ياصبر وين نلقاك الجزء الاول

ياصبر وين نلقاك( الشاعرعبدالحميد السنوسي)
يا صبر نا كنت صبًار
مع الناس واضح مسارى
وما كنت بالقول سمسار
والصاحب أعيوبه أندارى
ومنى العيب كان صار
فورا أنقدم أعتذارى
يا صبر وين دال جبًار
وقلًع مثابت جذارى
يا صبر ذقناه المرار
وليلى شيًب نهارى
الصاحب والحبيب والجار

كلهم دوًارة عوارى
يا صبر ذقناه الصًغار
مع الدمع حايس مدارى
يا صبر نبيك لى جار
ونبيك أتصبًر أنظارى
على ضيم جوًر وجار
نين خاطرى معلن طوارى
يا صبر دليلى أحتار
وداخت مراكز أفكارى
يا صبر ينضام لاجواد وما حد إحامى عليهم
يا صبر ينساق لاسياد وينحط الحديد فى إيديهم
يا صبر تنهان بغداد من علج الله خازيهم
يا صبر الصبر ما فاد فى وطن يحكم سفيهًم
يا صبر اليوم ال**** بانى أبيوته عليهم
يا صبر صدًام كى الزًاد كى غاب تسمع رغيهم
يا هم بلاه غراد بالجوع ربى باليهم
مالى قلوبهم سواد والوطن خربوه بأيديهم
يا صبر سموك بالزًاد للى ضاقت أوعيه
دواء الصبر من غيض زاد وسود النًيا صاعب عليهم
يا صبر ماريت مقداد والناس وايش صار فيهم
وما ريت تقطيع لاجساد وكيف يسر قوا فى كليهم
وما ريت سجن ال**** وبوغريب شاهد عليهم
يا صبر نا النًشاد واندوًر عليك فى القوايل
يا صبر فى ليل صرماد اسود سواد النوايل
خطرت على بغداد جت هم فوق السقايل
يا صبر ما ريت العباد مرامى تحت النخايل
وما ريت مليون تعداد أمشردين و ضوايل
وما وماريت هالدم بداد ساعت رزيم الثقايل
وما ريت شعب الرًماد ورًا العلوج الهوايل
وما ريت احبوس لاولاد وحبس النسا وسوط عايل
وما ريت الحريم تنقاد وتنباع فى سوق الرذايل
وما ريت نقصت الزاد فى غزه وما حد سايل
وما اهناك شى نشًاد مشغول من حال مايل
يا صبر حتى الجماد مريض من فرط الهوايل
وحكام العرب لا سين لا صاد حطًوا الروس فى الرمايل
سبحان نارهم تمت رماد وعالفرقه ياهم ولايل
وامريكيا راس ال**** وامريكيا عليها النعايل
وامريكيا عدًوة أجداد وعلى روس العرب اتحايل
وامريكيا زراعة احقاد وبوغريب سيد الدلايل
الذيول دارتهم اسياد ولاسياد تموا عقايل
امريكيا يا قوم رقًاد كما سيل فى ليل سايل
على غفل من غير ميعاد إسوق ما لم الجوايل
وامريكيا مع كل مرماد واللى فى الحوارى ثمايل
يا صبر حتى الموساد مع أمريكيا صايل وجاي
نلقانه زمان ال**** امغير زامطين العلايل

شني هالصقع اليوم يااسطورة

طلعت شاعر وانا مانندري ههههههههههههههه

صح لسانك يااسطورتنا ولسان الشاعر اللي قايلها

كلمات رائعه ابدعت في أختيارك ابدعت في ماخطت ايديك هنا لاتحرمنا من أختيارك اشعار جميلة
دمت في حفظ الرحمن

مشكور ياغاليه
الله ايخليك ويحفظك
احلى كلمات من احلى دلوعه

مشكور يا غالى على ما طرحت