غناوي وشتاوي على القذافي .... ادخل وزيد من عندك

تذكير بمساهمة فاتح الموضوع :

يامصراته سوك راح ،،،،، الظلم كمل ومعمر طاح
يا شراب حليب الحكه ،،،،، خليت القايد يشكا
شرابين حليب النيدو ،،،،، قالو القذافي مانريدو
الشعب الليبي على صوته ،،،،، لا يبي سيف ولا خوته
ياقذافي خوذ حمارك ،،،،،، وامشي كي مشيت مبارك
حتى لو الشفشوفه حول ،،،،، في السلطه ماعاد امطول
بره يا عويلة صافيه ،،،،، خربتو الدوله الليبيه
قولو لمعمر وكلابه ،،،،،،،،،،،، ليبيا ماعاد اتهابه
اقطع جيبك يا صافيه ،،،،،،،،، ياريتك جبتيه بنيه
حتى كان حبوب خذينا ،،،،،،،،، وسط الكاتيبه خشينا
يامعمر طيح مزالك ،،،،، اول من باعوك ارجالك
كيفك كي خالك شارون ،،،، نفس الجوهر والمضمون
كيفك كي خالك شارون …..شين السحنه وشين اللون

أيمتا يا عيني الملهوفه ... تشوفي كرة بوشفشوفة

يا عيشه ما نا خالاتك ملى داره فينا باتك

ودك تنزل والا ترقه *** زراتك زراتك برقه

حتي كان احبوب خذينا باب الكتيبه خشينا

بره يا عويلة صافيه ،،،،، خربتو الدوله الليبيه

يامصراته انقنك حاجه,,,,,,,,خليتي الصقر دجاجه

معمر قال (( نكرب اطيح نرخي اتميح .... اوحلت فيك يا شعب الغلا ))
رد عليه الشعب (( بيت غلاك امعنا مايح .... تكرب ترخي طايح طايح

يالي من انتم قلتلنا............نحنا الي نومك قللنا

مصراته هي مصراته ...تحرق سيف وتحرق باته

معمر ايقول للشعب الليبييييييي...
حتي كان خذتني ميته... انرايف وانجيكم عفريته

ههههههههههههههههههههههههههههههههه
الله يعطيك الصحه والله ضحكتيني من جدي

انشاء الله ربي ينصرنا على مزيل البطشه وباته

شكراااااااااااااااااااااااا ياسموحه انشاءالله ديما تضحكي..
وانشاءالله النصر قريييييييييب ياربي....

ايرفرف بو نجمة وهلال *** عليه دفعنا دم حلال ...

ياطاغي تميت ابروحك خوذ كلامي واقتل روحك

سمعنا بيها ياشخشير.. النبحه والكره بالسير,,,,,

معمر كارس في خرّاره ( حشاكم ) ,,,, يرجى في جيت طيارة

الطاغى منك يافشلوم لايرقد لا يجيه النوم

اليوم توته ياشيطان الضربة جاتك من صرمان

سوق الجمعة يارجالةردو علطاغى وعيالة

بلتكبير الله ياسبهاديري ضد الطاغى جبهة

بلتكبير يازنتان:انقصو رأسه هلجبان

لاانتخاب ولاحوارنبو جثة بومنيار

يالاباس عباة اجدودى *** من لاخير طلعت ايهودى

جاك الطز اللى مايطزك *** ساركوزى من برقه لزك

ياشراب حليب الناقه,,,جاك اللي ماعمره ذاقه(ساركوزي)

شرابين حليب النيدو ،، قالو القذافي مانريدو

هذا جيل السروال الطايح خلا بومنيار فضايح...

معمر وين علينا يطل...... حمار اشهب في ودنه تل

عمري ماننسى ساركوزي نين ايطارحني عكوزي

ياقذافى تبى الحق....أقاعدك داير جو قلق

السروال الطايح والجل دارو للقذافي حل...

نبوووو جديد