وصف (الصقر) ...في ااالشعر الشعبي الليبي.

بو ودع بوريش فيه انصفاقه.

قصير قين ساقه.

أطلقته مشى غر باذن الرفاقه.

أطلقته مشى باذن التريس ..تّعلى يقيس.

لاكتاف لا فيه حاجه تهيس.

تباعد ضبيح الجرس بالونيس.

دموعي موازيب ليلة افراقه.

بو ودع بوريش سمح المجّلى...تنفضّ...تعلى.

اضعفق خطر ورد فوقه تفلى.

جريت نين ماعاد في العين بله....تهايا اطلاقه.

مكيون خاطري باب ضايق أخناقه.

والى عندة ايزيدنا الله ايبارك فيكم

الشاعر: سعد عبد الرسول العوامي

بُوودَعْ بوريش فيه اْنصفاقَه قصير قينْ ساقَه أْطلقْته مشى غرْ باذْن الرّفاقَه
أطلقته مشى غرْ باذن التريسْ ... تعـلّى يقيسْ لا اكتافْ لا فيه حاجه تهيس
تباعَد ضبيح الجرَس بالونيس ... صمل باْنعزاقَه دْموعي موازيبْ ليلة فْراقه
بو ودع بوريش سمْح المجّلى ... تنـفَّـض تعلّى اصّعفق خَطرا وردْ فوقه تفلّى
جريتْ نين ما عاد في العين بلّه ... تهايا اطْلاقَه مكْيون خاطري باب ضايقْ خناقه

بو ودع بوريش فيه انصفاقه ..قصير قين ساقه..اطلقته مشا غر باذن الرفاقه ,
بوودع بوريش مصفوق .. لربد قصير قين ساقه
اللي لرفقته هزني الشوق.. ونا معاه مالي علاقة
بو قد مردوع ممشوق .. اربد وفيه انزراقه
جميل طلته وقتن ايتوق .. زين طبع سمح الملاقه
سرعة وخفة وزوق .. وقو وثبات ورشاقة
اجنحته كما خطف لبروق .. وان الطلب وانطلاقه
منقاره كما سيف وايعوق .. صيده ان لامس اخناقه
امقدّر بعشرة وفوق.. من صبح يوم الشفاقة
رخيص بلف لو بيع في سوق.. على قول كل الرفاقة
متهوم يا (عمر) فيه باحقوق .. ماكان لازم اطلاقه
اطلقته ارقي طار لافوق .. تعلى استصعب لحاقه
غـرّبنا خذانا ببوق .. خلانا حيارى شراقه
وداوين وارقاب وعروق.. فيهن جرينا رفاقه
تمينا كمن باع بطلوق.. فقد سلع وأيـّس الباقه
مكتوب ربنا جاه من فوق.. سبحانه مقسم ارزاقه
بالله ياعمر تصبر اتروق .. ليش الزعل والحماقه
امسلك احقوقه وفوق.. امغير مو امقدم اوراقه

الله يعطيك العافية على المرور يا بركة المنتدى