عضو في مطبخ المنتدى....

تذكير بمساهمة فاتح الموضوع :

السلام عليكم ورحمة الله وبركاته


ツ】ઇ需" عضو في مطبخ المنتدى 需ઇ【ツ


مساكم الله بكل خير





أعضاء منتدى عيت ارفاد التميمي


.•.•



أهـــــلاً ومرحبـــاً بـــكـــم





في مطبخنا المتواضع





【ツوالذي سَنُخْرِجْ منه الإبداع【ツ






【ツونفجر فيه الطاقات المدفونة 【ツ





【ツونملئ منه البطـــــون والعيـــــون 【ツ





【ツونتعرف عليكم عن قربٍ أكثر 【ツ




【ツونورطكم أكثر وأكثر ونخرج عن الروتين【ツ




•.•




【ツمربط الفرس 【ツ




•.•






إن ما سأطرحه عليكم






【ツلعبة【ツ【ツمطبخية【ツ جميلة جديدة




منقولة




لذلك أريد منكم






【ツالحمـــاس والهمة العالية【ツ








للوصـــــول للكنز




أوووووووووووووووووه





أقصد




【ツ للمطبخ 【ツ




اللعبة عامة





والدعـــوة عامـــة





والكل يا معزوم يا عازم




والكل ممكن يشترك فيهــــا






【ツ【ツ【ツ【ツ【ツ【ツ【ツ【ツ【ツ【ツ【ツ【ツ【





للصغار








المـــــراهقات


المراهقين




【ツ







شابات



شباب


【ツ







الصبــــايا


الرجال


【ツ







العجائز






【ツ





الشيّـــــاب





【ツ【ツ【ツ【ツ【ツ【ツ【ツ【ツ【ツ【ツ【ツ【ツ【




يعني عامة لأقصى درجة




وعلى هذه الطاولة سنناقش التفاصيل أقتربوا





كالتالي 【ツاللعبة【ツتفاصيل





أن نختار عضو معين ونطلب منه الدخول للمطبخ وعمل أي طبخة تخطر بباله




【ツحتى لو كوب عصير – دير أي شيء المهم تخترعلنا طبخة او حلو او عصير【ツ.




نمهله فرصة




【ツمدة يومين





【ツ فقط لإنهاء الطبخة




يكتب لنا المقادير والخطوات





【ツلنجربها نحن كذلك لكن على ضمانته 【ツ





يجب أن يمتعنا بتصوير الطبخة لنا





【ツ ان امكن هذا أهم شرط【


انا صاحبة الفكرة سأختار العضو الذي سيطبخ لكل يومين


وهكذا



الهدف من اللعبة تعزيز الثقة في قدراتنا المطبخية





تفجير إبداعات الأعضاء المكبوتة






أكتشاف




【ツ طباخين وطباخات 【ツ





جدد للمستقبل





اتمنى أن يلقى التفاعل منكم



【ツ يا اعضاء 【ツ


قولولي رأيكم في الفكرة قبل

وبعدها انجي انا ونختار العضو الاول اللي بيطبخ لينا

نستنى في تفاعلكم يااعضاء

عارفه صقع
حتي الطعام سقع ههههههههههههههههههه

انريد اشوي زيت من المطبخ انريد اطيح وحد ههههههههههههههه

غير جربة الطعام المسقع تشبع فيسع ميسمنش ....

