غناوي الشكبنه

من طرف **حبة مسك** 2011-01-14, 10:12 pm

تذكير بمساهمة فاتح الموضوع :

(غناوي الشكبنه)
والمقصود
منها بناء الغناوة من مفردة واحدة أو من مفردتين وتكرارهما ولكن في كل مرة
يتغير معنى الكلمة في حد ذاتها دون تغير كتابتها أو لفظها

غناوى الشكبنة
( خليلي اخليبي خان ... خلاني خلا خانه الله )
( روحين روحهن في روح ... قضت الروح روحين موتن )
( روحي وروح عزيز ... لاثنين روح والغلا روحهن )
( مقسوم في قسامي قسم ... يقسم عزيز قسما لغيرنا )
( عليك دار كانت دار ... وعليك دار يادار قاعدة )
( الوقت دار دار مدار ... فالدار كيف مادار فالغلا )
(مدار دار مايندار ... فالدار دار كي دار وقتها )
( أغنيتي افضي مرهون ... افضيتي إغني ياأمهونه )
( غلاك كيف الكيف ... ننساك كيف ياكيف خاطري )
( احسبت ياعزيز احساب ... وجاني احساب ماني حاسبه )
( عزيز غيرا غيري ... وغيري القي عزيز وغيرا )
( احصل عزيز فيد الغير ... واحصل الغير فيدين غيرنا )
( ردناه وردا الغير ... والغير راد غيره وسيبه )
( ظلام ظالمين الظلم ... مظلوم والظليمه واعرة )

من طرف **العاشق الصغير** 2014-07-06, 4:48 am

السلام عليكم ورحمة الله وبركاته
ادارة ومشرفي واعضاء وزوار
منتديات عيت ارفاد التميمي
كل عام وانتم بالف خير
وينعاد عليكم بالصحه
وتقبل الله منا ومنكم الصيام والقيام وصالح الاعمال
الاخوة ادارة المنتدي والمشرفين والاعضاء
في منتدي الغناوي العلم والشتاوي
جميع الفواهق موجوده واللي موش موجوده فيه كوكتيل غناوي علم وشتاوي
ارجو من الجميع التقيد بعدم تنزيل اي موضوع جديد وهو موجود من قبل
اكد علي الموضوع وكان مالقيتا اكتب في الكوكتيل او غطيتك ايام الصقع
ومشكورين علي التعاون للرقي بالمنتدي وبارك الله فيكم
أخوكم
العاشق الصغير