اعزوم واصبرن ديرن على مافات

من طرف opengod2000 2011-12-17, 1:01 pm

ديرن علي ما فات.. واللى قاسمة للجّوف فيه اتبات

اعزوم واصبرن ديرن على مافات

ديـــــــرن اعزوم وعـــــــــــدّن *** نهار الفراق ان صار لا اتكـــدّن

يوم ينصفن الاقسام يوم يــــودن *** وديمة لهن طوله بعد قصـــرات

واجد اللى كيفكن بكن ما بـــــدن *** وما عمر طالوا بالبكا غايـــــات

ولو كان السنين الهالبات يـردن *** وغلاه لولى يعمر بعد جفــــوات

ولوكان الاقسام العقل فيه يودن *** لا افراق صارولا نظر ياســـــات

الاّ يا قرينى بالعكاس تعــــــدّن *** وايام الدلال اتقول مشحـــــوتات

وصيّورالغوالي عالخيا ينهـدّن *** وصيّوره اسلاف الحيّ مردودات

الايام بالغرايب كل يوم يجــدّن *** وماعمــرهن باتن على رايـــات

***************************

ديرن ان كــــان اقدرتـــــــــــــن *** ياانضار عزم عااللى فى غلاه اقهرتن

ويقولو دواه الصبر كان صبرتن *** العــــــازة وضيم الوقت واللـــــوعات

لا بيدكن لابالطريق اخترتـــــــن *** من العاـــــزة عليها جبـــر مجبــورات

لو كان يا انظارى فى الدنا خيّرتن *** غنــــايا بغــــاليكن الكن عـــــــامات

*****************************

ديــــرن اعــــزوم مقــــــــــــــاوى *** ولا تنظرن فى هالزمان الخاوى

اوقات ينعدل يبقى معاك ابجـــــاوى *** وواقات بالعكاس يجيك والعازات

وما كــــــــل برّاقة رعدهــــا داوى *** يصبح مطرها عالوطا فـــــــلاّت

ولا كل من قوفل رحيــــــل اهناوى *** وصل جلوته لاسوّ لاصدعــــات

ولا كل من طبّب الجرح يـــــــداوى*** يزيد علّتك راه الدوا مــــــرّات

ولا كل شيخ إيعلّ فى الفتــــــــاوى*** تريد تضمنه من الذنب والزلاّت

ولا كل من يعزم تقول ابجــــــاوى *** الجود والكرامة ينبعن من الذات

والدنيا على سوق البلاء ما تـاوى *** اطلوق باعها بأول اسوام اوقات

كمّين فاهقاً ع العقل بات إيــواوى *** غياب هله وأمسمّر البكايــــــات

******************************

ديرن علي ما فات ** واللى قاسمة للجّوف فيه اتبات

اعزوم واصبرنا ديرن على مافات

وسلمتـــــــــــــو