مسابقة الامثال الشعبية *شارك تكسب*

تذكير بمساهمة فاتح الموضوع :

السلام عليكم ورحمة الله وبركاته

الاخوة اعضاء منتديات عيت ارفاد التميمي

ستبدأ مسابقة في الامثال الشعبية وسيكون هناك جوائز للفائزين الثلاثة الاوائل من قبل الادارة وانا اشكرالادارة الكريمة على دعمها وتشجيعها ومساعدتها لطرح هذه المسابقة

والغاية من هذه المسابقة هي بث التنافس بين الاعضاء

فكرة المسابقة هي ان اضع لكم مثل شعبي ناقص
وعلى كل عضو يرغب في المشاركة ان يكمل باقي المثل
وسوف اجمع النقاط للاعضاء نقطة لكل مثل
وسرعة حلكم للمثل الناقص هي التي سوف تحدد وقت وضع المثل الذي يليه

غدا سوف ابدأ في وضع اول مثل

وارجوا من الجميع التفاعل والمشاركة

واتمنى التوفيق للجميع

مايتم الخال ...في خير................لين ..يكبر..........ولد اخته

او المثل فيه خطأ

عمرها امثال دلع ليبيا مايكون فيها خطأ يامحمد اللافي

ثقة وليس غرور هههههههههه

مايتم الخال في خير لين يكبرله ولد اخته

اجابة صحيحة يامحمد اللافي

المجموع(اربع نقاط لمحمد اللافي)

هيا يااعضاء وينكم وينك يابو فرقة

المثل رقم (11)

خدم ...........يطلعلك.............

خدم التنبال يطلعلك مهندس

شنو قصدك يا دلع ههههههههه

فكره المسابقه حلوه بس مرات يقعد في عضوين او اكثرعندهم نفس الاجابه لكي الفرق بينهم انه اللي قرا الموضوع الاول هوا اللي جاوب الاول وانا من راي الخاص ان يوضع اكثر من مثل في الحلقه الواحده عشان يقعد في فرق بين اللي جاوب اجلبه كامله و اللي جاوب اجابه ناقصه و ع ضوء الاجابه تعطى النقاط.....(مجرد رأي)

اجابة صحيحة يامحمد اللافي

المجموع(5 نقاط للافي)

قبل ماقصدي بيه شي يامحمد ههههههههههههه لكن توا لقيته المثل لايق عليك ههههههههههههههههههههه ياتنبال

مرحبتين بيك ياخوي ارفادي الواحات

نورت المنتدى وتورت موضوع المسابقة بطلتك الحلوة

رأيك على العين والراس

لكن هذه شروط المسابقة انها اتكون الاولوية للعضو اللي يسبق

ولو اني نفذت فكرتك بوضع مثلين في نفس الوقت بيكون من حق نفس العضو اللي سبق انه ايجاوب على المثلين وانكونوا مادرنا اي حل

وانا غايتي من عدم تحديد وقت للمسابقة ان جميع الاعضاء يتواجدوةا اكبر وقت ممكن داخل المنتدى

مشكور ياخوي على رأيك وعلى اهتمامك وهيا نبوا همتك معانا وجاوب على الامثلة القادمة

المثل رقم (12)

من قبل يازين...................يابال.....................

من قبل يا زين ...... مبهاك ......يابال ..... سلو عموده

شبيه القمر كتب:من قبل يا زين ...... مبهاك ......يابال ..... سلو عموده

غلط والصح
من قبل يا زين مبناك يا بال سلو عموده

لأنه المقصود البيت

الاجابتين نقدر نعتبرهن صح

لان المثل بالفعل هو( من قبل يازين مبناه يابال سلوا عموده)

لكن كثير من الناس يقولوا فيه بطريقة شبيه القمر( من قبل يازين مبهاه يابال سلوا عموده)

لذلك انا بنعتبر اجابة شبيه القمر هي الاصح لانها سبقت اجابة محمد اللافي

نقطة لشبيه القمر(المجموع نقطتان لشبيه القمر)

المثل رقم (13)

ضحك............في عمره مرة.................

ضحك الجمل في عمره مرة انشق شاربة

ضحك الجمل في عمره مرة انفلق شاربه

دلع ليبيا كتب:الاجابتين نقدر نعتبرهن صح

لان المثل بالفعل هو( من قبل يازين مبناه يابال سلوا عموده)

لكن كثير من الناس يقولوا فيه بطريقة شبيه القمر( من قبل يازين مبهاه يابال سلوا عموده)

لذلك انا بنعتبر اجابة شبيه القمر هي الاصح لانها سبقت اجابة محمد اللافي

نقطة لشبيه القم ر(المجموع نقطتان لشبيه القمر)

اجابة صحيحة يارؤوف عوض الجبالي

نقطة لرؤوف الجبالي

المثل رقم (14)

اللي ينظرك .........ما.........

واللي ..........ومايجيك ما..............

اللي ينظرك ....بالعين.... ما.... توميله....
واللي .... يشبحك .... وما ايجيك ما....تمشيله....

إن شاء الله تكون اجابتي صحيحة يا دلوعتنا الغالية

اكيد اجابتك صحيحة ياعسل

امثالنا الشعبية مستحيل حد بيغلط فيها لانها متداولة بينا في حياتنا اليومية

نقطة لشبيه القمر(المجموع ثلاث نقاط لشبيه القمر)

المثل رقم (15)

سمع ..................دار مايقطع...............

سمع بالحامي دار مايقطع المزاميط
يستر الله يادلع هو وللا ماهو

سمع ....بالحامض..... دار ما يقطع.... المصران.....

مشكور ياخوي اسماعيل ادريس على المحاولة

لكن اول مرة نسمع بهالمثل امتاع المزاميط

خيرها في غيرها ياخوي اسماعيل

اجابة صحيحة ياشبيه القمر

نقطة لشبيه القمر(المجموع اربع نقاط لشبيه القمر)

مشكور ياخوي عبدالحفيظ على المداخلة

واتمنى ان اكون عند حسن ظنكم فيا

واتمنى ان نكون يد بيد لنرتقي بهذا الصرح العظيم

لك مني كل الشكر والتقدير والاحترام ياحضرة النائب

كل الشكر لجميع الاعضاء الرائعين والمجتهدين لرقى هذا المنتدى

المثل رقم (16)

اضرب..............اتجي انت و............سوا

أضرب النقص اتجي أنت والحق سوا

باهى الى حصلنا فرصة

صحة ليك ياستار

اجابة صحيحة

نقطة لستارنا الغالي

المثل رقم(17)

الرحى ما..........الا على ............ حديد

الرحى ما تدور الا على قلب الحديد

أعتقد إنه إجابتك صحيحة يا محمد اللافي مبروك نقطة أخرى ليك

الله ايبارك فيك اختي شبيه
نرجو مدرس الماده اصحح الورقه
ان شاء الله انصفوها الماده

شبية القمر كيف نظامة دلع داخلة باسم اخرة او شو البرنامج بالضبط

ما طلنا شئ من بو اللافى

الظاهر انه مدرس المادة عنده إجازة 

بلطتى منها ولا يهمك يا بركة

ااسكت ياستار انت اخر واحد يحكي حرام عليك ياراجل ههههههههههههههه
ماشاء الله تبارك الله

دلع حولها قوه عامل ههههههههه