قصيدة علي لجواد

لجواد هم لجواد قبل وتالي .. ولجواد هم خلفة اولاد اهلال
ولجواد نزّالة الفاو الخالي .. وكسابين للطوقة و لأم ابهال
مسّاحة ادموع اللي قصدهم جالي .. ايحاموه بالتراس والخيّال
وركّابة الشلوق اللي ثمنها غالي .. وانكان لمته فاجت اتقول غزال
الجيده اللي مسع كسبها والي .. وانكان ديرت لازم اترد المال
جيده وفارسّا اتقول اهلالي .. ايرد النهيبه والدما شلال
ولجواد هل الزينة ما يديرو شنه .. صيتم تعلاّ فوق ما ينطال
ولجواد ايْتنابوا ع الفخر يزّابو .. لا فيهم بخيل اولا بهم ذلال
ولجواد ايْتندّو ع التريس ايهدو .. دون الكرامة والشرف والمال
ولجواد هل الروفه هل مقام ونوفه .. هني بال من منهم ايدير خوال
ولجواد اتندي في الرخا والشدة .. طقاقه الفواهق كان فك اخلال
ولجواد هم اريادي امرابطين وسعادي .. ابهم ف الشهامة تنضر لمْثال
ولجواد كي ما اترود ع الربيع اتهود .. تلقى النجع في الدير العفا نزّال
ولجواد ما يتوانو ان صار ضيق ايبانو .. لجواد يفزعو للي زمانه مال
ونلقانهم ضنا لجواد جو في بالي .. يا بوسليم كان جيت اتسال
ولجواد تمتم اتبان اقبالي .. من حد البحر ويقبلو مقبال
وهاذول هم لجواد قبل وتالي .. عللهم إيْزهي جبده موّال
اخْطِي من يقول منهم خالي .. ابخيط الجبل تاثيرهم ما زال

مع تحياتي اعبيدات مرتوبة وهذه القصيدة اهداء الي اعضاء هذا المنتدي وخاصاً عيت ارفاد

مشكور ياولد العبيدات

الله غالب احنى مش من عيت ارفاد

لكن عجبتني القصيدة

صح لسانك

مشكور عالطرح الرائع

اريد النتويه بان صاحب قصيدة لجواد هو الشاعر المرحوم المبروك عبد المولى الزول الحاسي

ومشكور اخي العبيدي على القصيدة

تقبل مروري الحرباوي

مشكور على القصيدة

شكرا على هذا الطرح الرائع

بارك الله فيك

شكراً لما قدمت