كلمة الحق.....................وجاعة

من طرف اشرف ادريس البشكية 2009-05-10, 9:33 pm

كلمة الحق أن قلتها وجاعة .. اتخلي رفيقك يتركك في ساعة

يتركك من جده .. ويبقى امعاه الفيض فايت حده

يبيك تجاهل عالخطا ماترده .. وتاخذ اسلوبه في حيلته واخداعه

يتركك ويهونك .. وان جاملك موش لسواد عيونك

تحلف عليه يبيع روحه دونك .. اوهو بايعك بالرخص للبياعة

يبيك تكذب كيفه .. ويبيك تبدع فالكلام وزيفه

وكلمة الحق يلقالها تعريفه .. ويسلك طريق الشر باقتناعه

اتصدقه بالنيه .. وتقول هذا عز صاحب ليا

وين تكشفه تلقاه لفعه حيه .. لدغتها خفيفة قاتله لياعة