منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» غروب الشمس
اليوم في 8:01 am من طرف عبدالحفيظ عوض ربيع

» شاهد
اليوم في 7:55 am من طرف عبدالحفيظ عوض ربيع

» فاكهه غريبه
اليوم في 7:50 am من طرف عبدالحفيظ عوض ربيع

» شاب يـحرق نفسه في ميــدان الــشهـداء في "طرابلــس"
اليوم في 7:29 am من طرف عبدالحفيظ عوض ربيع

» الصلاة علي رسول الله+الاستغفار+ذكر الشهادة+كفارة المجلس
اليوم في 7:25 am من طرف عبدالحفيظ عوض ربيع

» مباريات الثلاثاء 27/6/2017 والقنوات الناقلة
اليوم في 7:17 am من طرف عبدالحفيظ عوض ربيع

» مباريات الاربعاء 28/6/2017 والقنوات الناقلة
اليوم في 7:15 am من طرف عبدالحفيظ عوض ربيع

» مباريات الخميس 29/6/2017 والقنوات الناقلة
اليوم في 7:14 am من طرف عبدالحفيظ عوض ربيع

» مباريات الجمعة 30/6/2017 والقنوات الناقلة
اليوم في 7:12 am من طرف عبدالحفيظ عوض ربيع

» تعرف علي الفرق بين البيض الأحمر والبيض الأبيض
اليوم في 7:10 am من طرف عبدالحفيظ عوض ربيع

» 10 حيل وخدع سحرية عن سناب شات ستجعله أفضل من ذي قبل
اليوم في 7:05 am من طرف عبدالحفيظ عوض ربيع

» تقتل كلَّ من يحاول الاقتراب منها.. لأول مرة صور من الجزيرة الأكثر رعباً في العالم
اليوم في 7:05 am من طرف عبدالحفيظ عوض ربيع

» شاهد.. لحظة قصف عناصر حوثية بدقة عالية بعدما حاولت الاقتراب من الحدود السعودية
اليوم في 7:03 am من طرف عبدالحفيظ عوض ربيع

» صور: لماذا سمي “البيت الأبيض” بهذا الاسم؟
اليوم في 7:01 am من طرف عبدالحفيظ عوض ربيع

» الفرنسيون يشربون مليار زجاجة منها سنوياً.. 9 معلومات لابد من معرفتها حول منافع المياه الغا
أمس في 12:00 pm من طرف STAR

بحـث
 
 

نتائج البحث
 


Rechercher بحث متقدم


من وحي الماضي // نذكر في هالهويده ....

استعرض الموضوع السابق استعرض الموضوع التالي اذهب الى الأسفل

من وحي الماضي // نذكر في هالهويده ....

