مكاتيب.....

مكاتيب يا عين روفى بحالك .. جميع ما طرالك ..عزاه صبر تلقيه ساعة اسوالك
مكاتيب يا عين لطة اقسامه .. امحّوجب اميامه .. وفضة غلا زول هاسك عدامه
هلى خلا خلو سيب اوهامه .. وهو ما رثالك .. على الله يا عين حطى حمالك
صيوره ايجى عاض عبره ندامه .. بعد ما عطالك .. اسموم فى عساسيل صوبه سقالك
مكاتيب يا عين فرقا غوالى .. وقضة انوالى .. ومسداك فيه العقد تم بالى
سكنتى امواهيم نشن خوالى .. ذيبهن عوالك .. اتنقى مع بومهن من اهبالك
مكاتيب يا عين لطة نصيبة .. هللى رغيبه .. عينه وجى منقضه فيه غيبه
احزام من على العنق ناصل سبيبه.. ماعادسالك ..يااقعادك على العلوتومى بشالك
مكاتيب يا عين سوقة رحيله .. ولطة قفيله ... وخلية امواهيم كانن عزيله
وتلاذيع نارهم النا كل ليلة .. وضيقة مجالك .. وريحة امفاتيح سلكة اقفالك
مكاتيب يا عين روفى بحالك .. جميع ما جرالك .. عزاه صبر تلقيه ساعة اسوالك


يازاير الظلام .. ياامخلوط فى وهم الاحلام
ياطرطاش حتحات العزام .. وهو من البخث كمشه م اللماد
يامازاى مقرون الرمام .. يافتاق فاهق للغداد
ياذواب لاغلاظ الركام .. على مبذور درته بالكداد
رجيت ايام واتالن ايام .. عام كبير حن الله وجاد
هينع طاب صابه للمام .. اسبوله صب يحنى فى العواد
بين ايدى لطنه اقسام .. لى الزرع ولغيرى الحصاد
*-*-*

ياقاطع الوصيل .. ياواصال عينى ليل ليل
ياطياب عينى ع الرحيل .. ياجاهاد فى عمرى اجهاد
ياهداد ماعاد فى حيل .. ياقناد عقدات العقاد
يارماش لابهار الفتيل .. ياغراب روحى فى البلاد
ياسيال دمعى سيل سيل .. لاله برق شير لا ارعاد
اثريته ويل يتلا فيه ويل .. انقالب فيه مابا للبراد
ايفوتك ليل وايقولن الشيل .. خلاص عفاك وانزر للرداد
نهيم نصيب وايفز الدليل .. بحر الرمق يلوى للعواد
يجى ع القيس الاول مايميل .. ايبدل على الجراير فى المقاد
مانحساب نوطا بالثقيل .. على التربان واينوض الزناد
*-*-*

ياطيف العزاز .. ياعكار صفوات المزاز
بالك ظلم نوم العين لاز .. وهى بالغصب طابت للرقاد
وايسناه صوبك وين باز .. ودرنا درب ماعاد له ارداد
دون غلاك مامن ظرف حاز .. طعنا غب هكى الله راد
كسرى فيك كى كسر القزاز .. اللى لاجبر بعده لا اسعاد
*-*-*
ياطيف الا ولاف .. خاف الله فيهن ياك خاف
امشرفهن انظارى ع التلاف .. ياك خلاص خالص بالزياد
جفاك اكتاف يلوى بالكتاف .. وجى اطياف زولك ليه عاد
اللى ماقاس يحسابه اقطاف .. ولظم كلام طايب للرداد
وهو مجماج قصقال الحساف .. طويل وما ايحودد له احداد
*-*-*
ياطيف القديم .. ياعطاب لجروح الصميم
يانباش لردوم الرديم .. بيش اتسال عينى والعباد
هى تنهال من جيك اتصيم .. حرام ابعدك ماتاطا هماد
ع الكفاف تنزح للجهيم .. وهى بالحس تومي بالامعاد
ضيمك فى يغسل فيه ضيم .. وظلمك ظلم سوده من السواد
جت فى الكتر والقاضى خصيم .. وانت جيت فى روس الاشهاد
اتبع فى معاكير الرجيم .. وعقلك لق للشينه انقاد
حكم لك بالنعيم ونى جحيم .. برم بستار جوفى والافاد
*-*-*
يا طيف البعاد .. يا وساد عيني عالوساد .. بالك ساد ..
******************************
الشاعر مهدى بشير التميامى

لكي كل الشكر على المتابعة الدائمة........

اشكرك على هذا التميز