سااادنا جهل وتقديس لمدة 42عاااااااااااااااااام.

من طرف **زهرة اللوتس** 2011-11-25, 1:50 pm

من خلال تواصلي في صفحااات التواصل الاجتمااعي..لاحظت اشخااص انه مازال عندهم تقديس لبعض الشخصيااات..وايقولك خط احمر..شنو خلا القذافي والطغاة الي كيفه يوصلوه للدكتاتورية في حكمهم الا من هالقصة..
لازم ننتقدوه ..انا مع النقد البنااء بدون تهجم..انا كراي شخصي انه اي حد من الحكومة او المجلس او اي شخص مسئول المفروض توا انه اي شئ ميعجبنااش لازم نحكوه فيه.بحكمة وتعقل اكيد..
الي لاحظته امس من خلال خبر ايقاف بلحااج وحتى لو مفيش حد مصدق الخبر..بس انقوللكم ولو حتى يطلع من وينفي انقوللكم الخبر صح..ومن ناااس مؤثوقة انه تم ايقافه..المهم لاحظت بعض الاشخااص الي يقولك هذا خط احمر..وهذا مش عارفة شنو...
المفروض قصة تقديس الاشخاااص لابد ننسوووه والي يغلط وحتى كان الرئيس بعدين.لابد يتحااسب بالقاانون..سااد قدسنا القذافي شوفوه شنو دار بشعبه...وعملية حد ايقول فتنة ومش وقته..غلط لانه توا مرحلة بناااء البلاد..وزي متبني حوشك ...ولو غشيت في الاسااس وسكتت عنه بعدين مع الوقت حينهاار.
وعلى اسااس.تبنى الحكومة على اسااس صح لانه لازم من كل من يخطئ في المرحلة هذه بالذاات يتحااسب..وتوا الي يحكي ايقولك فتنة..اي فتنة ولما اتشوف غلط وتسكت عليه..
ودليل في اشخااص استلمت مناصب سرقت ونهبت البلاد ومعروفين والشعب كله عارفهم..
لابد كل من عند صوت يصل الان عشاان تعرف الحكومة انه الشعب يراقبهم ..في كل خطوة.
نهاية وليس اخرااا لابد قصة تقديس الاشخااص ننسوهاااا ساادنا جهل وتخلف..وانه فلان ميديرهااش ليش ملائكة ومعصوم من الخطأ..
ربي يحفظ ليبيا واهلها من كل شئ..وياريت كل من عنده كلمة ايقوله..لكم الكلمة الان..
اختكم :زهرة اللوتس