مُساهمة من طرف ابن الباديه في 2014-07-14, 9:59 pm

الشاعر :محمد بوسوتيه
=============
نذّكر في هالهويده..غوش انريده..غاب ابسيده.. واجاويده..
موحش خاليات امواريده
نذّكر في هالمطارح ..غوش ابشاويته واذواده
لاقابل حايش لاسارح .. كي ماكان سبيل العاده
جابه لي منام البارح .. ما راسي هاوا لوساده
نجع الي فالزول ايطارح .. موساهل ترقيع بياده
لاضنّي يفرح به فارح .. نازل في دارا ايتقاده
ياما كان عليهم مارح .. ضين وذود كثير اعداده
ركّابين الكوت القارح ..لاجا عايم في ملهاده
ركازين الصقر الجارح .. ياخذ قدام الصياده
لكن خلينا نصّارح .. نكمى كيده ..هذي موش اول تبليده
==============================
نذّكر في هالبراقي .. غوش نزل في وان ربيعه
لو تايق نازل لاراقي .. تحلف مقطوعين قطيعه
عندي عقل امدعّا شاقي .. عالوهام اكثر تقديعه
نحساب الا فيه انلاقي .. تذكار ايهاون تلذيعه
ثاريته ما منهم باقي .. كي من جتم موت سريعه
هاكن مالماقي للماقي .. دمع انزيده .. كان اشوي لول تبديده
==================================
ابكاهن موعالدار اخصوص.. علي اللي فيها كان ونس
اللي كيف اتقضقيض الموس .. امقضقض جوفي فيه انحس
امواهيم انجيهن وانحوس .. علي غيابي خص وقص
بقن لا دايس لامديوس .. اقبوره لاحس ولا مس
اوجوه عزيزه زين وكوس .. اللي عالعيب ايقولوا حس
اكبار عقول وصغر انفوس .. معا دنواهم تستانس
الدنيا تقدع بالمنكوس ... اتنص وماتقبل شي نَصْ
اتولي واترد المريوس ... اتزقه يصبّح رايس
اتطلع كم خريج احبوس .. وتحبس من كان ايحبّس
اتخلي للذيلي ناموس .. اوقات ولجواد اتمحمس
اتروّح في صيفات عروس .. وتصبّح خادم في خص
اتخلي بو تيار افلوس .. الدنيا يشحت كي تعكس
امفلس ماعد فيده دوس .. اللي كان ايشير عاللص
الا اللي من وقته معكوس .. اهموم اتزيده .. والاّ هم قديم اتحيده
====================================
نذّكر فيهن لاديمه .. كذّاب ان غابن عن بالي
كانن فيه انجوع اقليمه .. منطرحات اكبار نزالي
مشهوره بسماح السيمه .. فوق ارقاب جناح الجالي
باذواد اسماح وتغليمه .. ماللي مو سايقهن والي
غيّر عالوقت وتبريمه .. جيت القيت جباهن خالي
متمولص قابي قريمه .. كي غيطانا كي المعالي
يقهر شينات امواهيمه .. قال اللي دسته بقبالي
خالي من طير ام ابريمه .. يابال الجفال الفالي
والدنيا مي دار امقيمه .. ديما عادتا رحّالي
تاتي بالبحري ونسيمه .. واتجيك بصرهاد قبالي
تعزم نين اتقول كريمه .. واتجي بخلتا فالتالي
لاتعرف طاري تحشيمه .. من والي لاتخشى والي
مركوب هذين براريمه .. سابق جيده .. مرات ومرات قعيده
نذّكر في هالهويده .....

ابن الباديه
لواء
لواء

ذكر
عدد المشاركات : 1788
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: من وحي الماضي // نذكر في هالهويده ....

مُساهمة من طرف ولد الجبل في 2014-07-15, 4:28 pm

مرحبا دكتور كل عام وانت بخير ... لك زمان عالوهاوم ....
كلام يحثحث اللي في العقل ويدردر القلب  علي فترة زمنية عاشوها الآباء لم ناخذ منها دروس لنواجه بها ظروف مستقبلنا الذي حضر علي فجأة ولم نستطع إصلاح مفاسده .. ولم يبق لنا إلا الحسرة ...
امظر هذه الأبيات :
الدنيا تقدع بالمنكوس ... اتنص وماتقبل شي نَصْ

اتولي واترد المريوس ... اتزقه يصبّح رايس

اتطلع كم خريج احبوس .. وتحبس من كان ايحبّس

اتخلي للذيلي ناموس .. اوقات ولجواد اتمحمس ...



هناك ابيات حديثه لشاعر معروف اعجبتني  نود اطلاعك عليها ...



الشاعر الكبير صالح بوعياد الشهيبي 



ياليبيا ناسك نهار الشده..... راه كل لحد منهم خذا تجاه



ياليبيا عندي لهم مسوده.... فيها مسجل كل احد بسماه



فيهم اللي دونك وقف من جده.. مايريد شي الا لوجهه الله



وفيهم اللي لايعرق لايتنده.... ولامستحي منك يريد اكراه



جابه طمع سراق طالق يده... محلل جميع اللي تجي يالاه



وفيهم اللي عالطاهرات تعده... الله يلعنا ويلعن اللي رباه



وفيهم اللي بهت ألقي لابده...فداك يندفع راسه وروس ضناه



وفيهم اللي يلغب رحيله عده.... مع درب من قبله مشو قرباه



كرس وين ماقالوا كمل لمسده.. وجاء يقول ناحاضر نهارسداه



وفيهم اللي صاحب صحيح موده.. ترابك بدم الطاهرين رواه



دما وقبله دم بوه وجده.... تقول عطر لاهب النسوم ثراه



وفيهم اللي ديما امبرد خده...ان جاء الكرب ديماحاط ديه وراه
avatar
ولد الجبل
مشير
مشير

ذكر
عدد المشاركات : 6961
العمر : 73
رقم العضوية : 2254
قوة التقييم : 133
تاريخ التسجيل : 05/07/2010

الرجوع الى أعلى الصفحة اذهب الى الأسفل

رد: من وحي الماضي // نذكر في هالهويده ....