الفكره حلوه وانتي طلعتي عالشاورمه علي طول وهذي موش اي واحد وللا وحده
يتقنها وهذا ايدل على اختيار الشخص المناسب في المكان المناسب كمشرفه
**علي فكره لوتعرفوا الدخل الشهري لصنايعي الشاورمه الواقف على شواية الشاورمه اتفاجاوا
لانه دخله الشهري يوصل لغاية 2000 دينار
ربي ايوفقك اختي دلع ويعطيك الصحه ويقدرك علي مسئوليتك اللي انتي فيها
***علي فكره الشاورمه اللي درتيها مئه بالمئه
ومن رائيي اللي يوقع عليه الاختيارمنك انتي هو حرفالاختيا ر شن ايقدم وبعدين الاعضاء هم اللي يحكموا**وفقكم الله****

مشكور ياخوي اسماعيل على كلامك الجميل

ورأيك على راسي

وانا قايلتلهم ان اللي بنختاره له حرية اختيار الاكلة اللي هو يبيها

والاعضاء يحكموا على الاكلة كل واحد على ذوقه

مشكووووووووووووور

ربي يعطيك الصحة

واستنى دورك يااسماعيل ادريس

هذي هي التزريطه اللي كنا خايفين منها كنا انتبعوا فالموضوع من بعيد وخلاص
لانه كنا حاسبين حساب اللي قلتيها توا** يعني الدور**

لا ماتخافش ياخوي اسماعيل

على مهلك فكر في الطبخة لين ايجيك الدور

دورك مازال عليه امطول شوية

خوذ راحتك

توا قاعدين انراجوا في ستار بيش ايجيبلنا الطبخة

لكن شكله مايبيش ايجيبها

عموما المهلة امتاع الموضوع يومين بس

يعني عنده فرصة الليلة بس

وبعدها بنختار عضو ثاني

يمكن الستار مافهمش مني ان الطبخة تنكتب هنا يعني في نفس الموضوع هذا

مشكورين

اهداء الى دلوعة....ويارب نكون وفقة فى ما طُلب منى

انقدملكم كفتة الدجاج
المقادير
لحم دجاج مفروم
شوية خبزة مرحية للحشوة وللتغطية بيضه
بهارات) فلفل اكحل +فلفل احمر+ حرارات+شوية كمون حوت+ ملح
فردين بطاطا مطبوخة ومهرسات شوية دقيق

الطريقة:
نخلط الدجاج بعد أن يشوح قليلا علي النار والبطاطا وبعدين نضيف البيضة
والبهارات ونضيف الخبزة الي أن نحس انه شدات شويه آو نخليها في
الثلاجة وبعدين نشكلها علي هئية اقارص الكفتة أو أصابع أو بيضاوي
ونغمسها في الدقيق بعدين البيض بعدين الخبزة المرحية ونخليها شوية في
الثلاجة لين تشد بعضها وبعدين نقليها في زيت ساخن
وتقدم مع السلاطة والطماطم..
**************************
صحة وهنا للجميع

ملاحظة......اطلب من دلع ليبيا ان تقوم بتثبيت هذا الموضوع ولمعرفة كيفية تثبيت الموضوع الرجاء مُراسلة الكابتن

مشكور ياستار على الكفتة اتهبل

ان شاء الله بنجربها

ربي يعطيك الصحة

وان شاء الله سيتم تثبيت الموضوع وشكرا

السلام عليكم ورحمة الله وبركاته

اليوم بتختار طباخ جديد

وان شاء الله ايجيبلنا طبخة لذيذة

ونبيكم يااعضاء اتجربوا الطبخة وتحكموا عليه

الطباخ هو (محمد اللافي)

هيا يامحمد فالح غير في التركيب علينا

هيا جي دورك بيش انجربوا طبخك انت

مشكوره اختي دلع علي دعوتك ليا في مطبخك
عادتا طبخ الرجاله مافيش مقادير معينه او اسلوب ثابت
يسترنا الله امعاك
وكيف ماقلتي عطيني فرصه هل اليوم وحاظر

انت يا امتاع الطعام لمسقع
خليك اخر واحد تاكل بيش اتجرب الطعام لمسقع هههههه

هيا مااتأخر علينا

رانا جيعانين وانراجوا في طبختك

رد بالك وهات حاجة محرزة ههههههههههههههه

موفق باذن الله

امسقع ساخن غير جيب حاجه توتكل ..هههههههههههه

تغير العلل ما قلتي حتي طاسه عصير
قبل نبي انديرلكم دحي مطبوخ ههههه
هههههههه حاجه علي السريع رؤوف جيعان

