موش غريبه

قصيدة للشاعر بوبكر رابح

موش غريبه....انغالوا عزيز وما ايصير نصيبه......ما تزعلي ياعين

ياما افراق اسمعنا....وياما وياما من عزيز وجعنا....عدا ابشوق العين ما ودعنا.....لاعند توا في جرر تعذيبه


ولاعند توا ما غلاهم بعنا.....رغم الظروف الصاعبه العصيبه

مازال هو المرسى وهو مقدعنا.....ومازلت نطري فيه ونسهريبه

وقافل ابواب الصوب ما شرعنا....امفيت بيه ما عندي غلا نشكيبه

وعارف امعاه الصبر ما ينفعنا.....وعارفينا منا ومن تسبيبه

وعارف وراه العقل ما طاوعنا......وكسَر خواطرنا ابطول الغيبه

نلقانا افراقه شين وملذعنا......لذعت اعديك ما الها تطبيبه

ونلقانا اغيابه هو اللي جرَعنا......كاس الفراق المر ونهاتيبه

الدايم الله الله غاب فزعنا......اللي قبل ياما من احمول صليبه

شالوا وما قالوا اللوم قلعنا.......وديما امعايا زارعين الطيبه

اليوم وينهم غابوا ونحنا ضعنا.......من طول الرجا والياس والتسكيبه

يالله ياعالي وياسامعنا........تقرب اديارا في ايام قريبه

ويعاود زها لنظار وتجمعنا.......نا والعزيز اللي لذيذ سريبه

مشكـــــــــــــــــــــور اخــــــــــــــي.....

مشكـــــــــــــــــــــــــــور وبارك الله فيك

شكراً لمروركم الرائع..........ونتمنى ان تعم الفائدة للجميع

يسلـــــــــــــــــــــــــــــــــــــــــــــــــمـــــــــــــــــــــو ع المو ضوع