(( نلقى فيك غالي / للشاعر علي شحات ))

من طرف Almasa89 2017-08-22, 11:15 pm

[rtl]الشاعر المبدع/[/rtl]

[rtl]علي شحات الفاخري ايقول[/rtl]

فيك نجس نلقى فيك غالي ..

تصيب تخيب دوم العين مالي

نلقى فيك خيرة ..

نين غلاك ما نشقا بغيره

ونا ما طلت من ودك بصيرة

فيت شقاي وسمور الليالي

نلقى فيك واحة ..

فيها ليَّ من دنياي راحة

سرير الدهر يطونَّه بياحة ..

شورك جري يجَّارن جمالي

نلقى فيك كافي..

حتى وانت دوم اقدحي كافي

وظني فيك يعمر بيك كافي

وانتا دوم تربي في اغلالي

نلقى فيك شاطر ..

تعرف كيف تسرق هالخاطر

ليل نهار دوم عليه خاطر

نين معاك مو شاقي بوالي

نلقى فيك عايب..

وانا فيك نرجم بالرجايب

عيبك فيَّ كلَّه يا الخايب...

ذرة رمل في مُحيط بالي

نلقى فيك ناسي..

عهدك لي وانت كل ناسي

يا سوَّاف يا بوطبع قاسي ..

قسوك فيه نلقى في دلالي

نلقى فيك خاطي..

ونلقى فيك درب الحق خاطي

وما نخطاك يا خطَّاي خاطي..

يجف الدم بلكل من اوصالي

نلقى فيه ضحكي ..

حكيك وين يا مشكاي تحكي

ان كان اهناك شعر اسماه محكي..

هو ما بيه تنطق يا غزالي

نلقى فيك فاهم..

ديَّي وانت فيه تقول واهم

ما في الكون غيرك ليَّ لاهم ..

بيك وفيك يشطح بي خيالي

نلقى في ملاجي..

فيك ولي مانك شي مداجي

نجيك بود وبشوق الخفاجي..

نلقى مكر بوزيد الهلالي

نلقى فيك صادق..

وانت بزور عين الحق فادق

يا غرغاز فوهات البنادق..

ود ومكر وبحيرة امَّمالي

نلقى فيك باهي...

حتى وانت عني دوم لاهي

وايش نقول خاطي قول باهي..

مالي قول يا فرقة اقوالي

.

ومن جديد نقول اسعد الله مسائكم

وان شااءلله تكونوا بخير ياعيت ارفاد

.

تحياتي للجميع

الماسه

من طرف **STAR** 2017-08-23, 8:36 am

هلا ومرحبا

احسنتي الاختبار

من طرف Almasa89 2017-08-23, 2:01 pm

STAR كتب:هلا ومرحبا

احسنتي الاختبار

مرحبتين بيك ومشكور خوي STAR

اسعدني وجود اسمك

من طرف درناويها 2017-08-31, 1:59 pm

حي ديما اسلمت والله

(( نلقى فيك غالي / للشاعر علي شحات ))

(( نلقى فيك غالي / للشاعر علي شحات ))

رد: (( نلقى فيك غالي / للشاعر علي شحات ))

رد: (( نلقى فيك غالي / للشاعر علي شحات ))

رد: (( نلقى فيك غالي / للشاعر علي شحات ))