سالم درياق غش في الامتحان

من طرف الفراشه 2011-01-11, 4:01 pm

ليش التعب مدام فيه احجيّب ..... حتى النجاح ايكون طعمه طيب
..
قيسك نية ..... تسهر وتقرا حالتك دونية
خوذ راي ومصوقر ومية مية .... راي سمح ما تقدر عليه اتعيّب
وتّي احجاباتك بكل روية ... وراك ترتبك مالكنترول اتريّب
مضمون الحجاب الجهد فيه اشوية .... معروف ماعمره الظن ايخيّب
حتى إن كان داروله شروط قوية ... ويوم يمسكوه امعاك يوم ايشّيب
تنال صفر بعد أحكام تأديبية ... ومرات ما لدراسة تنفصل وتسيّب
وحتى لحوشكم تصعب عليك الجية .... تجيه جية الخانب وهو يذيّب