مكمور اللحم بالسلفر ( اكيد علي الفحم )

المقادير

كيلو لحم وطني
اربع ابصلات اكبار وشي سبعه طماطم
الفلفل طبعنا قاعد اكيد وضروري هههههه
ليمه وراس كبير ثوم
ولو في بزيلا ( حكيه )يقعد تمام ميه ميه
اربع حبات بطاطا متوسطات
طمام حكه ( حسب الرغبه )
فلفل اكحل . ملح .ابزار .احرارات .
في اشكاره الخلطه امتاع لبهارات امتاع الزرادي جيب منها اثنين تمام وبالزايد اخرا

الطريقه :

فرش السلفر بدون ما اتقصه ادير طبقتين او ثلاث فوق بعضهن
قرض البصل شرائح وحطه هوا تحت ومعاه البطاطا
وفوق منهن الطماطم
افرش فوقهن اللحم حاول انك ما اتحطش اللحم فوق ابعضه قسمه علي قد ما تقدر
قرض الفلفل اصغر ما يمكن وخلط امعاه الثوم واعصر عليهن اليمه وحاول انك اتخلطهن ودقهن بره قبل
جيب نص كوب اميه وخلط عليه ربع ملعقه طمام حكيه وحط عليهن البهارت الفلفل الاكحل والملح والحرارات وفلفل حمر ولو تما في ازعتر حط اماعهن اشوي ولبزار وخلطهن في الطاسه
حط البزيلا فوق اللحم
وزع خلطه الفلفل والثوم واليم وفوقهن كلهن
وبعدها وزع خلطه البهرات و الطمام الحكيه

كيف ما قلنا ما اتقصش السلفر خليه عباره عن انك طبقته طبقتين او ثلاثه فوق بعضهن وحطيت عليهن البرنامج كله
توا باقي السلفر حاول انك اترده وتغطي بيه اللحم وطبقه حتي هوا
طبقتين قبل وبعدها اتقص الباقي
يعني ايكون كله متصل سواء من فوق او من تحت
تكبس علي الجوانب بقدر ما تقدر
سكر جميع المنافس

توا تاخذ السلفر وتحطه علي النار من ساعه الي ساعه الا ربع
انت ونارك واللحم الي جايبه لو حولي اصغير تمام ولو غليظ
دير عليه مكرونه خيرلك هههههههههههههههههه

شكلك زراد قديم واتهني ...
حتي لحم دجاج معندك ماتقول فية ...
صحيت والله ربي يعطيك الصحة ..
جوعتنا ..

الله ايسلمك خوي رؤوف
ما ايهمك شي انت انوي بس ان شاء الله اول زرده نحسبك فيها
تندار صح بالدجاج بس انا ما عنديش فيه الدجاج الا شوي بس

ان شاء الله خوي محمد ....
توا نسالو طباخ المنتدي بلكي يعرف ايديرها بالدجاج
وين دلع شكلها معجبتهاش

هههههههههههههههههههههه

اللــــــــــــــــــــــــــــــــــــــــــــــــــــــــــــه

بصراحة شي روووووووووووووعة

والله مانك ساهل يامحمد

طلعت طباخ وانا مانندري

واحلى حاجة في الطبخة انها باللهجة العامية

شكلها من اختراعك يامنجوه ههههههههههههه

سلم ايدياتك يامتاع النفط

شكل اقعادك في العمل علمك الطبخ من كثر الجوع هههههههههه

بس بصراحة اكلة رهيييييييييييييييييييييبة

عجبتني قبل مانذوقها

مشكور يامحمد على اهتمامك وحضورك وتحمسك للموضوع

ربي يعطيك الصحة

هيا يااعضاء نبي رأيكم في طبخة محمد

العفو اختي دلع مشكوره علي المرور والمتابعه
والموضوع السمح
وبعدين نحن نخدمو وله انطيبو في العمل
اتولع دخان ايدرولك رساله انذار موش فحم ههههههههههه

لازم يحكموا فيكم والا تبيهم يطلقوكم على طولكم ههههههههههههه

هههههههههههههههههههههههههههههه
هههههههههههههههههههههههه
هههههههههههههه
موش في حبس نحن عشان يحكمو فينا هههههههههههههههههه
لكن امعاهم الحق غاز ونفط

مشكور على الطبخة يامحمد

اسفة على التأخير انا جيت هنا من قبل وسجلت الرد لكن مش عارفة وين راح ههههههههههههههههههههههههه

المهم سلم ايدياتك يامحمد

ههههههههههههههههههههههههههه

ريت يامحمد والله قبل اشوي الردود الاخيرة كلها ماطلعت عندي

ههههههههه شكله المنتدى يبي ايجنني

المهم اليوم جاية بنختار عضو جديد للتواجد في مطبخ المنتدى

انا اليوم اخترت عضو مميز

وبتفاجأوا كلكم لما تعرفوه ههههههههههههه

العضو هو

بوفــــــــــــــــــــــــرقــــــــــــــــــــــــة

يلا يابو فرقة عندك فرصة يومين بيش اتجيبلنا اي طبخة انت تختارها

غير بعدلنا عن الحارهههههههههههههههههه

ربي ايعاونك يابوفرقة

الاعضاء متشرطين ويدلعوا واجد

جيبلهم حاجة سمحة

هيا قول بسم الله وابدأ في التطبيخ يابوفرقة

تسلمى اختى الغاليه على هذا الموضوع الرائع حقيقتا وطلبتى منى وجبه واتيت اليك بوجبه بما اننى اخدم فى الفنادق هذه الوجبه اتعز على اتمنى ان تنال اعجابكم ورضاكم :
شاورمه دجاج ملفوفه فى عجينه وتحمر فوق الكسكاس

السلام عليكــم ورحمـة الله وبركاتــة ،،
ناخذ والكلام الدلع ليبيا والكل اعضاء وعضوات المنتدى دجاج (صدر او مخلط )وتحطي في الطنجرة متاعك شوي زيت وحاجه بسيطة بصل مفروم ودجاجك طبعا وملح وثوم يارجاله راكم تنسوه راهو هو اطعمت الطعام الى كيف هذا وتخليه يشكشك عالنار وتزيدي شوي ماء لما يلزم الامر وفي الاخير لما قريب يطيب اضيفي كشيك ياغورت خالي من اي شي وشويه ليمون وفلفل اسود شويه وحرارات شويه وكذلك شويه بزار يعطي لون حلو
وتغميها وتخليها اطيب وتكوني انت موتيى صونيه علي غير طريق فلفل حلو مكعبات صغيرة جدا وطماطم اخضر مكعبات يكون شاد روحه ومحوله حشوته الوسطيه وزيتون وشويه بصل اخضر فرش ورقيق جدا لما خلاص طفيتي علي دجاجك صبي خليطك عليه متاع الخضرة وغميه وخليه ولما يبرد تعالي فترشي دجاجك صغير وخلطي معاه هريسه خاصة الهريسه التونسيه امتاع الحكه الصغيره الوطن القبلى
و تكوني موتيه عجينتك متاع البيتسا عاديه على هيئةا اقراص متوسطة الحجم لكن مش صغيرة بلكل ولو تبيها صغيرة انت وراحتك اني درتها اصغر من صفرة الشاهى بشوي لانها تخمر وتكبر
وبعدين كل قرص بتقسميها علي اتنين وتخليه لين يخمر وتعالي حليه كالتالي
]

وبعدين حطي عليه خلطتك كيف مانا داير توا



وبعدين حطي مايونيز للجماعه الى ايحبو المايونيز اذا كان بتحب مايونيز


ثم افردي القرص الاخر وغطي بيه الحشوة من فوق مع الحرص علي الصاق اطراف القرصين المفرودين وتغطيه الحشوة جيدا:



تم تتركيها تخمر جيدا علي دقيق مرشوش ومغطاة من فوق بقماش (فوطه)وبعدين تقلبي كسكاسك عالنار علي نار متوسطه تميل الي الضعف وتضعي اقراصك السماح هذين فوق الكسكاس وتتركيها حتي تنضج من الجهتين واخيرا وليس اخرا يكون هذا شكلها :

اتمني ان تنال الاعجاب للجميع وصحتين وعافيه وكل عام وانتم طيبين بارك اله فيك ختى العزيزه دلع ليبيا على الاستضافه .......بوفرقه ...طبرق

مشكور يابوفرقة على الاكلة السمحة

انا من قبل نعشق الشاورما وانت بطريقتك هذي زدت حبي ليها

سلم ايدياتك ياغالي ومشكور جدا جدا على قبول الاستضافة

ونوتني وشرفتني بحضورك وبطبختك اللي اتهبل

ربي يعطيك الصحة والعافية

هيا يااعضاء تعالوا وجربوا اكلة بوفرقة وقولوا شنو رايكم فيها

والله ماعندكم ماتقولوا فيها سمحة بكل وتجنن تسيل اللعاب من حلاوتها هههههههه

مشكورة بوفرقة علي الوجبه
( شكلك تعلمت السواه )

السلام عليكم ورحمة الله وبركاته

مع ان الاعضاء مقصرين معايا ومايجوش ديما هنا بيش ايجربوا اكلات بعضهم

ويقولوا رايهم فيها

مع ذلك كله انا بنستمر في الموضوع وبنستمر في اختيار الاعضاء للطبخ

واليوم انا اخترت الاسطورة بيش يكون الطباخ الجديد

هيا يااسطورتنا جهزلنا اكلة سمحة ومفتلكة زين

عندك فرصة يومين بس استعجل ومااتأخر علينا لانا جيعانين واجد

جبتلكم اليوم طريقة المثروده ....تعتبر افضل وجبه عندي
طبعا هذين المكونات العجينه .....دقيق +قليل من الملح+ماء للعجن
خلاص خلونا نبدو في العجن .....
.اولا نعجن العجينة حتي تصبح لاتلتصق في اليد :
ان تكون العجينة رطبا قليلا ....ونتركها ترتاح ربع ساعة :
ونقرصها اقراص ..وبعدها نمدها علي طاولة مدهونة بالزيت طبعا العجينة ستكون مرتاحة وناعمة :
بعدها انحطو االطاجين علي النار ...لين يسخن :
انحطو خبزة فطيحه او فطاير ...ع النار :
بعدها نقلبها علي الوجه الاخر :
انفتت الخبزه ....
انحطو السمن الوطني ع النار ..
ناخد الفطيرة المفتتة ونصب عليها السمن ونقلبها جيدا ثم العسل اي نوع من المكسرات والدحي المطبوخ او التمر علي جوك ونضعها في القصعه اوالمقعد االتقديم...راك تنسي لبن ..
راك تنسي اطويست الشاهي .....بعد هذك المثروده انشوفك طيب ...
شن رأيكم فيها ........

صــــــــــــــــــــــــــــــــــــــحـــــــــــــــــــــــــــــــــــــــه
تشكري دلوعتنا

مشكور يااسطورة على المثرودة

لكن سامحني لاني اني ماناكلش فيها مانحبهاش بكل

مشكور على جهودك وهيا يااعضاء قولونا رايكم في طبخة الاسطورة

مشكورين على مروركم ياحلوين

اذا كان المثرودة الاصلية ( حليب معيز + زبدة معيز + خبزة تنور ) فلا بأس بها
اشكرك يا اسطورة للوجبة وتوا انجيك في الحوش عليها وتيها بس
شكرا دلع للإختيار