عنوان سكن امريكى عنوان سكن بريطانى مصرى عنوان سكن ليبى

من طرف **STAR** 2010-06-23, 1:13 pm

نيويورك

المتصل : الو... 911

911: يس نحن معك... ماهو بلاغك?

المتصل: حالة اقتحام منزل من قبل مجرمين مسلحين

911: حدد موقعك?

المتصل : 15 شارع مانهاتن والرمز البريدي إن واي8 3 كي بي

911: أهدا.. سنكون هناك خلال دقائق

لنـــــدن

المتصل: هالو.... الإسعاف

الإسعاف: نعم... أي خدمة?

المتصل: ألحقوني .. أريد المساعدة بسرعة من فضلك !! اشعر و كأني سوف أصاب بسكته

الإسعاف: حدد موقعك?

المتصل : 61... شارع إنسمور جاردنز والمز البريدي إس دبليو 7 1 إن إتش

الإسعاف : إهداأ سيصلك العون بسرعة

القاهـــرة

المتصل: الوووووو.... بيتزا هت

بتزا هت : نعم معك... أي خدمة?

المتصل: ازيك يا باشا?

بيتزا هت : اختصر يا بيه... أي خدمة?

المتصل: بليز.. عاوزين 2 بيتزا سوبر سوبريم حجم كبير

بيتزا هت : عيوني يا بيه انت تؤمر

المتصل: الله يخليك يا باشا

بيتزا هت: العنوان يا بيه?

المتصل: المهندسين... 9 شارع لبنان

بيتزا هت: ثواني و يكون طلبك عندك يابيه

طرابلس

المتصل : ألو... المطافىء... الحقونا ياجماعة النار كلتنا

المطافىء: أهلين خوي... يا خوي شويه شويه.. شني فيه

المتصل: نار نار... حريقه

المطافىء: كأنك قلت شيء جديد.. عارفين أنها حريقه...

المتصل : بسرعة.. ألحقوا... أهلى كلهم في الحوش

المطافىء : لا تخاف .. تعرف سبب الحريق؟

المتصل : شني عرفني.. بسرعة

المطافىء: باهي أعطينا عنوانك

المتصل : أنا .. أنا... في الشارع الغربي

المطافىء: وين؟

المتصل: وين... انقولك.. تعرف جامع بن لامين

المطافىء: وينه هذا ؟؟؟

المتصل: طيب يا خووي تعرف المعصرة ؟

المطافىء: لا.... لحظة نسال عليها......

المطافىء بعد دقايق طويلة : لا .. ما حد يعرفها... يا خوي قولنا مكان معروف

المتصل : باهي... تعرف قاعة الشعب؟

المطافىء وين تحديدا.. ..وين من الكبري؟

المتصل:: جاي بالكلام يا بووي... تعرف جامع حركات؟

المطافىء: ايوا نعرفه .. وين من حوشكم؟

المتصل: و أنت جاي و نازل من الكبري.. امشي لين توصل كوشة العجيلي.... وبعدها فوت الوسعاية الاولي نفس الخط ...

المطافىء: وبعدين.. كمل

المتصل: باهي ... لما تزيد القدام تلقى الوسعاية الثانية

المطافىء: وسعاية الحبتي

المتصل : ايوا فوتها شوية

وأسال على السوري

المطافىء: السوري شني؟

المتصل: السوري الكهربائي

المطافىء: باه .. كمل يا بوي

المتصل: لما توصل للسوري.. حتشوووف شجرة كبيرة متاع حوش المرحوم أحمد العجيلي... خش الزنقة.. و بعدها تشوف حوش احمر

المطافىء : أحمرفاتح أو غامق؟

المتصل: ووووه خيرك معايا.. تعالونا يا ناس

المطافىء: تي باهي خيرك ادف قولنا وين حوشكم؟

المتصل: وين وصلنا؟

المطافىء: عند الحوش الأحمري

المتصل: أيوااا ... بعدها لف يمين في شمال .. حتشوف الحوش ينحرق...هذيا هو حوشنا

المطافىء: وين ؟؟؟ وين من حوش "حمد" متاع إيجار السقالة ووديع القرقارشي؟

المتصل: ايوا.. انتا تعرفهم؟

المطافىء: كيف ما نعرفهم.. كنا صغار حارة وحدة أيام زماان.. وديع صاحب المرسديس الكحلة

المتصل: هاذو جيراننا.. حوشهم قدام حوشنا

المطافىء: خلاص.. توا انشوفلك لو الشباب موجودين نبعتهملك

المتصل: وك وك وك .. باهي يا موجودين

المتصل: اسمع ... راهو الحوش طاح على اهلي.. ابعتلنا الاسعاف

المطافىء:
كل هالخظة على خاطر تبى اسعاف.. يا بويا.. هذي مطافىء... اتصل على الاسعاف
واطلب لك سيارة... تشاو .. الله يتولاك برحمته

المتصل بسرعة: ألو الاسعاف

الاسعاف: نعم.. خير..

المتصل : نبي سيارة اسعاف.. الحوش نحرق على اهلي

الاسعاف: باهي .. وين حوشكم؟

المتصل : لا حول و لا قوة الا بالله

المتصل : تعرف حوش حمد متاع ايجار السقالة؟

الاسعاف: لا... منوا هذا؟

المتصل: باهي تعرف حوش منو في الشارع الغربي؟

الاسعاف: نعرف حوش الظراط

المتصل : من هما ?

الاسعاف: بيت "الفلاني "

المتصل: غيرهم.. ما نعرفهم إلا بالشكل

الاسعاف: عيب عليك.. صغار شارعكم ... باهي وين من بيت "علان العلاني"

المتصل : عليك نووور..... أنت اوصلهم .. وحوشنا وراهم على طول.. حتشوووف اثار النيران و الدخاخين في كل مكااان

الاسعاف: أوكي .. ان شاء الله حيكونوا عندك

المتصل: لحظة

الاسعاف: شني

المتصل: تعرف على اي رقم نتصل لو كانت عندنا حالات وفاة ؟؟؟