مُساهمة من طرف STAR في 2014-07-17, 10:25 am

شكرا لكما وصحيتوا على ما طرحتوا وكل عام وانتم بخير

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 116324
العمر : 32
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: من وحي الماضي // نذكر في هالهويده ....

مُساهمة من طرف الكابتن في 2014-07-18, 1:11 pm

رائع ......
كل عام وانتم بخير

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
الكلمة الطيبة صدقة
A good word is charity
avatar
الكابتن
المشرف العام للمنتدي
المشرف العام للمنتدي

ذكر
عدد المشاركات : 14563
العمر : 49
رقم العضوية : 1
قوة التقييم : 420
تاريخ التسجيل : 15/08/2008

الرجوع الى أعلى الصفحة اذهب الى الأسفل

رد: من وحي الماضي // نذكر في هالهويده ....

مُساهمة من طرف عمران فرج المغوارى في 2014-07-22, 9:24 pm

ﺬّﻛﺮ ﻓﻲ ﻫﺎﻟﻬﻮﻳﺪﻩ..ﻏﻮﺵ ﺍﻧﺮﻳﺪﻩ.. ﻏﺎﺏ ﺍﺑﺴﻴﺪﻩ .. ﻭﺍﺟﺎﻭﻳﺪﻩ..
ﻣﻮﺣﺶ ﺧﺎﻟﻴﺎﺕ ﺍﻣﻮﺍﺭﻳﺪﻩ
ﻧﺬّﻛﺮ ﻓﻲ ﻫﺎﻟﻤﻄﺎﺭﺡ ..ﻏﻮﺵ ﺍﺑﺸﺎﻭﻳﺘﻪ ﻭﺍﺫﻭﺍﺩﻩ
ﻻﻗﺎﺑﻞ ﺣﺎﻳﺶ ﻻﺳﺎﺭﺡ .. ﻛﻲ ﻣﺎﻛﺎﻥ ﺳﺒﻴﻞ ﺍﻟﻌﺎﺩﻩ
ﺟﺎﺑﻪ ﻟﻲ ﻣﻨﺎﻡ ﺍﻟﺒﺎﺭﺡ .. ﻣﺎ ﺭﺍﺳﻲ ﻫﺎﻭﺍ ﻟﻮﺳﺎﺩﻩ





قصيدة روعة ومنورين وسلمت يداكى
avatar
عمران فرج المغوارى
نائب عريف
نائب عريف

ذكر
عدد المشاركات : 55
العمر : 33
رقم العضوية : 18529
قوة التقييم : 0
تاريخ التسجيل : 12/03/2013

الرجوع الى أعلى الصفحة اذهب الى الأسفل

رد: من وحي الماضي // نذكر في هالهويده ....

مُساهمة من طرف عايش في الرعايش في 2014-07-30, 3:29 pm

روووووووووعه
avatar
عايش في الرعايش
عضو جديد

ذكر
عدد المشاركات : 5
العمر : 45
قوة التقييم : 0
تاريخ التسجيل : 30/07/2014

الرجوع الى أعلى الصفحة اذهب الى الأسفل

رد: من وحي الماضي // نذكر في هالهويده ....

مُساهمة من طرف المارد الأصفر في 2015-10-27, 9:29 pm

هل العقول بخير يعلم الله انها قصيدة تمسح الكبد من معلقات هذا العصر وقائلها من فحول الشعراء ربطتنا بالماضي عشنا في خيال شعر مصور رائع شكرا على النقل
avatar
المارد الأصفر
عقيد
عقيد

ذكر
عدد المشاركات : 767
العمر : 36
رقم العضوية : 1673
قوة التقييم : 8
تاريخ التسجيل : 04/05/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى