عبرعن وضعك الحالي بغناوه او شتاوه

تذكير بمساهمة فاتح الموضوع :

السلام عليكم ورحمة الله وبركاته

انا اليوم جبتلكم موضوع جميل وشيق

وانشالله يعجبكم وتشاركوني فيه

فكرتي ان كل عضو يخش هنا يكتب غناوة علم تعبر عن حالته النفسية

وبراحتكم الغناوة تكون من تأليفكم اونقل او اقتباس من اي شاعر

المهم انكم تكتبوا غناوة اتعبر عن حالتكم النفسية

كل يوم غناوة جديدة طبعا لان كل واحد فينا حالته النفسية تتغير كل يوم عن يوم

يعني نبي مشاركات متتابعة يوميا

ونبي نشاط وتفاعل من كل الاعضاء

يلا نبدوا

في العقل ياضنا الاجواد....اكبر مكان ديما عندكم

مريض الخاطر يا الاولاف *** مرض واعر سموه ارياف

--------------------------------------------------------------------------------

عليكم ننشد كيف الحال ...انسيتونا ولله مازال

يا مى:
يوم بعاده خفت انغفي ... نصبح لمباكر متوفي ...

من كثر مقعدي ف الدار ....الناس لين سموها علي

انقول ف الرجا وفيت ,,,,,,,,,,,,,,,,,,,,قضيت ثلث عمري ياغني

فيه اجروح الله كاتبهن ... مايبرن غير بصاحبهن .

اول ليل امر علينا نا وانتي ياعين وحدنا

وين الي كان امسلينا عمرا ماخالف موعدنا

لاصملوه بعيب ولا عطوه لولاف واكده

برمت فيك نا وانظرى /انريد هلك يا دار وينهم

علي عزيز عندي كبد,,,,,,,,,,,,,,,,,حتي ونا انواري ذايبا

ارهن عزيز في فضواي * اوكي ارهنت هو عاود افضي

ياشباب الدنيا شينه *** ما من زين امفارق زينه

عز قنى فى نيرا ن غلا ه...............عز يز و حط ايد يه ور اه

لوكان ما رياف اقتله *** ع الخاطر قديم ايش خطره
ومشكورين ع الموضوع

تشميع لاشرا لابيع بعد عزيز يا سوق الغلا

لا قديم لا جديد خليك وحدك يا عين خيرلك

ثاريتك يادنيا شينه............وين يغيب عزيز علينا

وضعى الراهن مش تمام بكل
لنقنى متكدر
يلى بعدى يمشى الجو

ياجمال

جيك للاوهام مضره...نا نبهتك وانتى حره

ايجي وقت نبرو فيه ******** ونعاتب الي ما ساولو

احلمت اندودش في لقدم,,,,,,,,,,,,,,,,وعيت ونا ماسك ف الكم

مش شووووووووووووووورها يامحمد

هههههههههههه

مع انى منحبش الاغانى لى القدم لكن حلووووووووه

ننظر فيه عزاز خطاهم..لكن داير روحى واهم

ياعزيزيا نساى ياما درتنى راس حاجتك

غياب الغالى داير غصه ...........كيف لى مات وماوصى

امفيت انت يامشكاي ,,,,,,,,,,,,,,,,,مشكاي كل حد بات عالما

الزعزاعه فى البنيه ريت...عرفتك متعرم يابيت