركات : 5
العمر : 45
قوة التقييم : 0
تاريخ التسجيل : 30/07/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى