عبرعن وضعك الحالي بغناوه او شتاوه

تذكير بمساهمة فاتح الموضوع :

السلام عليكم ورحمة الله وبركاته

انا اليوم جبتلكم موضوع جميل وشيق

وانشالله يعجبكم وتشاركوني فيه

فكرتي ان كل عضو يخش هنا يكتب غناوة علم تعبر عن حالته النفسية

وبراحتكم الغناوة تكون من تأليفكم اونقل او اقتباس من اي شاعر

المهم انكم تكتبوا غناوة اتعبر عن حالتكم النفسية

كل يوم غناوة جديدة طبعا لان كل واحد فينا حالته النفسية تتغير كل يوم عن يوم

يعني نبي مشاركات متتابعة يوميا

ونبي نشاط وتفاعل من كل الاعضاء

يلا نبدوا

في العقل ياضنا الاجواد....اكبر مكان ديما عندكم

منكن ياليام بكينا,,,,,,,,,,,,,,,,جورتن بلحيل علينا

مايغفل ولا ينساك,,,,,,,,,,,,,,,عندي العقل دوم جابدك

لوكان ياعزير اتبان .. تمسح ارياف كبدي الذايبه

علي عزيز عندي كبد,,,,,,,,,,,,,,,,,حتي ونا انواري ذايبا

كبدي ذابت ياغيابي..................ماعد جيتو شور احسابي

اتقول خطاني طعنت طعنه ولحقت الثانيه بانساني

عزيز جابها ع الكبد

جابها تصويب جراح بالخبره ماقرا التطبيب ف الغلا واخذ علي التصويب

حطها في كنيني اسطاوي ومتعود علي التعذيب

جديده ف الصوب ومابا ايروف عليها عيني

اتقول خطاني اطعنت طعنه ولحقت الثانيه بانسانـــــــــــــــــــــي

متشابك حرير وسدر@@@مشقاك يا اموازي بينا

لا قديم لا جديد خليك وحدك يا عين خيرلك

جدات في لصواب جديده,,,,,,,,,,,,,,غالي يقتل غالي بيدا

من غيبت لولاف علي...الليل خديتا مشي وجي

من غيبت لولاف علي,,,,,,,,,,,,,,,,,,,الي مايعرفني يوهم في

في الدنيا ماعندي حظ قهاير نين العمر ايفض

في الدنيا مارينا طيب ,,,,,,,,,,,,,امفيت الي يجرح ويسيب

يصونن غلا لولاف : انظاري على طول عمرهن

قولن انكان راح عزيز,,,,,,,,,,,,,,,,,رحنا ارياح ماراح سونا

الفراق الي فيه ضليما ,,,,,,,,,,,,,,,,,يبقا متهاييلك ديما

مية (100)جميل في هالوقت ,,,,,,,,,,,,,,,,,,,الموجعا الوحدا اتحيدهن

مالدنيا عقلي واجعني ...واللي نلمسها تلذعني

م الدنيا وشي م الناس ,,,,,,,,,,,,,,,,,,,,هذا هو سبب اهمومنا

ياريت الليل اثنين,,,,,,,,,,,,,,,,,,,,,,,خذيتا الي في خاطري

ياريت اللي جو حلامه................يوعي يلقاهم قدامه

ااه واهين وااه ,,,,,,,,,,,,,,,,,,,,,كمل عمري كله امجازاه

امرايف قريب انموت عليك غير ياما بينا.

امرايف وجوه منام ...................العقل دار ليله ع القدم

ياقديم امعانا كنك ,,,,,,,,,,,,,,وصلت نين بكينا منك

زهرة اللوتس كتب:من غيبت لولاف امفلم................حتي عالسيسان انسلم

من غيبت لولاف انعاني,,,,,,,,,,,,,,,,,,,,,تايه جابوني جيراني