الطاغية -للشاعرالشعبي :غفير صالح العرفي

من طرف **عبدالحفيظ عوض ربيع** 2011-12-07, 9:09 am

الطاغية

الشاعر الشعبي :غفير صالح العرفي

خذيت غايتك فالشعب يا سفاح أو مازلت قاعد قيس وجهك صاح

1- مازلت في موالك أتريد ليبيا بينك أو بين أعيالك

خليته خراب الله يخرب جالك جميع من إيعارض

تضربه بالسلاح

وأبها الشي منهو اللي يا بالك قيمتك امعاهم قيمة النباح

من يومن نظرنا يا نعيل خيالك أو هي أمظلمة والضيء ما عد لاح

أتعاود علينا وين ما قلنا لك تباعد بعيد أو شوفلك مطراح

يانا ابقوة عزم صبينالك قوي صفنا ثابت أو صفك طاح

ما عد تسند صف فرقة حالك أو لا ينهضك ثوري أولا قوقاح

ونكان قلت ليبي وين بوك أو خالك امنين جيت جنسيتك أتريد إيضاح

مال ليبيا الوفير درتا مالك موش شورنا عدا معا لرياح

جادوب حاشيتك أو من غنالك أو نحنا انراجوا في معاش أو راح .

طاغي أو لكن كل طاغي هالك ما يدوم فالدنيا إلا الفتاح

2- ما عاد عندك شان أو لاعاد تنظر خير يا جابان

الله ينعلك يا نذل يا شيطان تستاهل أتفال أو خزي كل صباح

قليل دين ما عندك اقدام إيمان أو لا بعدك فالعالم اطري نحاح

أو لا عاد عندك فالبلاد مكان شور من إيريدك يا معمر راح

أو لا وطنا اتهواه مهما كان اللي امخربة ما درت فيه صلاح

ما انو انسوا ع الظلم والطغيان حتى انكان ودرنا تريس املاح

افراس وين ما جاهم العاصي لان ما يريبوا مالموت هل كفاح

اللي يا معمر درتم جردان شكلك إيصادر ما قدر جناح

انت موش بو نادم أو لانك جان جايب أوصاف أو فعل من نطاح

مطرغن سمين إيهد في السيسان جايبينا للسوق لكن ساح

يوزن أو زايد علوع الثيران مسيرك مسيره سقده ذباح

3- ليش ما تخطاها ليبيا اللي منك سبايب داها

ما درت فيها خير سوك جاها جايبلها بالقصد ناس اقباح

حالفيلك بيمين ما تهواها اولا قابلك شرطي أو لا فلاح

وانكان جيتا راهم إيجوك ضناها تاخذ علي خدك اكفوف اسماح

4- ما من هزيبة جاتك توا انزيدك كان ما سداتك

الله يلعنك لعند يوم اماتك يا رزيل يا ساقط أو يا تيناح

وطات ليبيا يا وغد موش وطاتك أرحل أو خلي شعبها يرتاح

جيتا اتذوح أو هي اللي رباتك جميلها عليك كبير يا مذراح

كافيتا برصاص من قواتك بامرك إيزوز أو كل شي مباح

اقناع الحياة حيد أو لم عباتك ما عاد إيفكك جري يا من ذاح

فوق من مقامن نارها حطاتك نار تدقل بنة أقتارك فاح

كمين كارثة فالشعب ما هماتك عارفينك واطي ولد سفاح

ميتة ضنا لجواد ما وجعاتك أولا تريد في برقة إيسير نجاح

5- يا عديم إحساسه أو يامن امخلي ليبيا منهاسة

امسلط عليها الجيش والقناصة أقتال أو دمار أو بهدلة وجراح

إيجيبلك الله بين العيون رصاصة موش من بعيد اقريبة بركاح

خليت وطنا حايس أو كاثر باسا كثرن معازيه أو قل أفراح

مالنا اطرطش طال في بوكاصه أو نحنا ابقينا نازحين نزاح

6- يا مغضب ربا خراب ليبيا منك او تطالبه

لوكان غير انشوخ عارف طبه انجيبه امكتف فوق من بطاح

جميع من امخطم يلعنه ويسبا ايعشم فيه تسليطه على لرواح

إيجيه عبد مطرغن ابسيف أيذبه أطير رقبته وكفاه المناح

ما يندفن في قبر يالا قبه يبقى عشا للصيد في المسراح