وما اتسالهن!!

من طرف **زهرة اللوتس** 2012-01-10, 9:59 am

ماهن عليك الصاقه .. بعد هنتهن يسفن غلاك ارواقه..وما اتسالهن
*-*-*
ماهى عليك اسناده .. بعد انك رضيت الجفو فيها راده
وفيهن خطاك كبير لين تماده .. وكبر فاهقك ما جت عليه اغلاقه
بعد هنتهن شربن عليك الساده .. وماعاد يلتفتن على سراقه
من خوف ينعلن على النشاده .. مناضيق صوبك ينقلوا هقهاقه
وبيك ننقرض نرخص على النقاده .. وفى سبايبك نخسر تريس رفاقه
ويبدوا ايقولوا يا كحيل هماده .. بعد التبات مهدى نجر ساقه
*-*-*
ماهى عليك جبيره .. ان تم الغلا منك اكراد ابيره
بلاك يا علم عانن اضروف عسيره .. وكافيتهن بلى مرار مضاقه
بعد انك رضيت العيب فيها خيره .. كل حى راهن عالكريم ارزاقه
معاك حايسات محاس خيط النيره .. الى كان قصر خيط ما ايتلاقه
*-*-*
ماهن عليك سنايد .. بعد هنتهن دارن اعزوم شدايد
وفاتلهن ياسك تمان عقايد .. صم طرش لاويهن لها برواقه
واخرا فاهقك مقرن اخلاله بايد .. تمازا تهلاع ياس دب ارواقه
خبارة العدوا جتنا بقول الرايد .. مجدب بياحك مالغلا وطهاقه
وقول حى هى حد الاعياط بزايد .. خنين الغلا منك ارميت اسباقه
*-*-*
ماهى امعاك تبيعه .. والى اطلوق بلاش اتبيعك ..
واخدا من قبلك على التجريعه .. من هول الزمان وعلته وفراقه
مشى بشوقهن وجدا بغلاك ربيعه .. صايف على وجه الوطا دقداقه
مرات الخيانه فى الانسان طبيعه .. يمشى العمر مايقدر ايدير رفاقه
ودرت الغلا مانلت غير قطيعه .. وجروح هيمنن عالجوف له مزاقه
صارلى مصار الى رخوه الشيعه .. وطاحن تماتيله بحرق اوراقه
*-*-*
ما ايتعامن .. ولاهن على شكع السراب ايرامن
وحتى انكانهن منك صحيح اضلامن .. امسامحات يا صابغ سواد ارماقه
وانتم الغلا ترويم عنه صامن .. صيام دهر ما يشهن اقرون مضاقه
ورفقه خصيمك فى الخلا لا تامن .. وديول العقارب فى الحقف عواقه
بلا عزيز ما ماتن ولا يلتامن .. عزاهن تلات ايام عطفت ناقه
منقول